Færsluflokkur: Pepsi-deildin

Magnað.

http://www.borgarleikhus.is/livestream

 

Kom aðeins við í Borgarleikhúsinu í dag.  Það var reyfarakennt.  

Heyra upplestur um bíræfið og þaulskipulagt bankarán í boði stjórnvalda......  


Dómstólaleiðin eina færa leiðin....

Það er athyglisvert að fylgjast með lýðræðislega kjörnum fulltrúum Íslands þessar vikurnar.   Fulltrúum sem lofuðu gegnsæi og opnu stjórnkerfi.

Foraætisráðherra sem leiðtogi þjóðar ætti að vísa veginn og leggja fram skýra valkosti fyrir þjóð sína.  Í stað þess hefur Jóhanna Sigurðardóttir haft í stöðugum hótunum  um hvernig allt fari á versta veg ef Icesave samningarnir yrðu ekki samþykktir orðalaust.

Forsætisráðherra situr síðan á leynifundum með Evrópubandalagsleiðtogum eins og það sé hennar einkamál hvort landið sæki um aðild eða eigi yfir höfuð einhver samskipti við bandalagið.

Það er mjög athyglisvert að fylgjast með fulltrúum lýðræðisins beita slíkum einræðistilburðum.

Steingrímur virðist berjast af einurð gegn betri Ivesave samningi enda stangast betri samningur á við yfirlýsingar hans og út frá því gæti það að vera honum pólitískt kappsmál að fá EKKI betri samning.

Miðað við yfirlýsingar hans í fjölmiðlum virðist mér að sú gæti verið raunin.  Því miður.

Ég sé ekki betur en bæði forsætisraðherra og fjármálaráðherra hafi gert sig vanhæf í málinu með yfirlýsingum sínum og tel að úr því sem komið er sé dómstólaleiðin eina færa leiðin.  

Nema ef vera kynni að gömlu nýlenduþjóðirnar fengjust til að hirða eignir bankanna sem eru á þeirra yfirráðasvæði og láta þar við sitja.

--- 

Einnig mætti í framhaldi af því fela Bretum og/eða Hollendingum að lögsækja þá menn sem eru ábyrgir í málinu og búa í London eða á Bretlandi (veit reyndar ekki til þess að neinir búi í Hollandi) og öðlast þannig hugsanlega rétt á skaðabótum frá þeim sjálfir, beint og krókalaust.

 Því ekki að láta Bretana (og Hollendingana) um það sem þeir kunna betur en við?  

Að sækja það sem farið er! 

 

 

 

 

 


Skiptir það máli?

Nú velta menn því fyrir sér hvaða áhrif það hafi ef forsetin synjar lögunum staðfestingar og vísar þeim til þjóðaratkvæðagreiðslu.

Skiptir það máli spyr ég?  Synji hann lögunum öðlast þau samt sem áður tafarlaust gildi uns greidd hafa verið um þau þjóðaratkvæði eða alþingi dregur þau til baka.

Segi Bretar og Hollendingar upp samningnum þýðir það væntanlega að þeir muni sækja rétt sinn fyrir Íslenskum dómstólum og er það slæmt?

Ég heyrði ávæning af viðtali við Jón  Daníelsson hagfræðing þar sem hann sagði frá því að þegar hann útskýrði hve gífurleg skuldabyrði Icesave væri á hvern Íslending t.d. með því að heimfæra töluna á Bretland eða Bandaríkin m.v. það væru flestir sammála honum um að nánast vonlaust verði fyrir þjóðina að standa í skilum.  

 

jon-danielsson.jpg

 

 

 

 

 

 

 

 

Ég skal ekki um það segja hver nákvæmlega áhrifin verða en það hlýtur að standa í okkur öllum að taka á okkur skuldbindingar langt umfram getu.  

Skuldbindingar sem hljóta að ógna sjálfstæði okkar sem þjóðar. 


mbl.is Blaðamannafundur í fyrramálið
Tilkynna um óviðeigandi tengingu við frétt

Meðhöndlun í Bláa Lóninu- Treat in the Blue Lagoon

Vinkona mín meðhöndlaði mig í Bláa Lóninu í gær.  Höfuðbeina og spjaldhryggsmeðfeð.  

Það var mjög athyglisvert og lét hún mig um að stýra ferð og ég sigldi um allt lónið eins og skúta.Hún sagði að ég hefði verið óvenju hröð.

Maðurinn hennar hélt í tærnar á mér svo þær sykkju nú ekki og hann þurfti að hlaupa með.

Ég tók stefnuna á nokkra Svía og tvístraði hópnum. Ég hálf mókti mestan hluta meðferðarinnar.  Í lokin þegar meðferðinni lauk lentum við inni í Hollenska landsliðshópnum sem var hér til að sækja nokkur stig fyrir HM. (2-1 fyrir Holland)

Þeir hafa talið sig örugga með Rafael van der Fart í hveralyktinni!Wink

En mikið voru þetta fallegir menn.

Áfram Holland. InLove  Þrátt fyrir helvítis Edge reikningana eða hvað þeir hétu.Blush

 --

My friend was giving me a Cranio treat in the Blue Lagoon yesterday. 

It was very interesting to get this treatment in water and she let me just fleet in the water and I was sailing around the Lagoon like að sailboat.  Very quick she said.

Her husband was holding my feet so they did not sink and he had to run to keep up with us. 

First I "sailed" in a groop of some Swedish guys.  I was almost asleep during the treat.  We ended  with the fotballteam from Netherlands that was in Iceland to get a few points for HM next year.  (2-1 for Netherlands)

They did not have to worrie about Rafael van der Fart becauce the smell from the hot water from the eart in Iceland just suits him.Wink

But OMG what they were beutiful. 

