Norðurport

 

Það er furðulegt hve fjölmiðlar eru fastir í neikvæðni.  Ég er búin að senda ósk um umfjöllun á alla fjölmiðla vegna opnunar markaðarins Norðurport á Akureyri.  Enginn þeirra hefur svarað eða sýnt áhuga á málefninu.

Tildrög þess að markaðurinn, sem er hugsaður sem eins konar Kolaport norðursins, varð til eru þau að bankastarfsmanni var sagt upp hjá Landsbankanum á Akureyri eftir 27 ára starf fyrir bankann.

Í stað þess að leggja árar í bát ákvað þessi kona sem er systir mín og heitir Margrét Traustadóttir, að opna markaðinn.  Mikil ásókn er í sölubása og því augljóst að þörf á þessari starfsemi er mikil.

Sannarlega umhverfisvænt uppátæki þar sem endurnýting er meðal þess sem starfsemin gengur út á þó auðvitað sé þarna boðið upp á ýmislegt nýtt af nálinni eins og heimaunnið handverk og margt fleira. 

Akureyrarbær leigir Norðurporti húsnæðið sem er að Dalsbraut 1. á Akureyri ( rétt við Glerártorg).

Hér er slóðin á Norðurport... 

http://nordurport.is/

  

STJÖRNUSPÁ

Steingeit: Þó þú sért vanalega upp á þitt besta þegar það er nóg að gera hjá þér, þá geturðu verið afar góð/ur í að gera ekkert.

 

--

Þetta á afar vel við mig stundum en þessa dagana er ég í ágætu stuði að huga að vinum og ættingjum, njóta samverustunda og skreppa í verslunarleiðangra svo eitthvað sé nefnt.

 

Átti fínan dag í dag með tveim ömmustrákum en við vorum að selja flöskur og kaupa svo smá dót fyrir afraksturinn.

Í gær með hinum tveim ömmustrákunum en ég fékk að hafa þá hér og fara svo með þá heim til sín og koma þeim í háttin.

 

Yndislegt að spjalla við þá og heyra ýmsar pælingar hjá þeim. 

 

Brad Pitt - alveg draumur

"Mig dreymdi Brad Pitt.

Hann var að fara á fjörurnar við mig.

Ég vissi að þetta yrði "one night stand".  

Ég leit á klukkuna og sá að hún var 11.00 að morgni og sagði nei maðurinn minn kemur í mat eftir klukkutíma, það er enginn tími.

Hvernig fer ég að sagði Brad Pitt þjáður af löngun?

Ég sýndi honum fjallgöngustafina mína og ákvað svo að fara í göngutúr.  Ég gekk rösklega og studdi mig við stafina sem voru ekki alveg í nógu vel stilltir en virkuðu samt.  Ég gekk upp í móti og gekk af einu bjargi á annað.

Ég komst lengra en ég hafði áður komist og endaði uppi á stórum og mjög sterklegum steini. Gegnheilum kletti. 

Þetta er Brad Pitt að þakka, hugsaði ég, ég hefði aldrei náð svona langt nema fyrir hans hvatningu". 

Það var barn með mér í draumnum en ég kem ekki fyrir mig í bili hvaða barn það var.

Finnst þó það gæti hafa verið elsti sonur minn Trausti þegar hann var lítill.  

Klettur og Trausti er gott að dreyma og einnig það að fara ótrauður upp í móti.  Klettur er eitthvað stöðugt Trausti er eitt besta draumanafn sem hugsast getur og að komast upp í mót er að sigrast á erfiðleikum. Í þessu tilfelli með stuðningi (stafirnir)".

Hvað var Brad Pitt að þvælast þarna?? 

Ég sem hef aldrei skilið sex appeal Brad Pitts! 

 

Hva, erum við ekki með þá verstu?

Stundum sleppur sá smái þótt hann eigi það varla skilið.

Að vera ekki valdir verstu bankamennirnir vegna þess að við erum bara 300 þúsund er bara plat.

Þetta er eins og að sleppa litla bróður þegar hann gerir skammarstrik en hanka þann stóra fyrir sama skammarstrikið.

Þetta þýðir í raun að okkar menn eru óvitar! 

Verstu bankamennirnir valdir

Særi ég og æri á ný....

Særi ég og æri á ný

hó hó og hí hí

Eitt sinn var ég ung og frjals 

með hvítan barm og hvítan háls

og ungur maður á mig leit

og enginn veit og enginn veit.

Allar stjörnur stigu dans

sængin mín varð sængin hans. 

