ÁRÍÐANDI!!! Svíar vilja hjálpa almenningi

 Ég tek þetta beint upp af bloggi Jakobínu Ingunnar Ólafsdóttur samkvæmt beini frá henni.

ÁRÍÐANDI!!! Svíar vilja hjálpa almenningi

Mjög áríðandi - Berið þetta áfram á bloggum ykkar!

Sænska þingið vill fá sannleikann á borðið frá almenningi hér á landi EN EKKI FRÁ YFIRVÖLDUM HÉR Á LANDI !

Við höfum verið í miklum samskiptum við ákveðna sænska þingmenn sl. mánuði og þeir hafa nú miklar áhyggjur af íslenskum almenningi þar sem þeir sjá að það er ekki allt með felldu hér á landi, takmarkaður aðgangur að upplýsingum m.a Sænskir þingmenn biðja alla íslendinga um að senda sér tölvupóst og tjá sig um rétta stöðu mála þar sem þeir eru búnir að sjá það að þeir fá ekki réttar upplýsingar um stöðu mála hér frá yfirvöldum á Íslandi.

Eins vilja þeir að það lán sem þeir ætla að veita okkur núna og samþykkja á þinginu á morgun, skili sér til að bjarga fjölskyldum og húsnæði þeirra, lækka vexti og verðtryggingu en ríkisstjórnin segir þeim ekkert hvert lánin eiga að fara!

LÁNIÐ VERÐUR TIL SAMÞYKKTAR Á MORGUN Á SÆNSKA ÞINGINU

ÞAÐ VERÐUR ÞVÍ AÐ SKRIFA TIL ÞEIRRA STRAX Í DAG ! VERUM DUGLEG - SKRIFUM ÖLL - HVER EINASTI MAÐUR!

FÁUM ALLA SEM VIÐ ÞEKKJUM TIL AÐ SKRIFA Í DAG!

Á ENSKU, SÆNSKU, NORSKU EÐA DÖNSKU.

HÆGT ER AÐ NOTAST VIÐ BRÉFIÐ SEM ER AÐ SJÁ HÉR AÐ NEÐAN LÍKA

FYRIR ÞÁ SEM GETA EKKI SKRIFAÐ SJÁLFIR.

SÆNSKIR ÞINGMENN HAFA ALDREI LENT Í ÖÐRU EINS OG BIÐLA NÚ TIL 

OKKAR ÞAR SEM ÞEIR VILJA HJÁLPA TIL, SENDA FRÉTTAMENN TIL 

LANDSINS TIL AÐ FYLGJA HLUTUNUM EFTIR.

LÁTIÐ ALLA - ALLA SKRIFA TIL ÞEIRRA ÞVÍ ÞÁ SKILJA ÞEIR ALVÖRU 

MÁLSINS ÞAR SEM ÞEIR VITA MINNA EN EKKI NEITT NÚNA, ERU 

MATAÐIR Á RÖNGUM UPPLÝSINGUM FRÁ YFIRVÖLDUM SEM SEGJA 

ÞETTA VERA ALLT UNDIR - 100% KONTROLL OG HAFI STUÐNING

MEIRIHLUTAR ÞJÓÐARINNAR ?

HJÁLPIN VERÐUR AÐ KOMA UTANAÐ OG SAMEINAST GRASRÓTINNI

UM FRAMTÍÐ ISLANDS.

ÞJÓÐIN ER BÚIN AÐ FÁ NÓG, ERLENT AÐHALD ER ÞAÐ SEM GILDIR

NÚNA OG GRASRÓTIN ER AÐ SAMEINAST EITT!

Sendið sænska þinginu tölvupóst NÚNA með eigin orðum á ensku, sænsku, dönsku eða norsku eða styðjist við textan að neðan.

Hej!

I dag fick vi besök av W. Buieter som kommer att hålla tal i morgon kväll på www.borgarafundur.org, han kom hit förra året tillsammans med Anna Sibert och gjorde en svart rapport om islänska banker, en rapport som Centralbanken lät Landsbanken köpa och gömma undan, för nationen.!!!

I denna rapport står allt om hur hela nationen har blivit lurar av affärsmän, banker och med regeringens överenskommelse.

Där står att de har aldrig varit med om maken. Beuiter lät publicera rapporten till engelsk media där jag kunde läsa den i september 2008 via nätet, eftersom han såg att isländska Centralbanken och regeringen är korrupt.

Landförräderi - står det - av värsta sort. 