I stand by  Netherlands from now on!InLove In spite of Edge or whatewer the name was on the bloody bank accounts.Blush

 

 


Árshátíð?

Ef Seðlabankinn er með ársátíð núna þá sýnir það bara svart á hvítu hve gersamlega veruleikafirrtir menn eru!

Ég vona að þetta sé ekki tilfellið því ef þetta er satt þá er staðan á þeim bæ verri en ég hélt.

Seðlabankinn ætti frekar að gefa mæðrastyrksnefnd andvirði árshátíðar.

 

 


mbl.is Seðlabankanum mótmælt
Tilkynna um óviðeigandi tengingu við frétt

Hagsmunatengsl

Þetta eru ekki einu hagsmunatengslin í þessu bankahneyksli hér á Íslandi þar sem enginn er ábyrgur og enginn þarf að segja af sér.

Tryggvi gerði það þó seint og um síðir.  

Það er meira en pólitíkusarnir okkar telja ástæðu til.

Þau sitja sem fastast og benda í allar áttir en þykjast þó ekkert vera að leita að "sökudólgum".

Það skiptir bara engu máli hvort þau telja sig "sökudólga"  þau bera pólitíska ábyrgð í málinu og eiga að segja af sér.

Betra er seint en aldrei en auðvitað áttu þau að fjúka strax.  

Af sjálfsdáðum. 

 


mbl.is Tryggvi hafði bein afskipti
Tilkynna um óviðeigandi tengingu við frétt

Vanhæft eftirlit Ríkisstjórnarinnar

Hvers vegna í ósköpunum er Elín Jónsdóttir lögfræðingur FME að "ropa" þessu upp úr sér núna?

Var ekki hlustað á hana eða hélt hún sér bara saman áður?

Nú vill Morgunblaðið greinilega koma á framfæri einhverjum sjónarmiðum en fattar ekki að Ríkisstjórninni áttu að vera þau ljós fyrir bankahrunið. 

Ríkisstjórnin átti að sjá um að allt væri í "orden" þegar hún einkavæddi bankana en hún gerðið það einfaldlega ekki.

Þess vegna er hún nú rúin trausti.

Punktur. 

 

 

 


mbl.is „Rauðir í framan af reiði“
Tilkynna um óviðeigandi tengingu við frétt

Rústabjörgun

Íslensk stjórnvöld hafa verið ráfandi um á rústunum síðan bankarnir hrundu.  Eigum við að segja síðan Íslensk stjórnvöld ýttu þeim fram af brúninni með aðgerðum/aðgerðaleysi sínu?

Þegar menn valda slysi sem þeir sjálfir og öll þeirra "fjölskylda" skaðast í eiga þeir að fá aðra til að byggja upp eftir slysið.

Það getur aldrei komið heim og saman að sama fólkið og olli slysinu vafri um á slysstað og reyni að dylja slóð sína.

Hamast við að fela hver gerði hvað eða hver gerði EKKI hvað?

Yfirklór og ómarkvissar aðgerðir stjórnvalda í kjölfar atburðanna bera vott um að þau eru í "losti" eftir stórslys.

Nýtt lið í brúna takk! 

 

 


mbl.is Leita ráðgjafar vegna Baugs
Tilkynna um óviðeigandi tengingu við frétt

Hættur farinn!

Hvers lags er þetta?  Eru fyrrverandi starfsmenn bankanna víða að sjá um innri endurskoðun þeirra?

Hvernig samræmist það lögum?

Hvernig á þessi sami starfsmaður að verja sig ef eitthvað kemur upp sem áhöld eru um?

Það er gott hjá honum að hætta en ég er meira undrandi á að hann tók að sér starfið í upphafi?

Undrandi á stjórnendum bankans og þar með ríkisstjórninni að ráða hann í starfið?

Ég er ekki að segja þar með að þessi maður sé eitthvað óheiðarlegur en það samræmist ekki starfi endurskoðanda að hafa unnið fyrir stofnunina áður.

Endurskoðendur verða að vera hafnir yfir allan vafa!

Ríkisstjórnin virðist vera föst í einhvers konar spillingarpytti sem hún sér ekki upp úr!

Við viljum að það sé hreinsað algerlega til.  Við trúum ekki á kattarþvott ríkisstjórnarinnar.

Svo vill til að einstaka menn eins og Brynjólfur ranka við sér og fatta að þetta passar ekki.  Það er ekki ríkisstjórninni eða stjórnendum bankanna að þakka. 


mbl.is Innri endurskoðandi óskast
Tilkynna um óviðeigandi tengingu við frétt

Stjórnarlaun FME tvöfölduð vegna álags...

....Hvað með þjóðina?  Fær hún tvöföld laun vegna þess álags sem stóm Fjármálaeftirlitsins hefur lagt á herðar henni með slælegu eftirliti?

Þetta gildir afturvirkt til 1. júlí.

Þóknun formannsins var 260 þúsund á mánuði en er nú 520 þúsund.  

Jónas Fr. Jónsson forstjóri Fjármálaeftirlitsins fær 1,7 milljónir á mánuði og aðstoðarforstjórinn Ragnar Hafliðason fær 1250 þúsund á mánuði. Auk þeirra eru fjórir sviðsstjórar sem fá laun á bilinu 855 til 968 þúsund á mánuði.

Þetta ásamt fleiru kom fram í svari viðskiptaráðherra við fyrirspurn Atla Gíslasonar þingmanns VG.

--

Þetta er í Fréttablaðinu í dag.


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband