Fleiri eiga að fjúka.

Ráðherrar, þingmenn, bankastjórar, eftirlitsmenn, og einnig forseti lýðveldisins.

Hann hefði getað staðfest fjölmiðlalögin en ekki látið undan þrýstingi auðmanna um að gera hinn undarlega gjörning sem var að staðfesta ekki lög frá alþingi.

Ráðherrar bera ábyrgð, alveg sama hvað þeir segja, forsætisráðherra, fjármálaráðherra og viðskiptaráðherra.  Aðrir ráðherrar sem tengjast mönnum með vafasama slóð í tengslum við bankahrunið eiga einnig að víkja eins og t.d. menntamálaráðherra.  

Þingmenn sem eiga aðild að hruninu eða hafa bjargað eigin skinni eða reynt að bjarga eigin skinni í kjölfarið eiga að pakka saman.

Bankastjórn Seðlabankans hefur ekkert erindi lengur, uppvís að klúðri á klúður ofan.

Bankastjórar bankanna og stjórnendur sem voru ábyrgir fyrir hrun eiga að fjúka líka.  Að sjálfsögðu! 

Eftirlitsmenn hafa alls ekki staðið sína plikt! 

Burt með allt þetta fólk sem hefur komið okkur þangað sem við erum.

Við treystum ekki þessu sama fólki til að byggja upp aftur á eigin rústum. 

Þó þau telji sig vera í björgunarleiðangri þá tel ég alveg óhugsandi að þau sem ullu slysinu bregði sér sjálf í hlutverk björgunarsveitar.  

Fólk sem lendir í slysi eða veldur slysi fær venjulega taugaáfall og á að njóta aðhlynningar, fá áfallahjálp, en ekki ráfa um á rústunum.

Þá koma venjulega utanaðkomandi vel þjálfaðar björgunarsveitir sem taka málin í sínar hendur með sameiginlega stjórnstöð sem sér um að öll vinnubrögð verði fumlaus og markviss. 

--

Auðvitað á tafarlaust að rannsaka málin og sækja menn til saka eftir atvikum.  Við eigum ekki að líða lögbrot eða einhvers konar Enro hneyksli hér á landi!  Hver er að tefja þau mál?  

 

 

 

 

Tryggvi hættur í Landsbankanum

Næstu árin sársaukafull almenningi...

Hversu heimskir geta menn verið?

Davíð Oddsson sér ekki ástæðu til að funda með ríkisstjórn heldur hrigir (að eigin sögn) í forsætisráðherra og gefur honum jafn alvarlegar upplýsingar símleiðis!

Geir H. Haarde telur ekki ástæðu til að bregðast við samtalinu (ef það átti sér stað).

Maður gæti ýmindað sér að mennirnir hafi bara verið blindfullir í vinnunni!

Ástandið gæti ekki orðið verra.

Geir H. Haarde á að segja af sér.

Umsvifalaust.

Seðlabankinn varaður við í júní

The Savior

Jón Gerald Sullenberger er flottur og kemur sterkur inn.  Mér finnst gott mál ef hann stofnar hér lágvöruverslun sem samkeppnisaðila við Bónus.  

Þó Krónan sé ágæt væri ekki verra að fá annan valkost.

Hvað svo sem Jón Gerald tekur sér fyrir hendur veit ég að honum verður vel tekið. 

Við höfum þörf fyrir uppbyggingu og yfirlýsing hans um að hann ætli að taka þátt í og vera leiðandi í þeim efnum blæs hugrekki í marga.

Alla vega fann ég ættjarðarstoltið sem var að fara veg allrar veraldar lifna við þegar hann sagðist myndi koma með vasaljósið.......

 

Jón Gerald mótmælir í Landsbanka

Samfylkingin fær mjúka meðferð hjá fjölmiðlum auðmanna

Þessu heldur Bjarni Harðarson fram í viðtali á mbl.is og það er hætt við að það sé rétt hjá honum.

Ekki bara Samfylkingin heldur Framsóknarflokkurinn , Sjálfstæðisflokkurinn og aðrir flokkar hér á landi.

Nú er nauðsynlegt að stofna nýjan öflugan og óháðan fjölmiðil. Hann myndi sópa til sín góðu fólki sem vill vinna vinnuna sína án þrýstings auðmanna og stjórnmálamanna.  Allir vita að þegar auðmenn og stjórnmálamenn plotta saman á þann hátt sem þeir nú gera myndast banvænan kokteil á vettvangi fjölmiðla sem og á öllum öðrum sviðum í þessu þjóðfélagi.

Íslendingar eru kúguð þjóð með spillta ríkisstjórn og spilltan þingheim sem allur er meira eða minna blandaðir í þetta hrun Íslenska bankakerfisins á einn eða annan hátt.  

Það segir sig sjálft að það er svo fyrst ekkert gerist til að upplýsa mál og skýra hvers vegna staðan er eins og hún er.  

Þingheimur er drulluhræddur um eigið skinn!

Þingheimur og auðmenn komast upp með margt meðan fjölmiðlar sinna ekki upplýsingaskyldum sínum en eru lamaðir undir hæl auðmanna sem halda stjórnmálamönnum í spennitreyju. 

