Evran er þegar valkostur

Nú þegar samið hefur verið um það í kjarasamningum að launfólk getur kosið að fá laun sin greidd í evrum, þegar bankarnir lána í evrum o.s.frv. hlýtur að að vera aukaatriði hvort við tökum pólitíska ákvörðun um það að taku upp evruna?  Pólitíkusarnir hafa lítið með þetta að gera sýnist manni nú.  Atvinnulífið og fjárfestarnir, já og fólkið í landinu, hafa tekið frumkvæði svo ekki verður aftur snúið.  Ef það er hagkvæmara fyrir hagkerfið okkar að taka upp evruna er það ekki spurning um hvort heldur hvenær þetta skref verður endanlega stigið. Ég get ekki skilið hvers vegna evrópumenn ættu að fara í fílu yfir því?

Geir: Einhliða upptaka evru gæti þýtt pólitíska erfiðleika

Tónleikar gegn rasisma

 

Á vef ruv.is  er að finna viðtal við Bubba Morthens vegna tónleika gegn rasisma sem hann stendur að á næstunni.  ( Í kvöld)

Þetta er þarft framtak.

Þó ég voni auðvitað að rasismi sé ekki með djúpar rætur í íslensku þjóðfélgi þá veit ég að hann er fyrir hendi.

Ég á sjálf yndisleg barnabörn sem eru blönduð og guð minn góður ég gæti ekki hugsað mér lífið án þeirra.

Þó um ólíka strauma og svo gerólíkan bakgrunn sé að ræða þá eru kostirnir samt svo miklu meiri en ókostirnir.   Gleðin svo miklu sterkari en sorgin.  Lífið svo miklu skemmtilegra með  en án þeirra að það er ekki hægt að tala um neitt annað.

Við verðum að vakna íslendingar og eyða rasisma út úr okkar þjóðfélagi.  

Ég segi nú bara er ekki kominn tími til að kynbæta þennan stofn okkar?  Sem er orðinn nokkuð einsleitur?  Bjóða fólk sem hefur bjargað heilbrigðiskerfinu okkar undanfarin ár formlega velkomið.  Það væri ekki hægt að reka einn einasta spítala,elliheimili eða hjúkrunarheimili án erlends vinnuafls.

Þá er ég ekki að tala um fiskvinnsluna, virkjanaframkvæmdir, byggingarvinnu o.s.frv.o.s.frv.  

Það fer um mig ónotahrollur að vita til þess að til eru samtök á Ísland sem berjast ljóst og leynt gegn lituðu fólki.  Þó auðvitað séu langt í frá allir innflytjendur litaðir þá held ég að þeir séu nokkuð margir og skera sig augljóslega meira úr en aðrir innflytjendur.  

Svo er annað mál allir sem fá íslenskan ríkisborgararétt eru orðnir íslendingar takk fyrir!  Við eigum ekkert með að ráðast að samborgurum okkar með einhverja sleggjudóma.  Ekki heldur að þeim sem hér starfa tímabundið.  Við værum skrambi illa sett íslendingar ef við hefðum ekki fengið aðstoð frá öðrum löndum við uppbyggingu og umönnun meðal okkar hér á okkar ástkæra eyðiskeri! 

Hvet alla til að mæta á tónleikana hans Bubba!!! 

 http://dagskra.ruv.is/streaming/sjonvarpid/?file=4365616/3

(Katljósið, gerið bara copy og paste svo í  gluggann uppi)

 

 

  

Greiningarpróf

Það er jákvætt að lesa um svona uppgörvanir og frábært til þess að vita að sífellt er verið að þróa aðferðir við að framkvæma nákvæma greiningu á annars illgreinanlegum sjúkdómum. Það kemur fram í greininni að þetta er fjórða merkilega uppgötvun vísindamanna DeCODE á 18 mánuðum. Það er ljúft til þess að hugsa að MS félagið stuðlaði beinlínis að því að Kári Stefánsson flyttist til Íslands og stofnaði þetta fyrirtæki.Það gerðum við með því að hefja erfðarannsóknir á MS í samstarfi við Kára sem þá var búsettur í Boston í Bandaríkjunum.Ég hugsa þó að ekkert okkar sem tók þátt í að byggja upp það samstarf hafi órað fyrir því hve gífurlega mikilvægt starf yrði unnið í erfðarannsóknum hér á landi í kjölfarið....nema kannsi Kári sjálfur sem dreymdi um rannsóknir af þessu tagi frá upphafi. Okkar framlag var mikilvægt og sýndi fram á að það væri mögulegt að rannsaka alla MS sjúklinga og fjölskyldur þeirra.  Þetta gaf tóninn fyrir framtíðina.

deCODE markaðssetur nýjung

Hvað er Villi að pæla?