Islänningar kommer att få svälta och Buiter säger att det enda han kan rådlägga nationen är att BE TILL GUD !

se Buiter i isländsk Tv i dag:http://dagskra.ruv.is/sjonvarpid/4440915/2009/01/18/

För mig är detta enkelt, mina barn har rätt til en framtid i sitt eget land. Ingen kan sälja vårt land och allt vi äger utan att bli dömda för det. 

Jag tänker inte ge upp - hela nationen har fått mer än nog och pallar inte mycket mer. Av humanitära skäl ber vi ER om hjälp omedelbart

Revolution ligger i luften, detta är totalt oacceptabelt, vi lever i ett instängt land där maffian har tagit över och vi behöver hjälp omedelbart.

Med vänlig hälsning!

(Nafn þitt)

sendist til: 

[e-mail],
 [e-mail], 
http://www.facebook.com/l.php?u=http://[e-mail],
[e-mail], 
[e-mail],
[e-mail], 
[e-mail],
[e-mail], 
[e-mail],
[e-mail], http://www.facebook.com/l.php?u=http://[e-mail], 
[e-mail], 
[e-mail],
[e-mail], 
[e-mail],
[e-mail], 
[e-mail],
[e-mail], 
[e-mail],
[e-mail], 
[e-mail],
[e-mail], 
[e-mail],
[e-mail], 
[e-mail],
[e-mail], 
[e-mail], 
[e-mail], 
[e-mail],
[e-mail], 
[e-mail],
 [e-mail], 
[e-mail],
[e-mail], 
[e-mail]

Fallegur dagur

Það er fallegur dagur í dag.  Bjart yfir, sólin skín en það er kalt.

Hjá ömmu og afa gistu þrír af fjórum mögulegum í nótt.  Við söknuðum þess fjórða.

Morguninn hefur farið í vélaviðgerðir hjá húsbóndanum.  Sjónvarpsgláp, tölvuleiki, Lúdó og aðra leiki hjá drengjunum.

Amman greip í bókina "Í sól og skugga" eftir Bryndísi Schram.  Ég á bara einn kafla eftir og er að treina mér bókina.  Mér finnst bókin svo góð og Bryndís segir skemmtilega frá því sem hún og Jón Baldvin hafa upplifað.

Í bókinni kemur fram að þau eru boðin og búin til að hjálpa til í því ófremdarástandi sem skapast hefur á Íslandi.

Við eigum að þiggja það!  Við höfum ekki efni á að hafna reynslu og þekkingu sem er okkur nauðsynlegt til að ná aftur  inn í framtíðina sem virðist ansi óljós í augnablikinu svo ekki sé meira sagt.

Í dag ætlum við að fara eitthvað út í góða veðrið með sonarsyni okkar sem eru sprækir og hressir eins og strákar eiga að vera en samt ótrúlega góðir og tillitssamir á allan hátt.

Nú heyri ég í dísil bílnum hans afa drengirnir ætla að fela sig bak við stól og ég ætla að segja afa að þeir séu farnir. 

Það er leikur sem allir taka þátt í af heilum hug.

Líka afi. 

 

 

Af Vísi.is, verðugt íhugunarefni í landi þar sem samþjöppun fjölmiðla er staðreynd!

 Fréttablaðið, 10. okt. 2008 07:00

Fórnarlambið?

 

Jón Baldvin Hannibalsson

Jón Baldvin Hannibalsson skrifar:

Niðurstaðan af eintali Davíðs Oddssonar við sjálfan sig í Kastljósi RÚV sl. þriðjudagskvöld 8. okt. vakti óskipta samúð hlustenda með örlögum þessa mæðumanns. Davíð hefur, að eigin sögn, verið saklaust fórnarlamb óreiðumanna og brennuvarga (hans eigin orð) sem á undanförnum árum hafa vaðið uppi í þjóðfélaginu og farið sínu fram, þrátt fyrir fyrirbænir og varnaðarorð hins áhrifalausa seðlabankastjóra.

Sjálfur var Davíð á móti útrásinni og segist reyndar aldrei hafa skilið hana. Hann segist ítrekað hafa varað við allri þessari sláttumennsku óreiðumannanna í útlöndum, en það hafi bara enginn hlustað á sig. Hann segist hafa beðið hina einkavæddu bankastjóra að gæta hófs en þeir skelltu við skollaeyrum. Hann segist hafa beðið þá í ríkisstjórninni - eftirmenn sína - um að stöðva feigðarflanið, en meira að segja þeir hlustuðu ekki á hann.

