Skiptir máli að vanda sig

Það skiptir gríðarlega miklu máli að vanda til verka þegar saumað er að heilbrigðisþjónustu landsmanna.

Ég hef reynslu sem fyrrverandi formaður sjúklingafélags sem er MS félag Íslands.  Það lögðum við í stjórn félagsins og dagvistar þess fram sparnaðartillögur sem fólust í grófum dráttum í því að veita meiri þjónustu við MS sjúklinga fyrir sömu upphæð og tryggingastofnun greiddi í daggjöldum fyrir ákveðinn hluta sjúklinga sem dvelja á dagvistun.

Við lögðum fram áætlun um að reka göngudeild fyrir alla MS sjúklinga með færustu læknum sem völ er á samhliða dagvistinni.

Ákveðið var að gera þjónustusamning um alla starfsemi sem félagið sinnti og frekar auka við þjónustu en draga úr.

Því miður stöðvaði forstöðumaður dagvistarinnar málið með því að æsa upp reiði meðal skjólstæðinga sinna gegn þessum áformum.  Þetta gerði hún trúlega vegna þess að henni fannst að sínum einkahagsmunum vegið. 

Göngudeildinni var lokað og nú rekur MS félag Íslands enga beina læknisþjónustu við MS sjúklinga.  

Það er örugglega víða pottur brotinn í heilbrigðiskerfinu og erfitt að hagræða.   Það blasir við af þessu eina litla dæmi þar sem hagsmunaaðilar rugla saman eigin starfsframa  og heildarhagsmunum skjólstæðinga sinna.

Ég treysti þó þessu fólki í þessu tiltekna dæmi alveg fullkomlega til að segja til um hvar á að bera niður þegar kemur að því að draga úr útgjöldum.

Það má þó aldrei bitna á sjúklingunum eins og það gerði með afgerandi hætti hjá MS félagi Íslands eftir aðalfundinn örlagaríka árið 2003.  

 

Vinnubrögðin átalin

Mannrettindadómstóll hvað þýðir það í þessu samhengi?

Ég verð að viðurkenna að ég átta mig ekki alveg á því hverju það muni skila okkur að leita til Mannréttindadómstóls Evrópu með þetta deilumál okkar við Breta?

Mál velkjast þar  um og þegar þau svo dómur er kveðinn breytir hann sáralitlu.

Nei ef ríkisstjórnin er sannfærð um brot Bretanna eins og hún segist vera, á hún að standa og falla með því! 

  

Leita til mannréttindadómstóls

Frelsi

Maðurinn er borinn frjáls en hefur hvarvetna verið hnepptur í fjötra.   

(Rousseau)

--

Þegar maður veltir fyrir sér hvað er frelsi kemur margt upp í hugann.  Þetta er allt svo afstætt hugtak.

Það sem sumum finnst eðlilegt finnst öðrum ófrelsi. 

Frelsi er sem betur fer í okkar huga svo sjálfsagt og eðlilegt.  

Ég upplifði mikla frelsisskerðingu í kring um hrun íslenska efnahagslífsins.  Það hugsa ég að margir hafi gert.

Ég man eftir gjaldeyrishöftum og hélt satt að segja að ég ætti aldrei eftir að upplifa þau aftur. 

Ég man eftir "Rússagrýlunni" og í kjölfar atburðanna í haust fékk ég svipaðan sting í magann og ég fékk sem krakki uppi í Strákafjalli á leið inn í Engidal og ímyndaði mér að Rússarnir myndu kannski gera kjarnorkuárás. 

Tilfinningin einhvern veginn þannig að fylgst væri grannt með mér og öllu sem ég gerði. 

Öll gömlu óþægindin frá kreppuárum áður gerðu vart við sig.  Þó var ég barn og unglingur á þeim tímum hafta og atvinnuleysis. 

Frjálshyggjan blessuð hélt innreið sína og áður en varði vorum við orðin svo gersamlega áhyggjulaus þjóð komin úr áþján afturhalds að við hreinlega gleymdum að sinna eðlilegu eftirliti og sjá til þess að reglur væru settar og að samningar væru virkjaðir til að stemma stigu við áhættunni sem fylgdi góðærinu.

Við vorum svo grobbin af okkur sjálfum að við hlustuðum ekki á viðvaranir og kölluðum þær í besta falli öfund.

Nú sitjum við uppi með afleiðingarnar og höfum sannarlega hneppt okkur í fjötra.  Þegar ég segi við þá meina ég auðvitað að þeir sem mesta ábyrgð báru eða stjórnmálamenn sem við kusum og eftirlitsaðilar sem þeir treystu brugðust okkur. 

