Vonbrigði

Ég varð fyrir miklum vonbrigðum með Bjarna Benediktsson nýkjörinn formann Sjálfstæðisflokksins þegar hann svaraði fréttamönnum með því að þeir væru að gera sérstaka atlögu að Sjálfstæðisflokknum í sambandi við styrkjamálið svokallaða.

Hann taldi að flokkurinn hafi tekið á málinu og afgreitt það.

Ég er ekki sammála honum.

Þeir virðast ekki hafa dregið neinn lærdóm af undangengnum atburðum.  Þ.e.a.s. að menn axli sín skinn!

Kattarþvottur og það að hengja bakara fyrir smið er óásættanleg afstaða í málinu.

Bjarni er að gera sjálfan sig óhæfan með þessum yfirlýsingum.

Ætlar hann ekki að gera hreint fyrir sínum dyrum?

Það þýðir ekkert að fara í þykjustuleik núna.  

Jafnvel þó hinir flokkarnir komist upp mð það! 

 

Eiga menn ekki að segja af sér í þessari stöðu?

Sennilega væri stjórnmálamaður alls staðar annars staðar í heiminum búin að segja af sér.

Ekki endilega að hann væri að viðurkenna mistök heldur væri hann að taka hagsmuni flokksins fram yfir eigin hagsmuni.  

Það rýrir traust kjósenda á Sjálfsæðisflokknum að menn séu endalaust að stríða gegn siðferðisvitund fólks.

Bjarni verður að láta málið til sín taka og setja mörk. 

Óskar úttektar á störfum sínum

Hengja bakara fyrir smið

Ég er hrædd um að þarna sé verið að hengja bakara fyrir smið.

Sá maður eða kona sem samþykkti þessa styrki á einfaldlega að segja af sér hvaða embætti sem sá aðili gegnir í dag.

Það sækist enginn eftir peðinu þegar drottningunni er leikið gáleysislega á vitlausan reit.

 

Andri hættir störfum

Hugmyndafræðin og aðgerðirnar

Það er einkennilegt hvernig þessi kosningabarátta fer af stað og þegar tekið er mið af aðstæðum virðist næsta ljóst að engin rökrétt niðurstaða kemur upp út kjörkössunum.

Alveg sama hvernig á það er litið.

Landið er klessukeyrt vegna andvaraleysis og of mikils trausts á nýfrjálshyggjuna sem breyttist í græðisvæðinguna alkunnu.

VG og Samfylking spila á þessar nótur og svo virðist sem Samfylkingin hafi hvergi komið nærri málum undanfarin tvö ár?  Þeim lá nú ekki svo lítið á að komast í sæng með Sjálfstæðisflokki og Geir H. Haarde var nógu skyni skroppinn til að "fara heim með þeirri næstsætustu" af stjórnmála ballinu.

Framsókn telur sig í lykilaðstöðu og talar út og suður ýmist með eða á móti Ríkisstjórninni.

Frjálslyndir eru komnir í vælukór eineltistilburða og afneita að fara í stjórn með Sjálfstæðisflokki.  

Önnur framboð hafa einfaldlega ekki mannaval til að valda því hlutverki sem þjóðin þarf á að halda nú.

Það kaldhæðnislega í málinu er það að frjálshyggja (ekki nýfrjálshyggja) er eina leiðin út úr vandanum. Það sjá allir sem hafa augun opin aðeins lengur en í örfáar sekúndur.  Með skynsamlegu og ströngu eftirliti sem girðir fyrir spillingu og sjálftöku.

Skattpíning og haftabúskapur til langframa er ekki vænleg lausn.

Ég geri þá kröfu á stjórnmálamenn að þeir láti af pólitísku argaþrasi og snúi bökum saman um uppbyggingu Íslands.

Þjóðstjórn væri sennilega vænlegasti kosturinn. 

„Hvítþvegin bleyjubörn“

Hvar er þessi velferðarbrú?

