Kláraði hringinn

Ég kláraði hringinn næstum því í dag.  Þ.e.a.s. í eldhúsinu.  Nú er ég búin að fara í gegn um alla eldhússkápana, þrífa þá og taka til í þeim.  

Að vísu er eftir að afþýða ísskápinn og þrífa skápinn undir vaskinum en það verður gert alveg á næstu dögum.

Svona þegar ég gef mér tíma í það.

Ég var boðin í siginn fisk og selspik til mömmu og pabba í kvöld.  Þvílíkt lostæti!

Til að kóróna máltíðina buðu þau upp á ávexti og rjóma á eftir og svo auðvitað kaffi.

Horfðum svo á fótboltann.  Það var gaman að finna þjóðernisstoltið blossa upp sem aldrei fyrr þegar "stelpurnar okkar" unnu Írana og komust þar með á EM.

Þjóðernisstoltið hefur beðið hnekki að undanförnu, þökk sé misvitrum pólitíkusum og stofnanavæddum eftirlitsmönnum sem föttuðu ekki sitt hlutverk eða hreinlega nenntu ekki að sinna því.

Þjóðernisstoltið blossaði upp og ég fann tárin koma fram í augnkrókana. 

Það hef ég ekki fundið síðan sautjánhundruðogsúrkál. 

Takk stelpur!   

Athugasemdir

[Sigurveig Eysteins, 31.10.2008 kl. 02:44]

 Þú hefur gert eins og ég ráðist á eldhúsið, leið svakalega vel á eftir. Fjölskyldan horfði á leikin saman, og eins og hjá þér blossaði þjóðarstoltið upp.

[Hulda Margrét Traustadóttir, 31.10.2008 kl. 06:38]

Mmmmmmm, hefði viljað vera í þessu matarboði. Já gott hjá stelpunum.

[Vilborg Traustadóttir, 31.10.2008 kl. 11:36]

Passar Ísak, passar! Já það er fínt að drífa í hlutunum, maturinn var góður.