Ekki bíta bara rífa kjaft

Það fer út í öfgar þegar mótmælendur eru farnir að bíta.  Í því er ég sammála Össuri sem kemur sterkur út úr þeim viðtölum sem ég hef séð hann í síðan ósköpin dundu yfir.

Ég vona að lögreglukonan frænka mín hressist fljótt eftir bitið en það er áfall að verða fyrir þessu.  Störf eru svo mismunandi og við verðum að virða fólk sem er að störfum í almanna þágu hvort sem okkur er heitt í hamsi eða ekki.

Það er stutt í að mál fari úr böndunum þegar gripið er til svo róttækra aðgerða sem að hlaupa gargandi inn í Alþingi Íslendinga.

Áhrifameira væri að standa steinþegjandi fyrir utan húsið. 

Ekkert réttlætir ofbeldi. 

 

Mótmælendur eiga ekki að bíta

Ofurlaun

Ég tek undir með Ástu.  Laun forystumanna í verkalýðshreyfingunni eru orðin of langt frá skjólstæðingum þeirra.

Óskar Garibalda, frægur verkalýðsfrömuður og formaður verkalýðsfélsgsins Vöku á Siglufirði á mjög róstusömum og erfiðum tímum tók aldrei hærri laun en lægstu verkamannataxtar hljóðuðu upp á.

Hann naut virðingar, var ötull foringi og skilaði gríðarlega mikilvægu og óeigingjörnu starfi í þágu vinnandi stétta.

Hann var óumdeildur.

-- 

Forsvarsmenn verkalýðsins í dag eru mjög hjáróma, hafa verið sitjandi í boði auðmanna hér og þar, á ofurlaunum sjálfir, haldandi á lofti nauðsyn verðtryggingar!

 

Hiti í fólki í Háskólabíói

Ekki í "náðinni" hjá vanhæfum....

Það er vægt til orða tekið að segja að bílstjórar séu ekki í náðinni hjá stjórnvöldum.

Stjórnvöldum sem æfðu sig í að gasa þá þegar bílstjórarnir voru í kaffipásu hér fyrir ofan bæinn.

Hvernig komið var fram við þá og almenning er til háborinnar skammar.

Nú eiga stjórnvöld kost á að bæta fyrir handvömmina og koma til aðstoðar þeim mönnum sem eiga í vandræðum með að borga af bílum sínum eftir bankahrunið.

-- 

Auðvitað var pirrandi hvernig þeir lokuðu umferðargötum, ég stóð mig að því að beygja í aðra átt ef ég sá stórum vörubíl bregða fyrir í umferðinni.

En að fara fram með slíku offorsi ja eigum við að sega með slíkum fasisma og gert var er engu lagi líkt á litla Íslandi.

Burt með þá menn sem ráða ekki við stöðuna öðru vísi en umvafðir lífvörðum og sérsveitum lögreglumanna.

Þeir eru okkur of dýrir í rekstri. 

Þeir eru vanhæfir í mannlegum samskiptum. 

Mótmæla innheimtuaðferðum

Sick

Það er sick ef Seðlabankastjóri getur ekki setið í neyðarráði vegna hruns bankanna.  Það er sick að Seðlabakastjóri hafi ekki séð ástæðu til að segja af sér.

Það er alveg nákvæmlega sama hvort hann telur sjálfur að hann beri ábyrgð.

Starf hans fóls m.a. aðallega í því að hjálpa bönkunum og hann taldi sig að eigin sögn í viðtali löngu fyrir hrunið að Seðlabankinn byggi yfir "vopnum" til að fyrirbyggja að svo færi sem fór.

Fyrst hann notaði ekki þau vopn á hann að víkja.

Það er öllum nákvæmlega sama um hans persónulega álit á sjálfum sér.

Ábyrgðin er hans og Fjármálaeftirlitsins. 

Við þetta bætist svo vantraust samflokks í Ríkisstjórn og Davíð Oddssyni ber að víkja frekar en að sprengja Ríkisstjórnina.

Hann gerir engum greiða og allra síst sjálfum sér með að sitja sem fastast þvert á alla skynsemi.

Þvert á vilja þjóðarinnar. 

 

Bókunin frá Össuri komin

Fækkar mótmælendum?

Aðeins 1000 manns mættu á mótmælafund í dag.  Hvernig er það erum við að verða sátt við ástandið?

Erum við kannski í jólaundirbúningi?

Hvar eru verkalýðsfélöghin?

Hörður Torfason stendur einn fyrir mótmælafundum.

Ég var í aðventuboði og hef reyndar aðeins einu sinni farið á mótmælafund.

Hjarta mitt mótmælir þó kröftuglega.

