Ég kalla eftir þjóðstjórn

Ég tel að miðað við stöðuna í samfélaginu ætti að setja á þjóðstjórn.

Það getur ekki verið svo flókið ef markmiðið er að vinna okkur saman upp úr alvarlegustu kreppu sem yfir okkur hefur dunið. Langa lengi.

Kreppu sem af manna völdum hefur orðið svo slæm að fáa hefði órað fyrir að svona gæti farið.

Viðvörunarraddir náðu ekki eyrum stjórnvalda og því eiga þau nú að rétta út hönd og óska eftir aðstoð allra flokka á komandi þremur mánuðum eða svo fram að kosningum

Ég hlakka til að mæta á kjörstað í Árneshreppi. 

Talsverðan tíma tekur að undirbúa kosningar

Ósk um góðan bata

Ég óska Geir H. Haarde góðs bata og Ingibjörgu Sólrúnu Gísladóttur einnig.

Það er ekkert lítið sem þau eru að takast á við.

Ég tel að það sem þau ættu að gera nú og reyndar allur þingheimur væri að sameinast um lausnir í stað sundrungar.

Það er komið alveg nóg af flokkadráttum og pólitískum glundroða.

Nú reynir á stjórnarandstöðuna að leggja lið og mynda þjóðstjórn með stjórninni.

Utanþingsstjórn er líka ein leið en úr því það er búið að boða til kosninga í vor geri ég þá kröfu á þingheim að slíðra sverðin og láta hendur standa fram úr ermum í einni þjóðstjórn.

Mér fannst Guðjón A. tala á þessum nótum í kvöldfréttum. 

Steingrímur J. upp með reiknivélina!  

Reiknaðu okkur nú út úr þessu klúðri öllu saman.

 

Geir: Kosið í maí

Enn að

Mótmælendur eru enn að.

 

Á þriðja hundrað á Austurvelli

Ekki stjórnarslit strax

Við verðum að gera á lágmarkskröfu að menn verði látnir sæta ábyrgð og að boðað verði til kosninga í ár.

Þjóðstjórn eða utanþingsstjórn taki við svo að sem mestur friður myndist um störf ríkisstjórnarinnar.

Ég segi fyrir mína parta að ég uni ekki einhverju hliðarspori hjá Samfylkingunni á þessum tímapunkti.

Samfylkingin getur ekki skorast undan þeirri ábyrgð sem hún tók m.a. með viðskiptaráðherra og utanríkisráðherra í stjórn s.l. eitt og hálft ár.

Það væri ekki trúverðug stjórn með Samfylkingu og Vinstri Grænum í skjóli Framsóknar.

Nei þjóðstjórn eða utanþingsstjórn.

Punktur! 

 

Viljum ekki stjórnarkreppu

Hvað um að axla ábyrgð?

Hvað um þá meginkröfu þorra landsmanna að menn sem bera ábyrgð axli hana?

Alveg burtséð frá sekt eða sakleysi.

Þeir sem eru í embættum sem efnahagskerfið heyrir undir eru ábyrgir.

Þeir eiga að víkja.

Að vissu leyti er ég sammála Þorgerði Katrínu þegar kemur að því ístöðuleysi Samfylkingarmanna að geta ekki beðið eftir formanni sínum og utanríkisráðherra með að halda fund um aðild Samfylkingarinnar að ríkisstjórninni. 

Ingibjörg Sólrún er sem kunnugt er undir læknis hendi erlendis en kemur heim um helgina.

 --

Hvað um það eitthvað verður að gera og ég myndi í Geirs H. Haarde sporum biðjast innilega afsökunnar og láta menn axla ábyrgð. 

Kannski er það m.a.s. of seint fyrir þessa ríkisstjórn sem átti að gera viðeigandi ráðstafanir í þeim efnum í okróber? 

Og þótt fyrr hefði verið. 

 

Ekki hjá því komist að kjósa á þessu ári

Taki þau til sín sem eiga það.

Mótmælendur ráku alla fulltrúa Samfylkingarinnar úr ríkisstjórn á fundi Reykjavíkurdeildar Samfylkingarinnar í kvöld.

Ætli þeir taki uppsögnina með sér í hjónasængina með VG?

