Nudd

 

Að hafa töfrahendur

er guðsgjöf.

Að nota þær

er himneskt.

 

Að njóta í auðmýkt

Er undursamlegt

 

Liggja eins og

deigklumpur.

Láta hnoða sig

á alla kanta.

 

Svífa burt

í öðrum og

æðri heimi.

 

Treysta.

 

 

 

                      Vilborg Traustadóttir

Gleðin

 

Gleðin er eins og vatn

hoppar og skoppar

hlær og flissar

suðar og seytlar.

 

Tær og hrein

eins og lindin

birtist gleðin

í litum regnbogans.

 

Hellir yfir þig

tilfinningum

sem þú

færð ekki hamið.

 

Yl sem þú

skilur ekki

birtu sem þú

botnar ekkert í.

 

Njóttu vinur njóttu.

Nú er lag.

Nú er gleðilag.

 

 

       Vilborg Traustadóttir

Pæling

 

Ég fann mig ekki

þarna á fundinum

en ég fann þig.

 

Þvert á móti.

 

Öllum lögmálum

og skynsemi

voru takmörk sett.

 

Þú  sem varst

svo róleg

og yfirveguð.

 

Án alls æsings

utan velsæmismarka.

Án hroka

og fordóma.

 

Þú sem varst

svo....finnanleg.

 

Hvar var ég?

 

Ég fann mig ekki?

 

          Vilborg Traustadóttir 

Tinna

  

Tinna heitir truntan mín

töfra beitir geði.

Hana skreyta fótmál fín

fjörug, veitir gleði.

 

Er þinn gæða taktur telst

töltsins klæði rífa.

Þú ert æði, einna helst

eins og skæðadrífa.

 

    Höf: Vilborg Traustadóttir

 

Ég átti þessa "vinkonu" og hryssu sem ég orti um hér.  Tinna var mjög sérstök, viðkvæm, viljug og falleg.  Hún var af Kolkuóskyni, dóttir Hrafns (591). Við áttum  góðar stundir saman við Tinna, tvær í útreiðatúr eða í félagi við aðra. Aðallega Jonna bróðir og Íru hans en stundum Jörp og Hermanns-Rauðku líka.  Í þá gömlu góðu daga.........Tinna datt skyndilega dauð niður í haganum vel við aldur og er heygð á Dalabæ.

Val

 

Vindurinn

blæs mér í brjóst

frelsi til að velja.

 

Valið

sem ég hef

flækir myndina.

 

Myndin

stendur óhögguð

í mjöllinni.

 

Mjöllinni

sem hvarf í gær

með vindinum.

 

 

 

    Höf:  Vilborg Traustadóttir

Jónína Ben fimmtug

Ó, þú ættir að vita

ævinnar huldumál.

Nótt hinna nýju lita

nærist í þinni sál.

Orti þessa stöku með mynd sem ég málaði og við Kristín vinkona færðum Jónínu ásamt blómum og hamingjuóskum.

Það opnaðist fyrir listagyðjuna í mér í Póllandi og ég tjáði Jónínu að hún sæti nú uppi með afleiðingarnar.  Til hamingju aftur fimmtuga frú!  Velkomin í hópinn.

Ein í Pólskum skógi

 

Trén - teinrétt.

vindurinn sveigir þau.

Sólin gægist niður.

 

Ég sé net myndast

úr greinum trjánna

og möskvarnir ná til mín.

 

Veiða mig,

fara með mig til himna

og heim.

 

Ég svíf örugg

í örmum trjánna

og allt er gott...

 

...ein í pólskum skógi.

 

 

        Höf:  Vilborg Traustadóttir

 

Hjálp

 

Vilt þú

hjálpa mér?

Þegar ég þarf

á því að halda?

 

Getur þú

rétt mér vatnið?

Gefið mér matinn?

Nært mig?

 

Borið mig

á höndum þér?

 

Lesið mér ljóð?

 

Ef ég verð hjálparvana

veit ég þú gerir

eins og þú getur

og meira til.

 

Þannig er lífið

og þannig

ert þú.

 

 

     Höf:  Vilborg Traustadóttir

Í nóttinni

 

Í nóttinni

heyri ég

hlátur og flaut.

 

Bílflaut og hlátur.

 

Ljósin í gluggunum

fjarlægjast daginn.

 

Af tæknilegum ástæðum

sem enginn skilur

dofnar yfir borginni

og bæjunum allt í kring.

 

Ætli hláturinn

og vel að merkja

bílflautið.

 

Veki athygli

tæknimannanna

á vandamálinu?

 

          Höf:  Vilborg Traustadóttir

Lífið í lit

 

Lífið er mun

skemmtilegra

í lit.

 

Láttu mig þekkja það

sem var

svarthvíta hetjan þín

í þúsund ár.

 

Án

skuldbindinga

eða

endurgjalds.

 

Auk þess

skuldlaus eign

utan

þjónustusvæðis.

 

 

        Höf:  Vilborg Traustadóttir