Mér finnst í hæsta máta ósannfærandi að hlusta á þennan málflutning.  Fólkið sem ætlaði að koma eins og stormsveipur og slá skjaldborg um heimilin og atvinnulífið, skapa 6000 störf hefur ekki staðið við það.

Þvert á móti hafa 6000 manns misst vinnuna síðan nýja ríkisstjórnin komst til valda.

Kraftar ríkisstjórnarinnar hafa farið í blaður og einelti.

Einelti sem allir flokkar taka þátt í.  Nú síðast var ég að horfa á þátt frá mínu kjördæmi Norðvestur og þar talaði fyrir hönd Frjálslynda flokksins Sigurjón Þórðarson og hann sagði aðspurður að sennilega færu Frjálslyndir síst í stjórnarsamstarf með Sjálfstæðisflokki.

Ég hafði í hyggju að kjósa Frjálslynda flokkinn vegna þess að mér leist best á Guðjón Arnar og Sigurjón sem menn óháð flokkslínum.

Ég steinhætti við það á stundinni.  Mér er alveg sama hvaða nafni flokkur nefnist það á ekki að útiloka fyrirfram neina leið.

Þetta virðist vera eintóna hjá flokkum að ala á reiði gagnvart Sjálfstæðisflokknum sem þó einn flokka hefur farið í heiðarlegt uppgjör innan sinna raða og stokkað rækilega upp á málefnaskrá sinni og kosið nýtt fólk inn á framboðslista sína.

 

 

Byggja þarf velferðarbrú

Nei takk, viljum við kjósa fólk sem tekur frá okkur þá björg sem í boði er?

Þessi yfirlýsing stjórnvalda kemur á hárréttum tíma fyrir kjósendur.

Við fáum þá að velja um það þjóðin hvort við viljum að þau sjónarmið stjórnvalda að banna hvalveiðar við Ísland ná fram að ganga.

 Meirihluti þjóðarinnar vill að hvalveiðar séu stundaðar svo valið ætti að vera einfalt út frá þessu sjónarmiði. 

Vilja stöðva hvalveiðar á næsta ári

Magga systir fékk "Brostu verðlaunin"

Hún Magga systir gerir það ekki endasleppt.  Þegar hún missti vinnuna í Landsbankanum eftir bankahrunið opnaði hún nytjamarkaðinn Norðurport á Akureyri. 

Það verður einnig viðtal við hana á rás 2 núna klukkan 11.00 sunnudaginn 15. mars. 

Margrét í Norðurporti hlýtur “Brostu verðlaunin”

Segir mesta hvalveiðiþjóð heims!

Obama ætti að líta sér nær.

Ég veit ekki betur en Bandaríkin séu að stunda hvalveiðar í stórum stíl m.a. í Alaska.

Betra er að vita hvað hægri höndin er að gera meðan maður bendir með þeirri vinstri.

Tvískinnungur Bandaríkjamanna hættir greinilega ekki með Obama! 

 

Obama styður hvalveiðibannið

"The line of fire"

Nú bíða þeir í röðum Samfylkingarmenn eftir að hafa skorað á Jóhönnu Sigurðardóttur að verða formaður flokksins.

Hvað gerist ef Jóhanna gefur ekki kost á sér?

Þá munu að öllum líkindum a.m.k. fjórir einstaklingar bjóð sig fram í starfið.

Ég hugsa að það gæti orðið lýðræðislega gott fyrir Samfylkinguna að fá að velja sér formann nú.

Á þessum tímapunkti yrði það erfitt fyrir Jóhönnu að taka við flokknum án mótframboðs jafnvel þó hún njóti mikilla vinsælda.

Þegar á móti blæs eru vinsældir fljótar að snúast upp í andhverfu sína. 

Þess vegna er mikilvægt að flokksmenn velji úr hópi einstaklinga svo umboðið sé skýrt en beri ekki vott um handval valdameiri einstaklinga innan Samfylkingarinnar. 

 

 

Beðið eftir Jóhönnu

Enn hlegið að okkur

Vesalings við.

Við eigum okkur varla viðreisnar von.

 

 

Gagnrýnir fámenna rannsókn