Bæði forsætis- og fjármálaráðherrann, þessir fyrrverandi undirsátar hans, daufheyrðust við fyrirbænum og bænakvaki hins áhrifalausa seðlabankastjóra. Það er alveg sama við hvern hann talaði: Enginn tók mark á orðum hans. Er nema von að honum finnist ósanngjarnt að skella skuldinni af þjóðargjaldþrotinu á hann? Samt segir hann að menn megi svo sem sín vegna gera sig að píslarvætti, ef þeim líði eitthvað betur við það.

Þetta er alveg nýr Davíð sem þarna birtist þjóð sinni. Lítillátur maður, að vísu vel meinandi en atkvæðalítill og pasturslaus. En fyrst og síðast misskilinn, vanræktur og gersamlega áhrifalaus. Og meira en það. Hann var öll þessi ár þar sem hann birtist þjóð sinni sem höstugur valdsmaður, sem aðrir lutu af ótta og lotningu, í raun og veru saklaust fórnarlamb myrkraafla, sem léku sér á kaldrifjaðan hátt að fjöreggi þjóðarinnar, meðan vörslumaður þess, Davíð Oddsson, sætti ofsóknum og var lagður í einelti, einangraður og áhrifalaus hornreka.

Svona getur spegilmynd samtímans orðið skrítin þegar fjölmiðlar í lýðræðisþjóðfélagi - í þessu tilviki Kastljósdrengirnir - valda ekki verkefnum sínum. Hvernig hefði alvörufjölmiðill í lýðræðisþjóðfélagi farið að í svona tilfelli? Er trúlegt að seðlabankastjóra - sem hefur „presiderað" yfir hruni lánastofnana og greiðsluþroti þjóðarbúsins, eftir að hafa mistekist í sjö ár samfellt að ná yfirlýstum markmiðum peningastefnunnar - hefði verið boðið í drottningarviðtal, sem þjónaði þeim tilgangi að upphefja hans persónu í stað þess að láta hann standa fyrir máli sínu?
Með öðrum þjóðum hefði fjölmiðillinn hvatt til óháða sérfræðinga á sviði fjármála og viðskipta. Þá hefðu þeir ekki látið seðlabankastjórann komast upp með að þvo hendur sínar af eigin gerðum né heldur að leika saklaust fórnarlamb. Veruleikinn er nefnilega allur annar en leikritið sem var uppfært í Kastljósi gefur til kynna. En þá hefði seðlabankastjórinn sennilega ekki mætt í Kastljós því að hann hefur á löngum valdaferli vanið fjölmiðla við það, að hann tali bara í drottningarviðtölum. Birtingarform ritskoðunarinnar eru margvísleg, víðar en í landi Pútíns.

Höfundur var utanríkisráðherra í ríkisstjórn Davíðs Oddssonar 1991-95.

Eigum við að ganga í Evrópusambandið?

Mikið er nú skrafað og skeggrætt um það hvort Ísland eigi að sækja um aðild að Evrópusambandinu?

Ég hef ekki haft harða afstöðu í þeim efnum hvorki með né móti.

Sú staðreynd að við erum í Evrópu ýtir þó undir það að við ættum að sækja um aðild.  Þó hafa verið færð rök fyrir því að nú sé ekki rétti tíminn þar sem allt sé í kalda koli í Evrópu og því sé okkur hollara að standa hjá enn um sinn.

En er ekki allt í kalda koli hér líka?  Eigum við ekki að leita eftir stuðningi og samhljómi þeirra sem standa okkur næst?

Regluverk Evrópusambandsins hefur verið nefnt sem vegartálmi á þeirri vegferð okkar að fara þar inn.

Hefði nú ekki það sama regluverk bjargað okkur frá því að fara svo hrikalega illa út úr hruni efnahagskerfisins sem raun ber vitni?

Það þýðir lítt um það að fást en ég tel að við eigum að draga þann lærdóm af málum sem unnt er og nota okkur til uppbyggingar og framdráttar.

Við eigum færa menn eins og Jón Baldvin o.fl. sem þekkir reglurnar vel og gætu skannað þær enn frekar. Við eigum að setja okkar færustu menn í málið.  Það er einfaldlega of tímafrekt fyrir okkur nú að finna upp hjólið.

Það var Mark Twain sem sagði "áttaðu þig á staðreyndum málsins fyrst, síðan getur þú hagrætt þeim að vild". 

