Erfitt mál

Þetta virðist ætla að verða erfitt mál.

Kannski ættu þau að mynda stjórn og leggja Evrópumálið einfaldlega fyrir þingið!

Það myndi auka þingræðið.  

Enn ósætti um ESB-málið

Jóhanna reynir að sveifla "Skallagrími"

Það verður að koma í ljós hvernig það mun ganga hjá Jóhönnu að sveifla Steingrími J. Sigfússyni í Evrópusambandsumræður.

Mér fyndist nú dálítið mikið svindl ef þau mynda svo stjórn til þess eins að kjósa um það hvort við eigum að sækja um aðild.

Samfylkingin lagði það ríka áherslu á Evrópumálin að henni er ekki stætt á því meðan tveir aðrir flokkar, sem eru Framsókn og Borgarahreyfing vilja sækja um og unnt er að mynda stjórn með þeim og Samfylkingu.

Þetta skýrist allt og nú kemur loks í ljós hvað við vorum að kjósa! 

 

Umboð til stjórnarmyndunar

Hroki Jóhönnu

Ég upplifði Jóhönnu mög hrokafulla í þeim samtölum sem ég sá hana í, í nótt og í dag.

Kannski hefur þessi sigur hennar flokks stigið henni til höfuðs.

Mér brá í brún þegar ég sá valdhrokann sem gneistaði af henni og hvernig hún reyndi að gera lítið úr öðrum formönnum sem voru í viðtalsþáttum með henni.

Dramb er falli næst svo ég held að Jóhanna Sigurðardóttir eigi eftir að læra þá lexíu eins og Geir H. Haarde o.fl. hafa  þurft að gera á undanförnum vikum og mánuðum.

Það er verst að þessi skóli er dýr fyrir þjóðina sem bíður eftir lausnum.

Við höfum engan áhuga á því að setja fleiri einstaklinga á einhvern ýmindaðan stall Jóhanna Sigurðardóttir. 

Vald spillir.

Það spillir greinilega heilög Jóhanna! 

Getum valið úr öðrum kostum

Ég komst ekki á kjörstað...

Því miður komst ég ekki á kjörstað í minni heimasveit Árneshreppi og kaus því utan kjörfundar.  

En ég kaus!

Það var að vefjast fyrir mér hvort það svaraði kostanaði að kjósa þar sem ég hef ekki trú á þeim kjörnu fulltrúum sem  brugðust okkur svo hrapalega í efnahagshruninu.

Ég heyrði í Evu á Djúpavík í morgun og var hún einmitt að bíða eftir að vegurinn yrði opnaður.  Hún sá moksturstækið (sem Ingólfur yfirmaður kjörtjórnar stýrir) út við Naustvík milli élja rétt fyrir símtalið en meðan ég talaði við hana var svo dimmt að hún sá ekki hvar hann var þá stundina.  

Það er því engin afsökun svo..... 

Sá fyrsti mættur í Árneshreppi

Steingrímur J. Mathiesen

Steingrímur J. Sigfússon hljómar nákvæmlega og þá meina ég NÁKVÆMLEGA eins og Árni M. Mathiesen gerði í sinni valdatíð sem fjármálaráðherra.

Maðurinn sem lofaði upplýsingum til almennings fljótt og örugglega  liggur nú á þeim eins og ormur á gulli og neitar að gefa almenningi kost á að taka upplýsta ákvörðun daginn fyrir kosningar.

Lýgur upp í opið geðið á okkur!

 

 

VG og Sjálfstæðisflokkur

Svandís Svavarsdóttir trúir ekki að Samfylkingin sem setur Evrópuaðild á oddinn láti stranda á málinu í stjórnarviðræðum við VG.

Gefum okkur að Ríkisstjórnin fengi meirihluta. 

Í kortunum er þá þetta.  VG er á móti aðild að ESB og gefur ekki eftir í því málinu, greinilega.  

Samfylkingin fórnar aðalstefnumáli sínu og sannfæringu fyrir valdastólana. 

VG fer með Sjálfstæðisflokki (ef svo ólíklega vill til að Samfylkingin vill standa við kosningaloforð sín) í stjórn og fær forsætisráðuneytið.  

Þeir gætu hirt Borgarahreyfinguna upp í ásamt leifunum af Framsókn. 

 

 

Trúi ekki að Samfylkingin láti stranda á ESB

Og kemst upp með það....

Steinunn Valdís kemst upp með að þiggja þetta fé af fyrirtækjunum Baugi Group og FL Group.

Alveg eins og Guðlaugur Þór.  Sem á að sjálfsögðu að segja af sér vegna tengsla sinna í "stóra styrkjamálinu" hjá Sjálfstæðisflokknum.

Ég kalla það mútuþægni að þiggja svo háar upphæðir í framboðssjóð.  Alvega sama hvort sá sam þiggur heitir Guðlaugur eða Steinunn. 