Borgarstjórinn fyrrverandi og tilvonandi Vilhjálmur Þ. Vilhjálmsson ætti að hafa þetta í huga.  Systir mín var að bðja mig að setja þetta inn á Ketilássíðuna og þá fékk ég hugljómun.  Mundu þetta næst Vilhjálmur.  

  

Úr heimabyggð

Gott að ekki varð slys á fólki þegar vélin lenti. Heilt sveiterfélag, Árneshreppur, treystir eingöngu á flugsamgöngur seinni part vetrar. Flogið er þangað tvisvar í viku.

Nefhjól sprakk í lendingu á Gjögri

Máttlaust MS-félag

Loksins virðist vera að koma einhver smá hreyfing á stöðu mála varðandi nýtt lyf við MS sjúkdóminum. Lyfið heitir Tysabri og ég hef fjallað aðeins um stöðu mála í þeim efnum hér á blogginu. Læknirinn minn hringdi í dag og var fyrst núna að fá í hendur gögn til að fylla út beiðni fyrir sjúklinga sína.
Eitthvað er málum blandið hvernig framkvæma á lyfjagjöfina en virðist sem einungis 50 manns eigi að fá lyfið og að það verði eingöngu gefið á dagdeild Landspítalans. Svo virðist sem allir MS sjúklingar alls staðar að af landinu þurfi að koma mánaðarlega suður til lyfjagjafar sem tekur eina til tvær klukkustundir í senn.
Ég fór að hugsa um stöðu MS sjúklinga og hve máttlaus hún er síðan núverandi stjórnendur í MS félaginu og hjá Dagvist þess ráku John Bendiktz taugalækni frá félaginu. Þetta gerðu þau án þess að blikna eða blána eftir 20 ára sjálfboðavinnu hans fyrir félagið, óþreytandi baráttu og elju fyrir tilvist þess og framúrskarandi þekkingu hans á MS ekki síst varðandi nýjungar og meðferðir við sjúkdóminum. Tvímælalaust er tekið mark á honum við að innleiða þær.
Nú hefur MS-félagið ekki þennan ötula baráttumann á sínum vegum lengur og það sem verra er að þeir læknar sem höfðu ákveðið að koma til starfa með honum hjá félaginu hættu við það þegar þeir vissu af því að hann hafði fengið uppsagnarbréf.

Spurningin sem situr eftir er þessi. Er ekki komin ástæða til að stofna nýtt MS félag sem hefur hagsmuni sjúklinganna að leiðarljósi? Félag sem með góðum lækni yrði tekið mark á í læknaheiminum og hjá heilbrigðisyfirvöldum? Félag sem hugsaði einnig um þarfir þeirra sem eru að greinast með sjúkdóminn og fylgdi eftir þeirra baráttumálum til jafns á við hina eldri?
MS-félag Íslands er ekki að gera þetta. Það hugsar eingöngu um þá sem eru langt leiddir með sjúkdóminn. Því miður hefur það staðnað þar.

Hvað segið þið?

Óásættanlegt

Þessar tafir eru algerlega óásættanlegar. Það ætti að gera eitthvað í að flýta verkinu sem allra mest. Ég hef sjálf verið óörugg þarna því mekingarnar eru ekki nógu skýrar og bráðabirgðabrautirnar beinlínis hættulegar. Það ætti að beita verktakann sektum fyrir að merkja ekki betur en þetta. Einnig ef það er honum að kenna með tafirnar þá á að fá aðra í verkið.

