Nú er nægur tími?

Sigmundur fellur greinilega vel inn í Framsóknarmynstur áranna.

Hann hefur eina skoðun í dag en skiptir svo yfir á morgun.

Hann kom fram með skýrar kröfur um aðgerðir strax m.a.s. áður en hann var kosinn formaður í Framsókn.

Nú tekur þetta tíma! 

Hann kom fram með stuðning við minnihlutastjórn Samspillingar og VG meðan Samspillingin var enn í ríkisstjórn.

Nú kemur hann fram með skilyrði.

Ég er ekki viss um að þessi stjórn verði nokkurn tíma til og ef hún verður til hvað mun hún afreka?

Sennilega getur hún þó varla gert meiri usla en orðið er! 

 

 

 

 

Sigmundur: Viðræður taka tíma

Þjóðstjórn annars verður allt vitlaust!


Samfylkingin hefur haldið því fram að Sjálfstæðisflokkurinn hafi dregið lappirnar í mikilvægum málum. Ef það er rétt að fyrir síðustu jól hafi  Sjálfstæðisflokkurinn boðið Samfylkingu mikla uppstokkun í ríkisstjórninni og helstu stofnunum.  Er það er rétt að Samfylkingin treysti sér ekki til að fara út í slíkar aðgerðir vegna veikinda Ingibjargar Sólrúnar og óskaði eftir að þeim yrði frestað? 

Þá skýtur skökku við að forysta Samfylkingarinnar og þingmenn hennar tali um að ákvarðanafælni af hálfu Sjálfstæðisflokksins og í ljósi þess furðar maður sig á því að farið er fram með þeim hætti sem Samfylkingin hefur nú gert.

Er Samfylkingin bara Samspillingin eins og Sverrir Stormsker hefur sagt?

Það er afar mikilvægt að hér starfi ríkisstjórn sem fylgi eftir nýlegri efnahagsáætlun og fari að ráðum Alþjóðagjaldeyrissjóðsins. 

Geir H. Haarde reyndi á síðustu stundu að höfða til formanna allra hinna stjórnmálaflokkannaum að freista þess að mynda þjóðstjórn nú. 

Geir H. Haarde hefði betur gert það fyrr en hann nánast útilokaði það daginn áður. 

Hver tekur við af Herði Torfa?

Nú blasir við að stjórn "þóknanleg" Herði Torfasyni tekur við völdum.

Hver mun taka við að skipuleggja laugardagsmótmælin þegar þessi stjórn verður komin á laggirnar?

Vinstri Grænir þingmenn gengu um meðal mótmælenda þriðjudaginn 20. janúar og hvöttu þá áfram.

Hver mun hvetja okkur áfram sem stóðum þar í nafnu lýðræðis og uppstokkurnnar á flokksveldinu? Við munum standa áfram þar til nýtt lýðveldi hefur verið reist?

Sem aldrei fyrr. 

Hver mun taka við keflinu af Herði Torfasyni ef hann hættir nú?

Boðuð á fund forseta

Samspillingin tekin við?

Einhverjar getgátur eru uppi um Ágúst Ólaf sem seðlabankastjóra?

Ég kýs þó að trúa því sem hann segir sjálfur að þau hjón hyggist fara í nám erlendis.

Hins vegar stóð ég ekki niðri á Austurvelli til að færa spillingarvaldið milli flokka.

Ég stóð þar í nafni lýðræðis en ekki samspillingar. 

Ágúst Ólafur hættir

Valdagræðgi?

Ég er hrædd um að þetta útspil Samfylkingarinnar verði henni að falli.

Þó svo að það sé vel meint? 

Eða hvað? 

„Samfylkingin bugaðist"

"Dýr myndi (er) Davíð allur"

Þá er það farið veg allrar veraldar stjórnarsamstarfið.

Fyrst og fremst er um að kenna handvömm og eftirlitsleysi fyrir bankahrunið en ekki bætti úr skák þaulsetni þeirra sem uppvísir urðu að því að standa sig ekki í sínum hlutverkum.

Eftirlitsaðilar og stofnanir, ríkisstjórn og síðast en ekki síst vangeta þessara aðila til að taka á málum og sækja menn í viðskiptalífinu til ábyrgðar.

Ég tel eins og áður að þjóðstjórn yrði sá kostur sem flestir gætu sætt sig við fram að kosningum.

Því miður sýnist mér á Samfylkingunni að þar fari afar ósamstæður hópur sem tollir eingöngu saman á formanninum.

Samfylkingin var fullur þátttakandi í fráfarandi ríkisstjórn og á að axla sína ábyrgð sem slík.

Fari flokkar þá leið nú að einangra Sjálfstæðisflokkinn mun það að öllum líkindum einungis auka fylgi hans í kosningum eftir þrjá mánuði. 

Allir flokkar eiga að sameinast um lausn á vandanum.

Annað er óverjandi. 

 

 

 

 

Stjórnarsamstarfi lokið

Dropinn holar steininn

Þessi þjóð mín er ótrúleg.

Að slepptu eggjakasti og þaðan af verra í mótmælunum er ég hreykin af henni.

Lögreglan á líka heiður skilinn.

Á þriðjudaginn var lögreglan ótrúlega þolinmóð þó svo að nokkrir hafi verið handteknir á óréttlátan hátt þá voru þeir lögregluþjónar sem ég sá til ótrúlega yfirvegaðir.

Þjóðin heldur áfram þar til hún hefur fengið vilja sinn að svo miklu leyti sem hægt er að verða við honum. 

Ég held að þjóðin vilji þjóðstjórn eða utanþingsstjórn.

Það er mín tilfinning. 

 

Mótmælt við Seðlabankann

Hamra skal járnið meðan heitt er...

Ég er innilega sammála Björgvin G. Sigurðssyni.

Mér finnst að auk stjórnenda Seðlabankans eigi fjármálaráðherra einnig að segja af sér og forsætisráðherra að biðjast afsökunar.

Geir er á leið út úr pólitík og því er ekki rík ástæða fyrir hann að segja af sér þó auðvitað hann sem forsætisráðherra beri höfuðábyrgð á Seðlabankanum.

Uppbygging getur hafist eftir að ofangreint hefur verið gert og þar sem kosið verður í vor.  

 

 

Vill nýja bankastjórn í Seðlabankann

Kosningar

Hvernig er þetta með Samfylkinguna.

Ingibjörg Sólrún má ekki bregða sér frá þá verður allt eitthvað svo rótlaust.

Ekki það að ég sé að hrópa húrra fyrir ríkisstjórninni.

Ríkisstjórnin hefur klúðrað öllu því sem hægt er að klúðra í efnahagsmálum þjóðarinnar.

Ég vona að það verði sameinast um þjóðstjórn í einum grænum hvínandi hvelli.  

Þannig senda ríkisstjórn og þingheimur skýr skilaboð til okkar um að það sé verið að hlusta á vilja þjóðarinnar.

Skipta strax út í Seðlabankanum og Fjármálaeftirlitinu.

Skipta einnig um eða styðja við í þeim ráðuneytum sem bera hvað mesta ábyrgð á málum. 

Þjóðin vill samstöðu allra flokka. 

Oft var þörf en nú er nauðsyn. 

 

Meiri biðlund á landsbyggðinni

Það kveður að norðanmönnum

Svona á að gera þetta.   

 

Sextán dráttarvélar á torginu