Slys í Bláfjöllum

Systurdóttir mín og vinkona hennar lentu í alvarlegu slysi í Bláfjöllum í gær.  Þær voru sendar með sjúkrabíl á slysadeild.  Systurdóttir mín meiddist á baki en var útskrifuð í gær.  Vinkona hennar hlaut alvarlegri áverka og var lögð inn á Barnaspítala Hringsins eftir að búið var að sauma sár á höfði og huga að meiðslum hennar.  Hún var einnig með brákaða höfuðkúpu auk bakmeiðsla sem var verið að rannsaka.

Slysið vildi þannig til að þær voru að renna sér saman á sleða og sleðinn snerist og þeyttist með þær á skúr. Þær hafa hugsanlega bjargað lífi sínu með því að reyna að stöðva sleðann með fótunum en báðar voru vel búnar og í góðum gönguskóm með stömum og grófum botnum.  Þær hafa því klárlega náð að draga úr ferðinni. 

Systir mín (móðir stúlkunnar) fór svo í aðgerð á höfði í dag vegna heiladingulsæxlis.  Aðgerðin gekk vel og allt samkvæmt áætlun.  Læknar telja að um góðkynja æxli sé að ræða.  

Þannig að það er í mörg horn að líta hjá okkar fjölskyldu  og fjölskyldu stúlkunnar sem meiddist þessa dagana. 

 

Athugasemdir

[Hulda Margrét Traustadóttir, 28.2.2008 kl. 17:56]

Já, Lúcý var heppin og þær líklega báðar eftir þennan árekstur. Vonandi nær vinkonan sér fljótt og vel - en svo er þetta auðvitað sjokk sem vinna þarf úr.

Það á ekki af þeim að ganga mæðgum - vonandi er nú allt vesenið búið og nú verði leiðin bara uppá við  Trúi ekki öðru  Góðan bata Solla mín og Lúcý

[Ásdís Sigurðardóttir, 28.2.2008 kl. 18:33]

Þa er aldeilis margt í gangi í kringum þig. Ég sendi bestu batakveðjur til allra.

  

[Vilborg Traustadóttir, 28.2.2008 kl. 19:22]

Takk fyrir það, heyrði í systur minni áðan og var hún ótrúlega hress. Vinkona Lucyar er á batavegi og var ekki brotin á hrygg en illa marin eins og Lucy. Vonandi gengur allt upp á við hjá þeim öllum.

[Svanhildur Karlsdóttir, 28.2.2008 kl. 20:13]

[Gunnlaugur Halldór Halldórsson, 28.2.2008 kl. 22:48]

Guð blessi þína fjölskyldu og systurdóttir.

ég skal biðja fyrir og hugsa vel til þín og fjölskyldu

[Herdís Sigurjónsdóttir, 29.2.2008 kl. 15:05]

Elsku Ippa mín góðar kveðjur til ykkar allra héðan úr Mosfellsbænum. Það sem ég segi, alltaf einhver verkefni í kring um þig mín kæra. Vonandi hressast þær allar fljótt.

[Vilborg Traustadóttir, 29.2.2008 kl. 16:45]

Þakka ykkur fyrir það er svo gott að fá góðan hug. Heimsótti Sollu áðan og er hún fjallhress! Farin að skipuleggja konuferð til Köben!!! Ég er með í það ;-).