Fljúgandi jólatré...ráðherrarnir okkar sem alla dreymdi um að verða "jólatré" ættu að gera sér grein fyrir áhættunni við kurlarann!

Þau ferðast víða þessa dagana jólatrén.  Okkar stendur enn hið reisulegasta úti á svölum.  Það er búið að fjarlægja allt skrautið af því og líka seríuna.

Við verðum bara að passa að enginn bíll sé undir ef það tekur flugið.

Ég sá tvo gutta vera að safna saman jólatrjám um daginn.  Það er gaman að sjá hvernig börnum verður allt að leik.  Sjálfsagt hafa miklar bollaleggingar legið til grundvallar söfnun guttanna.

Ég hugsaði með mér að þarna væru þeir að inna af hendi gott starf við að safna trjánum saman svo þau lægju ekki út um víðan völl blessuð trén búin að gleðja landsmenn þessi jólin og á leið í kurlarann. 

Skildi það vera draumur sérhvers trés að verða jólatré?

 

 

 

 

Nágrannaerjur vegna jólatrés

Kreppa I, kreppa II o.s.frv.

Það er gott að Geir er meðvitaður um hættuna sem við erum í.

Það er slæmt að hann kennir öðrum um allt.

Það er áhyggjuefni að við getum ekkert gert til að breyta ástandinu því ekki virðist ríkisstjórnin, Seðlabankinn eða Fjármálaeftirlitið vera að gera mikið og það sem þau gera eru mistök á mistök ofan.

Það er afleitt að það er engin framtíðarsýn hjá forsætisráðherra. 

Það er lag að stofna nýtt lýðveldi og setja menn eins og Jón Baldvin Hannibalsson í brúna.  Ásamt öðru öflugu fólki í breiðfylkingu sem er að myndast hjá þjóðinni.

Í þjóðarsálinni kraumar krafa um réttlæti og aðgerðir.

Þjóðin verður að framfylgja því sjálf því kjörnir fulltrúar hafa brugðist henni. 

 

 

 

 

Kreppan getur dýpkað

Borgarafundur

Nú mæta allir sem vettlingi geta valdið á borgarafund í Háskólabíó klukkan 20.00 í kvöld.

Þetta ófremdarástand verður að stöðva sem fyrst.

Ég held að aðgerðir og aðgerðaleysi stjórnvalda hafi verið okkur dýrari en nokkuð annað.

Fyrst kolröng viðbrögð með þjóðnýtingu Glitnis og síðan hvert axarskaftið á fætur öðru sem sekkur okkur sífellt dýpra og dýpra í fenið.

Maður getur farið að taka undir að hér séu framin landráð í stórum stíl.

Því miður! 

Ég tek undir með Jakobínu Ingunni Ólafsdóttur og Nirði P. Njarðvík um algera uppstokkun á stjórnarskránni og hreinlega stofnun nýs lýðveldis eins og kom fram í Silfri Egils í gær.

Stjórnmálamenn slá um sig með því að tala um "Nýja Ísland" en það er ekkert nýtt Ísland fyrr en búið er að stofna nýtt lýðveldi.

Lýðveldi sem virkar í þágu almennings en ekki það flokksveldi sem við búum við í dag. 

Borgarafundur í Háskólabíói í kvöld

Góð mæting

Það var góð mæting á Austurvelli í dag.

Ég hef ekki fengið tölur yfir mætingu en reyndir fuglatalningamenn telja þó að vel yfir 5000 manns hafi sótt fundinn.  

Jafnvel eitthvað milli 7000 og 8000 manns þegar á heildina er litið en alltaf er eitthvað um að menn komi og fari meðan á fundi stendur.

Það verður forvitnilegt að heyra tölur lögreglu yfir fjölda og hvort þeim ber saman við fuglatalningamennina.  

 

 

Fjórtándi fundurinn á Austurvelli

Öryggisráðið kostaði líka sitt.....

......og gerði okkur að aðhlátursefni um víða veröld!

Nú tímum við ekki einu sinni að reyna að bera hönd fyrir höfuð okkar og látum traðka á okkur.

Kostaði framboð okkar til Öryggisráðs Sameinuðu Þjóðanna ekki 300 milljónir?  Það afgreiddi Ingibjörg Sólrún sem góða PR mennsku og kynningu á Íslandi!

Hvurs lags kynning er það þá á okkur að þora ekki að verjast? 

