Gleðilegt sumar!

Gleðilegt sumar öll sömul og kærar þakkir fyrir skemmtilega bloggsamveru í vetur.  

Maður spyr sig af og til hvort maður endist á blogginu áfram?  Þetta er svo stórt samfélag að verða.  Hver og einn verður ein lítil arða í öllu litrófinu.  Þó er skemmtilegt hve ólíkt samfélagið er. Maður getur einhvern veginn alltaf fundið eitthvað nýtt og ferskt innan um á blogginu.  Skoðanir eru skiptar en það er alltaf gaman þegar skipst er á skoðunum af gagnkvæmri virðingu. Þó í brýnu geti slegið þá er það ekkert nema eðlilegt.

Aðalatriðið er að koma skoðunum sínum málefnalega á framfæri. Það er stundum vandi.

Bloggvináttan er dýrmæt og gaman að vafra um hjá þeim bloggvinum mínum þegar tími vinnst til.  

Ég vona að allir bloggvinir sem aðrir eigi góðan sumardaginn fyrsta.  Við keyptum grill í gær og vonumst til að geta grillað eitthvað gómsætt seinna í dag ef ekki, þá um helgina. 

Núna í vikunni hefur mér í fyrsta sinn fundist vor í lofti á þessu ári.  Kannski vegna þess að það er núna fyrst að koma vor?  

"Ljósið loftin fyllir,

og loftin verða blá. 

Vorið tánum tyllir

tindana á.

Segir í kvæðinu Fyrstu vordægur eftir Þorstein Gíslason".

 

 

Vor í lofti

Athugasemdir

[Svanhildur Karlsdóttir, 24.4.2008 kl. 13:04]

Gleðilegt sumar og takk sömuleiðis fyrir skemmtilega bloggsamveru

[Marta B Helgadóttir, 24.4.2008 kl. 13:07]

Gleðilegt sumar Vilborg takk fyrir bloggsamskiptin í vetur.  

[Ketilás, 24.4.2008 kl. 17:06]

Gleðilegt sumar systir kær. Hér er sólbaðsfært á svölum og einnig á að grilla hér í kvöld. Sumarið er tíminn ......gaman. Til hamingju með nýja grillið !

[Ketilás, 24.4.2008 kl. 17:07]

ó var innskráð á Ketilás en er auðvitað Magga systir heheheh

[Herdís Sigurjónsdóttir, 24.4.2008 kl. 21:54]

Gleðilegt sumar mín kæra og takk fyrir veturinn ... ég er ekkert smá ánægð með að veturinn er að baki.