Við sitjum uppi með afleiðingar þess sem við kusum!

Það skrýtnasta er að frjálshyggjan virðist eina leiðin út úr þessum vanda öllum saman.  Með aðhaldi og sterkri  tengingu við sósíaldemókrataíska stefnu líkt og í nágrannalöndum eins og t.d. Svíþjóð. Með þeim formerkjum að við sofum ekki á verðinum heldur setjum reglur eða göngum inn í samstarf við þjóðir sem hafa haft vit á að setja þær.

Þó það kosti okkur flugeldasýningu almennings á gamlárskvöld sem eru þó líklega sterkustu rökin gegn því að ganga í Evrópusambandið eins og sakir standa?

 

 

 

Góð grein Jakobínu

Bloggvinkona mín Jakobína Ingunn Ólafsdóttir skrifaði nýlega í Morgunblaðið grein sem hún hefur nú endurbirt á bloggi sínu.

Mér finnst full ástæða til að vísa í greinina.

Jakobína kemur vel til skila því sem hún er að segja og því sem margir aðrir koma ekki orðum að. 

http://kreppan.blog.is/blog/kreppan/entry/761686/

Fjölmenni

Nú eru mótmælin að hefjast fyrir alvöru.  Þetta er bara fyrsti fundur eftir jólafrí og því mun róðurinn herðast á næstu vikum.

Ráðamenn geta farið að hlusta.

Hörður Torfason verður að fá aukna breidd í frummælendur til að ná eyrum sem flestra. 

Röddum fólksins fer fjölgandi. 

 

Mótmælt á Austurvelli

Verður fjölmennt?

Það verður forvitnilegt að vita hvort það verður fjölmennt á morgun í vikulegum mótmælum. 

Mín tilfinning er að svo verði.  Einnig að um meiri hörku verði að ræða þó svo að sama skapi muni margir sleppa því að mæta af ótta við uppþot og slagsmál.

Það verður meiri viðbúnaður og táragasi verður fyrr beitt ef áflog hefjast.  

Jafnvel áður en áflog hefjast.

 

 

Mótmælt á Austurvelli á morgun

Tætum og tryllum?

Það vekur í raun upp fleiri spurningar en það svarar hvernig forstjórar Kaupþings flykkjast nú frá störfum.

Er þetta trúverðugt? 

Ég ætla ekki að tjá mig um þau mál frekar að sinni.

Hvað finnst ykkur? 

Kristján hættir hjá Kaupþingi

Eðlilegt að kjósa til alþingis

Það er eðlilegt að kosið verði til alþingis samhliða kosningu um Evrópuaðild.  Þá tekur þjóðin ákvörðun um hvort af aðildarumsókn verður og um leið hverjir eigi að framfylgja ákvörðun þjóðarinnar, hver sem hún verður.

Skýrara getur það varla orðið. 

Alþingiskosningar samhliða

Gullfiskaminni Íslendinga!

Það sannast enn og aftur að við Íslendingar höfum gullfiskaminni.

Ríkisstjórnin sem við kusum hefur siglt landi og þjóð upp á sker þar sem þarf víðtækar björgunaraðgerðir til að ná okkur á flot aftur.

Menn þvælast fyrir á strandstað sjálfum sér til skammar og öðrum til skapraunar og skaða.

Menn ljúga upp í opið geðið á okkur um stöðu mála og reyna að hvítþvo sjálfa sig með því.

Menn stunda yfirhylmingar og valdníðslu.

Menn sitja sem fastast þrátt fyrir augljós afglöp í starfi og það sannar sig að sú aðferð ríkisstjórnarinnar virkar.

Þeir þekkja sitt heimafólk!   

Ríkisstjórnin nýtur stuðnings 36% kjósenda

Langt yfir strikið

Mótmælendur hafa farið langt yfir strikið með þessum aðgerðum og ég frábið mér  að verða nokkurn tíma bendluð við svona aðgerðir.

Þetta skemmir fyrir venjulegu friðsömu fólki sem vill tjá mótmæli sín. 

Skemmdarvargar eiga ekki upp á pallborðið hjá mér og gera það að verkum að ég mun síður mæta til mótmæla eins og ég hafði hugsað mér.......

--

Þóttú gleymir guði

þá gleymir guð ekki þér.

Megas. "Þóttú gleymir guði" 

Fólk slasað eftir mótmæli