Dropinn holar steininn

Þessi þjóð mín er ótrúleg.

Að slepptu eggjakasti og þaðan af verra í mótmælunum er ég hreykin af henni.

Lögreglan á líka heiður skilinn.

Á þriðjudaginn var lögreglan ótrúlega þolinmóð þó svo að nokkrir hafi verið handteknir á óréttlátan hátt þá voru þeir lögregluþjónar sem ég sá til ótrúlega yfirvegaðir.

Þjóðin heldur áfram þar til hún hefur fengið vilja sinn að svo miklu leyti sem hægt er að verða við honum. 

Ég held að þjóðin vilji þjóðstjórn eða utanþingsstjórn.

Það er mín tilfinning. 

 

Mótmælt við Seðlabankann

STJÖRNUSPÁ

Steingeit: Leggðu þig fram við að fegra heimili þitt. Með þínum náttúrlegu hæfileikum fyrir samræðum, geturðu fengið fólk á þitt band.

 

--

 

Ég var í tiltekt og endurskipulagningu um helgina.

Hitt veit ég ekkert um........... 

Hamra skal járnið meðan heitt er...

Ég er innilega sammála Björgvin G. Sigurðssyni.

Mér finnst að auk stjórnenda Seðlabankans eigi fjármálaráðherra einnig að segja af sér og forsætisráðherra að biðjast afsökunar.

Geir er á leið út úr pólitík og því er ekki rík ástæða fyrir hann að segja af sér þó auðvitað hann sem forsætisráðherra beri höfuðábyrgð á Seðlabankanum.

Uppbygging getur hafist eftir að ofangreint hefur verið gert og þar sem kosið verður í vor.  

 

 

Vill nýja bankastjórn í Seðlabankann

Samfylkingin tekur frumkvæði, Björgvin axlar ábyrgð, takk......

Björgvin G. Sigurðsson er fyrstur til að axla ábyrgð á bankahruninu.

Hann er maður að meiri fyrir vikið.

Fjármálaeftirlitið fór með honum en nú er boltinn hjá Sjálfstæðisflokki.

Munu þeir axla ábyrgð?

 

 

Björgvin segir af sér

Lygin ein

Ég tel að framlag okkar til Eurovision í ár sé komið fram.

Lagið Lygin ein sker sig úr öllum hinum sem eru sum hver "nett" hallærisleg.

Lagið Lygin ein er það að vísu líka en sú nýbreytni að hafa rytmahljóðfærin svo yfirgnæfandi held ég að höfði til yngra fólksins og þar með þeirra sem eru duglegastir að kjósa.

Ég var hrifin af laginu Family í flutningi Seth Sharp en það komst ekki áfram.

Ég mat stöðuna svo að ef lagið Lygin ein kæmist áfram þá myndi það fara sem okkar framlag til Rússlands.

Ég taldi (með réttu) að kántrílagið hans Torfa Ólafssonar væri gulltryggt áfram en hefði gjarnan viljað sjá Family áfram líka svo lokakeppnin yrði meira spennandi.

Nú vitum við hvernig þetta fer.

Lygin ein verður framlag Íslands í Moskvu. 

(Nema Jógvan verði þeim mun betri)!!! 

Árshátíð?

Ef Seðlabankinn er með ársátíð núna þá sýnir það bara svart á hvítu hve gersamlega veruleikafirrtir menn eru!

Ég vona að þetta sé ekki tilfellið því ef þetta er satt þá er staðan á þeim bæ verri en ég hélt.

Seðlabankinn ætti frekar að gefa mæðrastyrksnefnd andvirði árshátíðar.

 

 

Seðlabankanum mótmælt

Kosningar

Hvernig er þetta með Samfylkinguna.

Ingibjörg Sólrún má ekki bregða sér frá þá verður allt eitthvað svo rótlaust.

Ekki það að ég sé að hrópa húrra fyrir ríkisstjórninni.

Ríkisstjórnin hefur klúðrað öllu því sem hægt er að klúðra í efnahagsmálum þjóðarinnar.

Ég vona að það verði sameinast um þjóðstjórn í einum grænum hvínandi hvelli.  

Þannig senda ríkisstjórn og þingheimur skýr skilaboð til okkar um að það sé verið að hlusta á vilja þjóðarinnar.

Skipta strax út í Seðlabankanum og Fjármálaeftirlitinu.

Skipta einnig um eða styðja við í þeim ráðuneytum sem bera hvað mesta ábyrgð á málum. 

Þjóðin vill samstöðu allra flokka. 

Oft var þörf en nú er nauðsyn. 

 

Meiri biðlund á landsbyggðinni

Það kveður að norðanmönnum

Svona á að gera þetta.   

 

Sextán dráttarvélar á torginu

Ég kalla eftir þjóðstjórn

Ég tel að miðað við stöðuna í samfélaginu ætti að setja á þjóðstjórn.

Það getur ekki verið svo flókið ef markmiðið er að vinna okkur saman upp úr alvarlegustu kreppu sem yfir okkur hefur dunið. Langa lengi.

Kreppu sem af manna völdum hefur orðið svo slæm að fáa hefði órað fyrir að svona gæti farið.

Viðvörunarraddir náðu ekki eyrum stjórnvalda og því eiga þau nú að rétta út hönd og óska eftir aðstoð allra flokka á komandi þremur mánuðum eða svo fram að kosningum

Ég hlakka til að mæta á kjörstað í Árneshreppi. 

Talsverðan tíma tekur að undirbúa kosningar

Danska lagið?

Verður þetta "danska lagið" í Eurovision í ár?