Slæmt ástand á Reykjanesbraut

Klárlega meirihluti

Það má velta ýmsu fyrir sér í sambandi við þessi borgarstjórnarskipti t.d. því hvort félagshyggjuöflin í borginni hafi ætlað að hafna félagslegum réttindum Ólafs F. Magnússonar til að koma til starfa á ný?

Hvort skipulögð mótmæli sem fóru úr böndunum hafi unnið með eða á móti skipuleggjendunum?

Hvort fjölmiðlar eru að sinna skyldum sínum með óhlutdrægum fréttaflutningi?

Hvort það var klókt af Dag B. Eggertssyni og Svandísi Svavarsdóttur að haga sér eins og "hljómsveitarstjórar" á fundinum í Ráðhúsinu þegar skipt var um borgarstjórn. Breyta auk þess röð frummælenda til að komast sjálf að á undan verðandi Borgarstjóra með stefnuræðu sína?

Hvor meirihlutinn er veikari sá sem hefur varamanninn (Margréti) eða aðalmanninn (Ólaf) innan sinna raða?

Þannig leita ótal spurningar á hugann sem eflaust fást ekki svör við fyrr en kannski með tíð og tíma. Ég tel þó klárlega að meirihluti sem hefur aðalmenn af listum innan sinna raða mun vænlegri kost til árangurs en hinn sem reynir að "skáka" lýðræðinu með varamenn sem hafa sest að í sæti aðalmanna og vilja ekki víkja. Telja sig allt í einu aðalmenn af því það hentar þeim svo vel.

Félagshyggjan er greinilega bara fyrir þá sem eru að vinna "fyrir fólkið" ekki fyrir fólkið sjálft. Af því að málstaðurinn er svo góður? Þá þarf ekkert lýðræði?

Tek heils hugar undir þessa ályktun.

Sjálfstæðiskonur fagna nýjum meirihluta

Margrét Sverrisdóttir skóp nýja meirihlutann í Reykjavík

Er virkilega enginn búin að fatta þetta? Fjölmiðlar djöflast á Ólafi F. Magnússyni og Sjálfstæðisflokknum en horfa fram hjá þeirri sem ber ábyrgð á þessu öllu. Margrét Sverrisdóttir tók sæti Ólafs F. Magnússonar í veikindaleyfi hans og settist í stól forseta Borgarstjórnar m.m. Þegar Ólafur snéri aftur úr veikindaleyfinu karfðist hún heilbrigðisvottorðs og reyndi á allan hátt að koma í veg fyrir að hann tæki aftur sæti sitt í Borgarstjórninni. Maður þarf ekki að hafa sterkt ímyndunarafl til að fá hugmynd um hvernig staða hans var í þessum hópi. Enda kom það á daginn að hann gafst upp og leitaði annað þar sem honum var haldið "í gíslingu" innan Borgarstjórnarinnar fyrrverandi. Af Margréti Sverrisdóttur fyrst og fremst. Eftir Margréti dönsuðu svo aðrir borgarrfulltrúar í meirihlutanum fyrrverandi.
Ábyrgðin á að vera þar sem hún á heima ekki á herðum þeirra sem tóku að sér að "frelsa gíslinn" eða á "gíslinum" sjálfum.
Ég óska nýrri Borgarstjórn góðs gengis.

"Lýðræðið" á pöllunum

Ég er nánast orðlaus eftir að hafa orðið vitni að þeim skrílslátum sem viðhöfð voru í Ráðhúsi Reykjavíkur í dag í beinni útsendingu. Það hefði sannarlega ekki verið kallað lýðræði ef ungliðar Sjálfstæðisflokksins hefðu staðið fyrir og viðhaft þessi læti þegar Samfylking, Framsókn, Vinstri grænir og Margrét Sverrisdóttir tóku við borginni. Það hefði verið kallað ofbeldi eða valdníðsla. Auðvitað eru þetta vinnubrögð sem þeim dytti ekki í hug að viðhafa. Ég er fegin að meirihlutinn sem nú situr er ekki með þennan "óþjóðalýð" á bak við sig. Þvílik múgæsing og niðurlæging fyrir vesalings mótmælendurna.

Fundur hafinn á ný í Ráðhúsinu