Ætli uppsögnin komist undan vökulu auga Framsóknarmaddömunnar? 

„Þið eruð öll rekin“

Breytingar í vændum

Þá tekur við stjórn VG og Samfylkingar í skjóli Framsóknar.

Kannski ekki alveg það sem þjóðin er að biðja um.  Eða?

Ég held þó að Steingrímur J. geti ekki leitt þessa þjóð í frekari þrengingar en nýfrjálshyggjan og Sjálfstæðisflokkurinn hefur gert.

Það hefur gerst vegna þess að eftirlit klikkaði algerlega og menn sinntu ekki skyldum sínum í þeim efnum. Sátu svo sem fastast og báðust ekki einu sinni afsökunar.

Ég vona að þeir sem við stjórnartaumum taka hafi vit til að fá fagaðila inn í stjórnun á okkar efnahagsmálum og að heilbrigðisþjónusta verði ekki skert og góðu starfi verði ekki rústað í þeim.

Við verðum að mynda samfélag sem við öll getum lifað af í.

 

 

Samþykktu ályktun um stjórnarslit

Flauelsbyltinin heldur áfram - neyðarstjórn?

Það er alvara í þessum mótmælum hjá þjóðinni.

Stjórnin verður að segja af sér.   Ég sé ekki aðra leið.

Þjóðin vill breytingar.

Það að enginn hefur verið látinn sæta ábyrgð eða sætt ábyrgð af sjálfsdáðum hefur leitt til þessa ástands nú.

Hefði Seðlabankastjóri, forsvarsmenn fjármálaeftirlits og ráðherrar sem bankarnir heyra undir sagt af sér strax væri staðan allt önnur á Íslandi. 

Ég tel að nú verði að hafa skjót handtök við að setja á fót neyðarstjórn sem verður utanþingsstjórn fagfólks sem allir geta sætt sig við og treysta, þar til kosið hefur verið til Alþingis.

Sú utanþingsstjórn hefði það að aðalmarkmiði að bjarga því sem bjargað verður í efnahagsmálum þjóðarinnar og standa vörð um velferðarkerfið.

Ásamt því að boða til kosninga og sjá til þess að lýðveldið Ísland verði endurreist eða stofnað nýtt lýðveldi með nýja stjórnarskrá.

Þjóðstjórn í stuttan tíma er annar kostur en ég tel að sá dráttur sem orðið hefur á málum í meðförum núverandi þings og ríkisstjórnar dragi úr trúverðugleika slíkrar stjórnar auk þess sem allir eru í sárum og eiga að fá tækifæri til að byggja sig upp að nýju.  

Þá á ég við þingheim, ríkisstjórnina og þjóðina.

 

 

 

Kröftug mótmæli við þinghúsið

Lifi flauelsbyltingin a la Úkraína

Við lifum á spennandi tímum.  

Það fór þó aldrei svo að við vöknuðum ekki!

Ég bankaði á glugga Alþingis í dag og kallaði "Vakna!" (líkt og ég gerði þegar ég vakti syni mína og líkt og þegar ég vek sonarsyni mína í dag.)  

Í því kom frænka mín (ein af 200 lögreglumönnum) , ég veit ekki hvort hún sá mig banka en ég var alltént ekki handtekin.

Svona er klíkuskapurinn!  (Jók).

Ég er þó eiginlega ekki í skapi fyrir grín því dagurinn var mjög mikið öðruvísi og meiri alvara á bak við mótmælin sem fóru að mínu mati friðsamlega fram.

Þarna ægði saman fólki úr öllum stéttum, á öllum aldri.  Fólki eins og mér sem er nóg boðið.

Við viljum eitthvað annað en "fock you" merki frá ríkisstjórn og Alþingi.

Við viljum að þeir menn sem ábyrgð bera axli hana og segi af sér!

Hvers vegna er svo erfitt fyrir þau að skilja það?

 

 

 

 

Mótmæli halda áfram

Lifi byltingin-flauelsbyltingin

Ég spái því að nú verði breytingar.

Mér er misboðið að enginn skuli hafa axlað ábyrgð.

Nema kosningastjóri Framsóknarflokksins á flokksþingi þeirra! 

Enn fjölgar á Austurvelli