Það sem er skelfilegast í málinu er þó það hvernig Samfylkingarfólk telur að þeim sjálfum sé allt leyfilegt vegna þess að "málstaðurinn" er svo "góður"!

Viljum við þannig móral við stjórn landsins? 

 

 

Steinunn Valdís fékk fjórar milljónir

Er O-listinn svarið?

Ég skil vel ef O-listi Borgarahreyfingar er að fá byr í seglin núna.

Þessi hreyfing spratt upp úr Búsáhaldabyltingunni og er hið eina sanna afkvæmi hennar.  Vinstri Græn og hluti Samfylkingar reyna að eigna sér Búsáhaldabyltinguna eftir að þau frömdu nánast "valdarán" í kjölfar hennar. Að frumkvæði Framsóknarflokks.

Það sem verið var að mótmæla á Austurvelli var ástandið almennt og það flokksræði sem við búum við. 

Flokkstræði ALLRA flokka þar á meðal VG, Samfylkingar og Framsóknar. 

Það verður gaman að sjá endanlega niðurstöðu kosninganna og ég trúi því að Borgarahreyfingin fái fleiri en fjóra upp úr kjörkössunum! 

O-listi fengi fjóra

Loksins búið

Ég er bara nokkuð ánægð með það að stjórnmálamenn fái bara viku í kosningabaráttu.

Það er alveg nóg.

þegar svo á það er litið að ef Samfylkingin nær sínu fram í Evrópumálum þá þarf að boða til kosninga á ný til að breyta ákvæðum í Stjórnarskránni.  Þetta finnst mér eðlileg vinnubrögð.

Fyrst Lýðræðisbyltingin náði ekki fram að ganga í góðri og stórri breiðfylkingu þá er réttast að vinna málið í sátt allra aðila og í sátt þjóðarinnar.  Vinna það þannig á hinum pólitíska vettvangi.

--

Ég veit ekki enn hvað ég ætla að kjósa! 

 

Takk fyrir, búið

Hvað á ég að kjósa?

Ég er búin að velta því fyrir mér undanfarið hvað ég eigi að kjósa?

Það virðist enginn ásættanlegur kostur í stöðunni.  Ég tók þá ákvörðun í vetur að næst þegar ég myndi kjósa skyldi ég horfa á efstu menn á hverjum lista í mínu kjördæmi og velja síðan þann sem mér litist best á alveg óháð þeim flokki sem viðkomandi væri í framboði fyrir.

Mitt kjördæmi Norðvestur státar karlmönnum í öllum efstu sætunum.

Nú beiti ég útilokunaraðferðinni. 

GUÐBJARTUR HANNESSON NEI  (Samfylking)  Góður maður vafalaust en ekki mín týpa...

JÓN BJARNASON  NEI (Vinstri Grænir)  Allt of forn....

SIGURJÓN ÞÓRÐARSON  JÁ  (Frjálslyndir)  Nokkuð beinskeyttur og rökfastur...

ÁSGEIR MAN EKKI HVERSSON JÁ (Sjálfstæðisflokkur)  Skeleggur og lætur ekki slá sig út af laginu....

GUNNAR MAN EKKI HVERSSON NEI- KANNSKI (Borgarahreyfingin) Ekki nógu sannfærandi eins og ég var sannfærð um að styðja það framboð sem kæmi upp út búsáhaldabyltingunni.....og þó????

MAN EKKI HVER  NEI (FRAMSÓKNARFLOKKUR)  Hef aldrei kosið Framsókn og fer ekki að taka upp á því núna þrátt fyrir "björgunaraðgerðir" Sævars Cicielski og Jónínu Ben!  Man ekki hver þetta er en ef það er Kiddi Sleggja þá man ég ekki í hvaða flokki hann er stundinni lengur....

MAN EKKI HVER  NEI (Lýðræðishreyfingin)  Kommon Ástþór!!  Segir allt sem segja þarf....

 --

Eftir stóðu tvö JÁ og eitt KANNSKI.

SIGURJÓN ÞÓRÐARSON hinn frjálslyndi  og ÁSGEIR sjálfstæði frá Rifi .

Þangað til Sigurjón sagði eitt á framboðsfundi í sjónvarpinu og það var að hann teldi ólíklegt að Frjálslyndir færu í samstarf við Sjálfstæðisflokk eftir kosningar.

SIGURJÓN ÞÓRÐARSON NEI.  Ég hef aldrei tekið þátt í einelti og byrja ekki á því úr þessu,  jafnvel ekki þó óþekktarormar eigi í hlut.

--  

ÁSGEIR FRÁ RIFI JÁ.

Þrátt fyrir vangetu BJARNA BENEDIKTSSONAR til að taka á málefnum tengdum GUÐLAUGI ÞÓR ÞÓRÐARSYNI? 

Enda eru þeir bara Reykvíkingar.

KANNSKI verður KANNSKI bara KANNSKI. 

--

Er þessi aðferð nokkuð verri en hver önnur?