Þó við færum kannski ekki alveg svoleiðis í málið hef ég þá trú að við getum samið um okkar sérstöðu en til þess þurfum við að nýta þá starfskrafta og þá reynslu sem við eigum.

Ég tel ekki ráðlegt að treysta ríkisstjórninni í blindni í þeim efnum.  Við verðum að fá annað fólk að stjórntækjunum sem fyrst.

Lærða menn og reynda sem kunna á pólitískt GPS!!! 

(GPS=Staðsetningartæki)

 

 

 

Sauðanesviti

Sumarið 2007 héldum við systkinin á Sauðanesi myndlistarsýningu í Sauðanesvita við Siglufjörð.

Þar voru systkinin Margrét Traustadóttir, Magnús H. Traustason, Vilborg Traustadóttir með sýningu.

Einnig sýndu Dagbjört Matthíasdóttir eiginkona Magnúsar og börnin á Sauðanesi.  Það eru börn Jóns Trausta Traustasonar.  Jón Trausti var með lifandi gjörning sem var að aka um á rússajepppa máluðum í herlitum.

Þetta er frábær hugmynd og gaman væri að sjá eitthvað af þeim sýningum sem settar verða upp í vitum landsins á næstunni. 

 

Vitar verða vettvangur listviðburða

Enn mótmælt

Ég komst ekki í mótmælin að þessu sinni enda mikið að gera í þvottastússi og barnabörnin eru hér og verða til morguns.

Ég frétti af kappdúðuðu fólki á leið í bæinn.

Gott að veðrið spillir ekki fyrir fólki sem vill láta óánægju sína í ljós.

Nóg er nú samt að spilla fyrir okkur! 

Fjöldi manns á Austurvelli

Þvottadagur

Í dag er þvottadagur hjá mér.  Þannig hagar til að við búum í blokk þar sem er sameiginlegt þvottahús á 12. hæð með útsýni í allar áttir.

Yndislegt að setjast þar niður smá stund og bíða eftir að vélarnar klári og njóta útsýnisins á meðan. 

Við reyndum  fyrsta árið að hafa þvottavél í íbúðinni en þegar einn soninn vantaði þvottavél gáfum við honum hana enda er svo þægilegt að bóka einn dag í viku og þvo.  Þvottavélin var bara fyrir okkur inni á baði þar sem hún stóð ónotuð.

Ég ólst upp við það á Sauðanesi að mamma hafði einn þvottadag í viku.  Hún var með þvottavél í kjallaranum sem hún setti þvottinn ofan í og svo varð hún að hræra með priki á meðan þvotturinn var í vélini.  Mamma var einnig með pott í þvottahúsinu sem hún gat kveikt undir og soðið ýmislegt í m.a. slátur í súr og svið í sultu o.s.frv. 

Ég man enn hvað ég var einmana þegar mamma var með þvottadagana.  Hún var einbeitt við þvottavélina allan daginn sauð þvott, skolaði og vatt. Síðan var allt hengt út á snúru ef viðraði.  Oftast reyndi hún að þvo þegar þurrkur var en stundum varð að hengja þvottinn upp inni.  Oft uppi á lofti í þá daga en síðar eftir að mamma fékk sjálfvirka Candy vél í fimmtugsafmælisgjöf var hengt upp niðri í kjallara þar sem þvottavélin vatt betur en gamla vindan hennar mömmu.

Hugsið ykkur mamma var fimmtug þegar hún fékk fyrst sjálfvirka þvottavél og þá fékk HÚN hana í afmælisgjöf.  Við sátum öll og horfðum furðu lostin á þvottinn veltast um í tromlunni.  Við hefðum ekki verið hamingjusamari þó við hefðum verið að horfa á sjónvarp sem sást ekki á þessum tíma á Sauðanesi þar sem skilyrði voru ekki fyrir hendi. 

Í þeim efnum fóru þó fljótlega í hönd svarthvít mismikil hríðarskjár þar sem það var happa og glappa hvort skilyrði voru til að horfa á Dallas eða Húsið á Sléttunni!

Hvað um það, það hentar mér líka vel, eins og mömmu forðum, að hafa einn þvottadag í viku en barnabörnin koma bara með í þvottahúsið og hjálpa mér þar sem ekki er hætta á að slettist sjóðandi vatn á þau sem ég ímynda mér að hafi verið ástæða þess að okkur var haldið frá þvottastússi í þá daga.

