Heilbrigðisráðherra á ferð og flugi

Ég vona innilega að það takist að halda þjónustunni sem bestri hvort sem er á St. Jósefsspítala eða öðrum heilbrigðisstofnunum.

Ég er ekki sátt við það ef leggja á spítalann niður.

Þarna fer fram víðtæk og góð þjónusta og þar sem sjúkrahúsið er frekar lítið verða öll samskipti einhvern veginn hlýlegri en á stærri sjúkrahúsunum.

Án þess að ég sé á neinn hátt að finna að eða kasta rýrð á þá starfsemi sem fer fram á þeim.  

 

Læknar sem vinna miklu hraðar

Vill einhver elska......

Þessi leit okkar að nýjum mönnum fer að verða dálítið örvæntingarfull.

þeir sem hafa tekið við störfum fá hnútukast frá Jóhönnu af því hún réð þá ekki og hætta. 

Svo tengjumst við öll út og suður.

Við verðum að fara að horfa til útlanda í þessum efnum.  

Ragnar Önundarson hefur verið nefndur.

Vilhjálmur Bjarnason er líka öflugur en það er spurning með hans tengsl sem formanns fjárfesta.

Maður spyr sig? 

 

Staða forstjóra FME auglýst

Var Bubbi ekki með hávaða?

Lögreglan var að fatta þessa grein í lögunum í morgun.  

Eða?

Kannski líkaði þeim bara betur að fá ókeypis tónleika hjá Egó í morgunsárið en flaut og trommuslátt.

Svo er ekki sama hvort maður er maður eða hundur! 

Lögreglan verður að fara að gera það upp við sig eftir hvaða lögum hún vinnur.

Hún má ekki vera tækifærissinnuð.

Nóg er nú samt. 

 

 

 

 

Sturlu bannað að þeyta lúðra

Jóhanna getur ekkert meira en Geir?

Það er undarlegt að allt uppþotið hjá Samfylkingunni í kring um "búsáhaldabyltinguna" virðist hafa verið til þess eins að komast í oddaaðstöðu í ríkisstjórninni.

Sjálfstæðisflokkurinn hafði boðað breytingar á lögum um Seðlabankann um miðjan febrúar.

Geir hafði sent Davíð bréf og fengið sama svar og Jóhanna.

Það sem Sjálfstæðisflokkurinn klikkaði á var hollustan við Davíð með því að gefa ekki upplýsingar og sú "mýta" að ekki grasseri ágreiningur innan fokksins.

Þetta verður allt einhvern veginn sami grautur í sömu fyrirgreiðslupólitíkinni þegar á hólminn er komið. 

 

Vill að Eiríkur hætti strax

Spennandi verkefni.

Ég vona að okkur takist að rétta landið okkar við smám saman.

Ég er hóflega bjartsýn á að svo verði meðan menn stunda flokkadrætti og fyrirgreiðslupólitík.

FRAM Í RAUÐANN DAUÐANN.  OKKUR BLÆÐIR!

Ég tek þátt í spennandi verkefni þessa stundina sem mun vonandi þróast í eitthvað verulega jákvætt fyrir okkur sem flest.

Það er gaman að byggja upp og bæta heiminn og það sem við eigum að einhenda okkur í núna er einmitt það.

Þess vegna legg ég til við forseta Íslands að hann leysi upp þingið og skipi utanþingsstjórn áður en hann segir af sér sjálfur sem hann á tvímælalaust að gera.

 

 

"Móðir hvar er barnið þitt?" Eða öfugt!

 

Ég tek ofan fyrir þeim og sannarlega er meiri eftirsjá í mönnum sem eru raunsæir en þeim sem af einhverjum undarlegum ástæðum  þráast við að sjá sína sæng upp reidda!

 

 

 

Formenn bankaráða segja af sér

Hjartanlega sammála Bubba

Mikið er ég sammála Bubba.

Mikið er ég fegin að Bubbi er aftur mættur til leiks fullur réttlátrar reiði.

Þetta er rokk!

Vinkona mín hringdi í mig í gærkvöldi og sagðist upplifa ástandið eins og við værum stödd í miðri hrollvekju.

Ég held að það sé nokkuð nærri lagi.

Þingmenn eyða púðrinu í innbyrðis átök og rugl um einskisverða hluti.

Fyrrverandi og núverandir ráðherrar keppast við að koma höggi hver á annan. 

Forsetinn rífst við eiginkonu sína á síðum erlendra blaða. 

Þjóðin á betra skilið en þetta! 

Segið öll af ykkur.

UTANÞINGSSTJÓRN STRAX! 

Bubbi rokkar Seðlabankanum

Nýr bloggvinur Umbi Roy

Minn nýjasti bloggvinur er Ómar Valdimarsson eða Umbi Roy.

Ég kynntist Ómari fyrir nokkuð mörgum árum.  Hópurinn sem við kynntumst í hittist vikulega í ein 10 ár.

Það var alltaf tilhlökkunarefni að mæta í föstudagskaffið og viðra reynslu síðustu viku.....já og síðustu ára, ásamt ýmsu öðru sem bar á góma hverju sinni.

Það vekur upp góðar minningar, svo góðar að maður hugsar með sér, "hvers vegna ekki að endurvekja föstudagskaffið?" 

Ómar skrifar skemmtilega um menn og málefni eins og honum einum er lagið. 

Velkominn í bloggvinahópinn Ómar. 

Skyldulesning og lærdóminn á að meðtaka og framkvæma

Ég er alveg heilluð af þeim félögum.

Við hjónin horfðum á þá í góðum Kastljósþætti og horfðum svo hvert á annað.

Maðurinn minn sagði "þetta er í fyrsts skopti í langan tíma sem ég hef heyrt eitthvað af viti"!

Ég var að hugsa eitthvað svipað. 

Ég er sammála honum. 

Vítahringur í peningamálum

Ráðgjafafyrirtækið Alþjóðagjaldeyrissjóðurinn

Nú er mér spurn?

Hversu langt eigum við að ganga í viðleitni okkar til að endurheimta traust sem er fokið út í veður og vind í boði Seðlabanka Íslands og Fjármálaeftirlitsins, Stjórnvalda og Forseta lýðveldisins?

Ég held að við þurfum að stíga ansi langt út úr þjóðrembuskápnum til þess!

Ég vona að þetta ráðgjafafyrirtæki reynist okkur heilladrjúgt.

Hverju höfum við að tapa? 

 

Tæknilegar ábendingar í trúnaði