Burt með hálfkák, hálfsannleik og ábyrgðarfælni.

(Lesist aðgerðarleysi, lygar og  eiginhagsmunagæsla).

„Ábyrgðin er ekki okkar“

Klúðrarar

Ég er eiginlega undrandi á því að það séu ekki meira en 8% sem vilja nýjan flokk.

Eins og þessir flokkar hafa klúðrað málum rækilega frá a-ö þá myndi ég engum þeirra treysta næstu árin.

Sjálfstæðisflokkurinn logar stafnanna á milli í eyðileggingareldi Davíðs Oddssonar.

Samfylkingin hefur ekki burði til að taka af skarið í einu eða neinu.

Vinstri græn frýjuðu sig fyrirfram allri ábyrgri afstöðu til stjórnarmyndunar eftir síðustu kosningar og hafa síðan nánast ekkert látið til sín taka nema að vera á móti öllu fyrirfram og eftirá.

Framsóknarflokkurinn er að liðast sundur innan frá með reglulegum fílu-bombum!

Frjálslyndir hafa ekki borið gæfu til að halda uppi aga innan sinna raða og láta framapotara og menn sem lítið erindi hafa í þágu almennings valta yfir sig sbr. Jón Magnússon.

Nei því segi ég það nýr þverpólitískur flokkur sem hneigist að jafnaðarmiðaðri frjálshyggju með ströngu eftirliti er það sem okkur vantar í dag.

Flokkur þar sem maður eins og Jón Baldvin Hannibalsson gæti nýtt krafta sína og gríðarlega reynslu ásamt auðvitað fjölda annarra einstaklinga sem nú spretta fram og vilja láta til sín taka.

Nú er lag. 

Vilja nýja stjórnmálaflokka

Fagnaðarefni

Þetta er fagnaðarefni fyrir þjóðina.  Það eru komnar hreinar líínur í ástandið í Seðlbankanum. 

Ég vil miklu frekar hafa Davíð Oddsson í pólitík heldur en sem Seðlabankastjóra.

Í pólitík hefur fólk val um að segja af eða á.

Davíð Oddsson er hvort eð er á kafi í pólitík, gat aldrei sleppt og því á hann að halda sig þar sem hann kann til verka.

Ég vona að Geir H. Haarde sé ekki svo hræddur við Davíð að það sé þess vegna sem hann þorir ekki að hrófla við stjórn Seðlabankans.

 

 

Davíð: „Þá mun ég snúa aftur"

Geir Jón var flottur!

Lögreglunni fer fram.

Geir Jón Þórisson var flottur í útvarpsviðtali þar sem hann var rólegur og afslappaður þótt hann talaði reyndar eins og véfrétt.  Vildi ekki gefa upplýsingar um fjölda eða viðbúnað lögreglunnar.

Hvenær lætur Davíð Oddsson segjast?  Það er alveg nóg að honum sé vantreyst svo hann segi af sér.

Hann þarf ekki að vera sekur um eitt eða neitt.

 Meðan staðan er svona er hann bara að þvælast fyrir.

Það tekur tíma að byggja upp traust sem hefur verið brotið.

Við höfum ekki tíma núna.

Davíð pleace!

Áni Matt pleace!

Björgvin pleace!

Jónas Franklín pleace!

Þeir sem eru trausti rúnir núna eiga að fara strax.

Enginn segir að það sé að eilífu.   

Annars sýnist mér að það verði bylting.  

Er það góður kostur í stöðunni?

Mótmælendur farnir út

Hverra er ábyrgðin?

Ef þetta er rétt þá er þetta enn ein "cover my ass" brellan sem hefur virkað.

Auðvitað á yfirmaður Fjármálaeftirlitsins að segja af sér við þó ekki sé nema grun um að hafa sofið á verðinum.

Fyrir hvað greiddum við honum laun? 

 

FME tilkynnt um eignarhlut Glitnis í Stími

Munnræpa í stað þagnarbindindis?

„Fólk er að skoða möguleikanan á tengingu við dollara eða einhliða upptökuevru sem myndi sennilega fá ýmsa innan Evrópusambandsins til að lyfta brúnum. Þriðji möguleikinn gæti verið gjaldeyrissamvinna. Þetta eru allt spurningar sem eftir á að svara.”

Þetta segir Geir H. Haarde við Reuters!  Ekki við okkur!

Stafsetningarvillan þar sem orðin upptökuevru er í einu orði er mbl.is, sömuleiðis möguleikanan.

 

Ekki það að ég sé svo góð í þessu en púkinn fann þetta strax.

 

 

 

 

Allt opið í gjaldeyrismálum