Svei attan segi ég og ég vil fá nýtt fólk í brúna strax. 

Væntu of mikils af dómsmáli

Fáránlegt ef verður lokað fyrir starfsemina

Það er í rauninni fáránlegt ef loka á fyrir starfsemina á St Jósefsspítala.

Sem heilbrigðisráðherra er búinn að ákveða einhliða eða í samkrulli við auðmenn!

Erum við ekki búin að fá gersamlega upp í kok af fjárglæfrastarfsemi hér á Íslandi þó ekki þurfi að bæta sjúkrahúsum landsins á þær vogarskálar?

Gott og vel ef Árni Sigfússon vill taka yfir rekstur sjúkrahússins í Reykjarnesbæ í samvinnu við auðmenn eins og Róbert Wessman þá á það að vera aðskilið mál frá því að leggja niður svo góða starfsemi sem er í Hafnarfirði.

Lúðvík Geirsson heldur ekki vel á spöðunum.  Fyrst gloprar hann Alcoa út í veður og vind og nú fer sjúkrahúsið.

Er þetta EKKI pólitík?

Hvað segir ISG um málið? 

 

Langur fundur með ráðherra

Tek undir áskorun um að St Jósefsspítali verði áfram rekini í óbreyttri mynd

Það er aldrei góð tilfinning að leggjast inn á sjúkrahús.  Ég hef nokkrum sinnum verið lögð inn á sjúkrahús einkum vegna veikinda minna sem eru MS sjúkdómurinn og einnig til að gangast undir aðgerðir.

Þar hefur mér liðið eins vel og hugsast getur miðað við að vera veik og á sjúkrahúsi. 

Á St Jósefsspítala hef ég fengið góða aðhlynningu og hjálp.  Bæði vegna aðgerða og eins hef ég fengið steragjafir vegna MS þar inni ásamt nauðsynlegri aðhlynningu tengdri MS sjúkdómnum.

Ég hef upplifað mjög sterkt þann góða og líknandi anda St Jósefssystra sem svífur þar yfir vötnum. Starfsfólkið hefur hlotið þann arf frá systrunum og starfar eftir þeirra góðu markmiðum.

Þessi arfur verður ekki fluttur "í járnum" suður í Reykjanesbæ sem nota bebe er einnig gott sjúkrahús þó með öðrum formerkjum sé.

St Jósefsspítala verður að standa vörð um svo sú fágæta og góða þjónusta í anda St Jósefssystra haldi áfram að vera í boði okkur öllum til hagsbóta og heilsubótar. 

 

 

Skora á ráðherra að endurskoða afstöðu sína

Aths.ritstj. Er þetta framtíðin?

Þessi grein birtist í Morgunblaðinu í dag.  Það sem athygli vekur er aths.ritstj. undir greininni.  Mér finnst hún í sjálfu sér óþörf (vægast sagt).

___ 

 

"Árni Johnsen skrifar um starfslok Sigmunds

Árni Johnsen

Árni Johnsen skrifar um starfslok Sigmunds: "Það fer ekkert á milli mála að Sigmund fannst sér misboðið og hann teiknaði ekki sína síðustu mynd í Morgunblaðið."

ÍSLENSKA þjóðin elskar Sigmund teiknara, elskar húmor hans og snilld sem teiknara með ótrúlegt hugmyndaflug og úthald.

Í 44 ár hefur Sigmund teiknað nær daglega skopmyndir í Morgunblaðið, um 11 þúsund myndir. Sigmund hefur allan þennan tíma verið eitt af aðalsmerkjum Morgunblaðsins og það er einsdæmi á okkar jörð að teiknari hafi teiknað svo mikið og lengi í stærsta blað þjóðar.

