Borgarafundur

Nú mæta allir sem vettlingi geta valdið á borgarafund í Háskólabíó klukkan 20.00 í kvöld.

Þetta ófremdarástand verður að stöðva sem fyrst.

Ég held að aðgerðir og aðgerðaleysi stjórnvalda hafi verið okkur dýrari en nokkuð annað.

Fyrst kolröng viðbrögð með þjóðnýtingu Glitnis og síðan hvert axarskaftið á fætur öðru sem sekkur okkur sífellt dýpra og dýpra í fenið.

Maður getur farið að taka undir að hér séu framin landráð í stórum stíl.

Því miður! 

Ég tek undir með Jakobínu Ingunni Ólafsdóttur og Nirði P. Njarðvík um algera uppstokkun á stjórnarskránni og hreinlega stofnun nýs lýðveldis eins og kom fram í Silfri Egils í gær.

Stjórnmálamenn slá um sig með því að tala um "Nýja Ísland" en það er ekkert nýtt Ísland fyrr en búið er að stofna nýtt lýðveldi.

Lýðveldi sem virkar í þágu almennings en ekki það flokksveldi sem við búum við í dag. 

Borgarafundur í Háskólabíói í kvöld

Athugasemdir

[Ástþór Magnússon Wium, 12.1.2009 kl. 12:30]

Fær jólasveinninn að tala?

[Haukur Gunnarsson, 12.1.2009 kl. 13:40]

Vonandi eru það ekki þeir sem skvetta málningu og brjóta rúður, sem eiga að vera hinir nýju stjórnendur okkar. Eða Hörður Torfa eða Sturla vörubílstjóri.

[Hulda Margrét Traustadóttir, 12.1.2009 kl. 14:16]

Nú þurfa þeir sem mótmælt hafa sem mest að benda á lausnir og útúr því verður auðvitað lýðræðisflokkur ! Hvað annað ?