Afmæli

Ég á afmæli í dag.  Hafði lambalæri og ís á eftir fyrir fjölskylduna ásamt foreldrum og tengdaforeldrum.

Sonarsynirnir fóru fram á að fá pylsu í brauði með tómat, ekki hitað í potti heldur keypt í pylsusjoppu.

Þannig eru afmæli skildist mér á þeim.

Afi græjaði málið um leið og hann sótti afmælisgesti kom hann við í pylsuvagninum við sundlaugarnar í Laugardal og kom með pylsur á strákalínuna.

Ég fékk góða aðstoð við að raða kertum á ísinn sem þeir bjuggu til með mér milli jóla og nýárs og enn betri aðstoð við að blása á kertin sem voru að sjálfsögðu fimm.  

Eitt fyrir hvern strák og eitt fyrir afa.

Ekki einu kerti meira enda konan á besta aldri.

 

 

Athugasemdir

[Hulda Margrét Traustadóttir, 11.1.2009 kl. 20:28]

Svona eiga afmæli að vera. Innilega til hamingju með daginn. Þegar hér er komið sögu skipta árin ekki öllu, heldur halda í barnið í hjartanu

[Gylfi Björgvinsson, 11.1.2009 kl. 20:39]

Til hamingju með dagin Ippa mín. Erum við þá ekki jafngömul í nokkra mánuði? Njóttu dagsins (kvöldsins)

[Vilborg Traustadóttir, 12.1.2009 kl. 01:10]

Takk fyrir öll og Gylfi það veltur á því hvenær þú átt afmæli;-)

[Sigurveig Eysteins, 12.1.2009 kl. 05:37]

 Til hamingju með afmælið, það er alltaf verið að minna mann á hvað maður er ungur, oooggg að tíminn lýður og lýður.