Kúru-veður

Þetta er veðrið þar sem maður vill liggja eins og skata undir sæng og kíkja í góða bók.  Hlusta á vindinn og hjala við kallinn og köttinn.

Lúra hjá barnabörnunum og segja þeim sögur eða bara rabba við þá.

Það er að bæta í vindinn hér fyrir sunnan núna.

Hugsa til Geirs Fannars sem er að sigla suður af landinu í snarvitlausu veðri á landstími.  Hann vonast eftir að komast í meira skjól af landinu eftir um fjóra klukkutíma. 

Nú ætla ég að setja undir mig hausinn og drífa mig á fund. 

Kúri á eftir. 

Vonskuveðri spáð

Athugasemdir

[Hulda Margrét Traustadóttir, 13.3.2009 kl. 20:46]

Óska þér góðs "kúru dúrs" á eftir systir, en ég held að við sleppum að mestu núna hér  í Eyjafirðinum í þessu vonskuveðri - eða ég vona það. Vona að Geir Fannari gangi vel á landstíminu. Góða nótt