 

Stjórna í gegnum fjölmiðla

Kúguð þjóð.....gott þegar einn stendur upp! Takk Jón Bjarki.

Á eyjan.is er m.a. fjallað mjög ítarlega um mál Jóns Bjarka Magnússonar og ritstjórnar DV sem er í raun mál allrar þjóðarinnar.  Jón Bjarki mat það rétt að svona kúgun er ekki einkamál blaðamanna.

Ritstjórar DV þeir Reynir Traustason og co hófu ófrægingarherferð gegn honum eftir að hann sagði frá því að frétt hefði verið stöðvuð.  Jón Bjarki mætti með upptöku af samtali sínu við Reyni í Kastljósið og sannaði þar með hver sannleikurinn er í þessu máli.

Það sem er mest óhuggulegt er það að sá sem er "pappírstætarinn" í málinu Sigurjón Þ. Árnason gengur laus í húsnæði Landsbankans og tætir gögn til að hvítþvo eigendur DV, 365, Moggans og annarra fjölmiðla.

Hótar greinilega ritstjórum á meðan hann starfar í skjóli nætur við sína iðju.

Þetta er spurning um líf eða dauða blaðsins sagði Reynir Traustason.  Það er greinilega svo í orðsins fyllstu merkingu.

Reynir Traustason hyggst lögsækja Kastljós fyrir að birta trúnaðarupplýsingar með upptöku af samtali sínu og Jóns Bjarka.  O.k. hann um það en ég segi hver átti að lögsækja Reyni og DV fyrir að "vitna í" þetta sama trúnaðarsamtal og ljúga upp á blaðamanninn?

Reyna að svipta hann ærunni?

Nú ætla ég að nota orðalag sem mér hefur hingað til ekki hugnast.  Reynir Traustason er gersamlega búin að drulla upp á bak já eigum við að segja alla leið upp á hnakka og hann situr fastur í eigin skít.

Slæmu fréttirnar eru að almenningur í landinu situr fastur í lygavef spilltra stjórnmálamanna, peningamanna OG fjölmiðlamanna.

Góðu fréttirnar eru þær að Reynir Traustason hefur STAÐFEST orðspor DV sem sorprits.

Hvet alla til að lesa umfjöllun á eyjan.is og  auk þess á eftirfarandi færslu kemur fram hvert hlutverk Sigurjóns er í húsnæði Landsbankans um þessar mundir. 

 

http://jensgud.blog.is/blog/jensgud/entry/745526/#comments 

Höft á báða bóga

Ég skil ekki þessi einstrengingslegu höft.

Ég hef heyrt um slatta af Íslendingum búsettum erlendis sem vilja koma heim með gjaldeyrir þegar þeir heimsækja landið en þora því ekki vegna þess að þeim er meinað að fara með afganginn aftur þegar þeir halda af landi brott aftur.

Þetta er alveg furðulega flausturslegt og óafsakanlegt af yfirvöldum hvernig þau hafa anað áfram í flýti þegar hagsmunir heillar þjóðar eru jafn viðkvæmir og nú! 

 

Verðbólgumarkmið mun nást 2010

STJÖRNUSPÁ

Steingeit: Vita skaltu að það dugir ekki að sitja með hendur í skauti og halda að lífið leiti þig uppi. Skoðaðu stöðuna vandlega áður en þú ákveður að breyta til.

--

Ég held að þessi orð eigi vel við núna.

Ekki bara við mig heldur við alla þjóðina.

Eigið góða nótt. 

Stjórnarlaun FME tvöfölduð vegna álags...

....Hvað með þjóðina?  Fær hún tvöföld laun vegna þess álags sem stóm Fjármálaeftirlitsins hefur lagt á herðar henni með slælegu eftirliti?

Þetta gildir afturvirkt til 1. júlí.

Þóknun formannsins var 260 þúsund á mánuði en er nú 520 þúsund.  

Jónas Fr. Jónsson forstjóri Fjármálaeftirlitsins fær 1,7 milljónir á mánuði og aðstoðarforstjórinn Ragnar Hafliðason fær 1250 þúsund á mánuði. Auk þeirra eru fjórir sviðsstjórar sem fá laun á bilinu 855 til 968 þúsund á mánuði.

Þetta ásamt fleiru kom fram í svari viðskiptaráðherra við fyrirspurn Atla Gíslasonar þingmanns VG.

--

Þetta er í Fréttablaðinu í dag.

Nýr bloggvinur "idda"

Nýjasta bloggvinkona ippu er idda.  Idda skrifar skýrt og skorinort fréttablogg, fullt réttlætiskenndar.

Velkomin í bloggvinahópinn. 

Klíkuskapur.....

Það er hámark spillingarinnar þegar jólasveinar eru farnir að gefa hver öðrum girnilegar grillkartöflur í skóinn.

Var Össur ekki að tala um að fækka aukakílóunum utan af ráðherrunum?

Það gerist varla með þessu áframhaldi.

Svo setja þeir auðvitað smjör inn í hana! 

Össur fær kartöflu frá Stekkjastaur