Sigmund er 77 ára gamall unglingur með fullan styrk til að teikna og blússandi húmor. Það er leitt að stjórnendur Morgunblaðsins skuli hafa tilkynnt Sigmund starfslok með þeim hætti að hann sitji verulega sár eftir eins og hann lýsti því í viðtali við Þorgeir Ástvaldsson á Bylgjunni. Stjórnendur Morgunblaðsins geta auðvitað skipt starfsmönnum Moggans út, en það eru takmörk fyrir því hvernig það er gert. Það fer ekkert á milli mála að Sigmund fannst sér misboðið og hann teiknaði ekki sína síðustu mynd í Morgunblaðið. Fékk ekki tækifæri til þess að kveðja. Þegar slíkt er gert við einn vinsælasta penna Morgunblaðsins á sérstöku listrænu sviði, þá bregður mönnum í brún. Þegar Sigmund var sagt upp formlega í símtali um miðjan október sagðist hann gjarnan vilja teikna fram á næsta vor. Því var neitað að hans sögn og þá spurði hann hvort hann gæti þá ekki klárað mánuðinn, en var neitað af þeim starfsmanni Morgunblaðsins sem talaði við hann. Sigmund er þjóðareign, maður vippar ekki slíkum fyrir borð frekar en handritunum. Auðvitað hefðu verið margar leiðir til þess að verklok Sigmunds eftir nær hálfrar aldar þjónustu í þágu fólksins í landinu og Moggans hefðu verið með þeirri reisn og glæsibrag sem sæmd Morgunblaðsins og Sigmunds sjálfs ber.

Morgunblaðið skiptir mjög miklu máli fyrir íslenskt samfélag margra hluta vegna og hefur um langt árabil verið eitt af höfuðankerum þjóðarinnar varðandi íslenska tungu, sjálfstæði Íslands og menningu, ígildi Alþingis á margan hátt. Sögu þjóðarinnar er ekki hægt að skrifa án Morgunblaðsins á síðustu öld og maður setur ekki einn aðalsagnaritarann út í leiðindum. Dekksmúlun Sigmunds af þilfari Morgunblaðsins var ömurleg. Hún var eins og eitthvað sem hefði getað gerst í tölvukubb fyrir slysni.

Megi Morgunblaðinu farnast vel og nýjum ritstjóra auðnast að stýra blaðinu með markvísi, metnað og vinarþel að leiðarljósi, því eina von Morgunblaðsins til þess að lifa af, eins og alltaf, er að gera ekki mannamun og ríma við væntingar og vonir Íslendinga, vinnandi fólks, venjulegs fólks, fólksins sem kaupir og les Morgunblaðið.

Maður slátrar ekki gæsinni sem verpir gullegginu. Maður rekur ekki Sigmund.

 

Höfundur er þingmaður.

Aths. ritstj.

Árna Johnsen eru þökkuð hlý orð í garð Morgunblaðsins. Jafnframt ber að þakka honum fyrir leiðbeiningar um það hvað maður gerir og hvað maður ekki gerir."

Nú skil ég heilbrigðisráðherra

Þetta er hugsanlega ástæða þess að heilbrigðisráðherra vill flytja alla lækna af St Jósefsspítala til Keflavíkur.

Það væri synd að segja annað en að hann bregðist skjótt við vandanum?

Hversu áhrifarík breytingin er ræðst væntanlega af því hve illa nýja starfsfólkið fer út úr Noro! 

Læknarnir lagstir í pest

Á sama tíma og það á að spara er keypt danskt súrefni fyrir dýrmætan gjaldeyri..

Það er athyglisvert að á sama tíma og verið er að loka heilu sjúkrasdeildunum og nánast leggja sjúkrahús niður sem þjónustu við sjúklinga kaupir heilbrigðisráðuneytið danskt súrefni og flytur inn í stað þess að kaupa af íslensku fyrirtæki sem hefur framleit það hér heima í áratugi.  

Þetta er gert á sama tíma og stjórnvöld sjálf hvetja til að verslað sé við innlenda aðila og þannig stutt við framleiðslu hér á landi. 

Heilbrigðisráðuneytið eyðir þannig dýrmætum gjaldeyri á tímum gjaldeyrishafta.

Er öllum þingheimi sama um þetta?

Við erum að tala um hundruði milljóna út um gluggann rétt si svona!

Ég gef ekki mikið fyrir þessar sparnaðaraðgerðir.   

1. Loka besta sjúkrahúsi landsins ar sem ég hef sjálf (og fleiri sem ég þekki) upplifað "ókeypis" umönnun nunnanna sem settu sjúkrahúsið á stofn og unnu þar óeigingjarnt starf sem þær samkvæmt reynslu minni og annarra sinna enn að handan.  Fyrir utan auðvitað frábæra umönnun og þjónustu núlifandi starfsmanna þar! 

2. Kaupa súrefni af Dönum í stað þess að skipta við framleiðandann sem er til staðar hér á landi.