Hver mínúta var dýrmæt þar sem allt þurfti að ganga upp.  Stórt heimili, bústofn og alltaf eitthvað að gera.  Mjólka, gefa dýrum, slóðadraga og raka af, heyja o.s.frv.  Sauðburður á vorin, rýjað í júní, sláturtíð á haustin svo eitthvað sé nefnt.

Svo áttu börn ekkert að vara að "þvælast fyrir" vinnandi fólki!

Við hjálpuðum líka heilmikið til krakkarnir og þvældumst lítið fyrir að því er ég best man! 

 

 

 

Dauðinn

Ég fletti upp nokkrum hugleiðingum um dauðann:  

Hræddist ég fákur bleikur brá,

er beislislaus forðum gekkstu hjá.

Hljóður spurði ég hófspor þín:

Hvenær skyldi hann vitja mín?

 

Ólafur Jóhann Sigurðsson.

"Maður kveður að hausti¨ 

 

Einnig:

Ég óttast ekki dauðann.  Ég vil bara ekki vera

viðstaddur þegar hann ber að höndum. 

 

Woody Allen

 

Loks:

Þeim látnu skuldar maður aðeins sannleikann.

Voltaire

 

 

St. Jósefsspítali

Ég tek heils hugar undir þessa ályktun hjúkrunarfræðinga í Hafnarfirði.

Það væri miklu nær að styðja við og styrkja það góða starf sem unnið er á St. Jósefsspítala en að leggja það í rúst.

Þetta er einn besti spítali á landinu og þar tala ég af eigin reynslu.  Ég hef þurft að leggjast það inn bæði vegna MS sjúkdómsins sem ég hef og einnig vegna aðgerða sem ég hef gengist undir.

Það er bæði vinalegt og gott miðað við sjúkrahús að liggja þar inni og umönnunin til fyrirmyndar.  Gott starfsfólk og faglega að málum staðið.

Ég upplifði mig í öruggum höndum í þau skipti sem ég hef dvalið þar.

Það er sorglegt hvernig vegið er að góðri þjónustu sem er til staðar í stað þess að styðja við hana.

Eitt þarf ekki að útiloka annað og ef einkaaðilar vilja fara út í svipaðan rekstur í Reykjanesbæ er sannarlega af nógu að taka í heilbrigðismálum ef miðað er við biðlista bæði í aðgerðir og eins og í mínu tilfelli að fá besta hugsanlega lyf sem gagnast gegn mínum sjúkdómi. 

"Í ályktuninni segir að fyrirhugaðar breytingar verði til að hrófla við þeirri samfelldu og skilvirku nærþjónustu sem nú er til staðar fyrir skjólstæðinga heilsugæslunnar. „Þeir þurfa því að leita í dýrari úrræði á verkefnahlaðið og yfirfullt hátæknisjúkrahús.“

Þetta eitt eru svo sterk rök að falla ætti umsvifalaust frá fyrirhuguðum breytingum! 

 

Styrkja ætti en sundra ei

Erfið veikindi

Ég óska Ingibjörgu Sólrúnu Gísladóttur góðs bata.  

Ég tek undir með Ólöfu de Bont bloggvinkonu minni að ég mun ekki standa í hnútukasti við hana meðan hún á við slík veikindi að stríða.

Ég þekki sjálf af eigin raun að standa í ströggli og það við samsjúklinga mína í MS félaginu.  Það kann ekki góðri lukku að stýra og er aldrei réttlætanlegt að æsa sjúklinga upp.

Nóg er nú samt.

Þegar svo Ingibjörg Sólrún snýr aftur vonandi búin að yfirstíga veikindin mun ég endurskoða afstöðu mína.

Þangað til mun ég argast í Geir Haarde og öðrum sjálfstæðismönnum enda af nógu að taka í þeim flokki sem ég þó kaus sjálf í síðustu kosningum, sem og í öðrum samfylkingarmönnum en Ingibjörgu Sólrúnu.

Ég vil að þau sem ábyrgð bera axli hana og segi af sér svo unnt sé að gera eitthvað uppbyggilegt hér á landi.

Það treystir enginn neinum eins og er og það er hreint ótrúlegt og niðurlægjandi verð ég að segja að fylgjast með valdhöfum hvarvetna rembast eins og rjúpan við staurinn við að troða sér upp á fólk áfram.

TRAUSTIÐ ER FARIÐ VEG ALLRAR VERALDAR!

Því verður ekki troðið upp á einn eða neinn.

SKILIÐ?

 

 

Ingibjörg Sólrún lengur frá en áður var talið