 

(Eftir minni úr kvæðinu Norn eftir Davíð Stefánsson) 

 

Mér datt í hug upphafið að þessu magnaða kvæði Davíðs Stefánssonar þegar ég sá þessa mögnuðu konu fremja  vargastefnu við Stjórnarráðið.

Ég man því miður ekki allt kvæðið en gaman væri ef einhver lumar á því og gæti rifjað það upp með mér. 

Vargastefna við Stjórnarráð

STJÖRNUSPÁ

Steingeit: Þú ert sannkallaður gleðigjafi. Ef þú vilt vera yfirgengilega örlátur, skaltu gerast róttækur: ákveddu að taka ekki eftir því hvort fólk er jafn vinsamlegt við þig og þú við það.

--

 

Kannski og vonandi á þetta við daginn. Ég var alla vega vinsamleg við alla.

 

Ég átti góðan dag með vinkonu minni í dag.  Maðurinn hennar fór í stóra aðgerð í morgun og við ákváðum að fara saman í leiðangur og útrétta ýmislegt til jólanna.

Svona til að gera huggulegt í kring um okkur um leið og við dreifðum erfiðum hugsunum.

Við byrjuðum í bankanum til að fjármagna ferðina.  Þaðan var haldið í Hagkaup og þar sem við vorum að koma úr bankanum þurftum við ekki að notfæra okkur lánafyrirgreiðslur verslunarinnar.  Ekki að þessu sinni.

Því næst héldum við í Blómaval þangað sem ég er reyndar nánast hætt að fara (hvað gerir maður ekki fyrir vini sína) og keypti ég þar smávegis greni og skraut til að gera aðventukransinn sem ég gleymdi að gera fyrir helgina.

Að því búnu sóttum við pakka sem vinkona mín fékk sendan að norðan.

Þar sem nú leið að því að hún fengi fréttir af manni sínum stakk ég upp á kaffi heima hjá henni.  Þegar við erum að ganga upp stigann hringdi síminn. Það var sonur vinkonu minnar með góðar fréttir af pabba sínum. Aðgerðin tókst vel en ástandið eftir erfiða aðgerð er auðvitað dálítið tvísýnt fyrstu dagana.

Þó var mikill léttir að fá þessar fréttir um leið og við komum heim. 

Að kaffisopa loknum héldum við í Rúmfatalagerinn þar sem við bættum lítillega í jólabúið en ég keypti aðventuljós þar sem mitt varð ónýtt í fyrra.  Ljósið kostaði 790 kr ef ég man rétt.  mér sýndist það nákvæmlega eins og ljósið í Hagkaupum nema þar kostaði það mun meira. 

Loks héldum við í Pennann þar sem ég keypti dagatöl fyrir frændfólk mitt í Ameríkunni.  

Hið sama frændfólk og hafði af því nokkrar áhyggjur að við værum svöng og sendi mér e-mail um daginn til að spyrjast fyrir um það.

Ég svaraði þeim um hæl og sagði. "We are not hungry but we are angry"! 

 

 

Mannamál, þokkahjúin Þorvaldur og Dísa

Þorvaldur Gylfason og Bryndís Schram voru viðmælendur Sigmundar Ernis í Mannamáli í gærkvöld.

Sitt í hvoru lagi.

Það minnir mig á að á Ströndunum var gjarnan haft á orði  "þokkahjúin Þorvaldur og Dísa"!

Ég ætla að rifja upp samhengið ... 

Meira seinna... 

Geir Jón var flottur!

Lögreglunni fer fram.

Geir Jón Þórisson var flottur í útvarpsviðtali þar sem hann var rólegur og afslappaður þótt hann talaði reyndar eins og véfrétt.  Vildi ekki gefa upplýsingar um fjölda eða viðbúnað lögreglunnar.

Hvenær lætur Davíð Oddsson segjast?  Það er alveg nóg að honum sé vantreyst svo hann segi af sér.

Hann þarf ekki að vera sekur um eitt eða neitt.

 Meðan staðan er svona er hann bara að þvælast fyrir.

Það tekur tíma að byggja upp traust sem hefur verið brotið.

Við höfum ekki tíma núna.

Davíð pleace!

Áni Matt pleace!

Björgvin pleace!

Jónas Franklín pleace!

Þeir sem eru trausti rúnir núna eiga að fara strax.

Enginn segir að það sé að eilífu.   

Annars sýnist mér að það verði bylting.  

Er það góður kostur í stöðunni?

Mótmælendur farnir út

Silfrið

Það var gott að horfa á Silfur Egils í dag og vera sammála þeim gagnrýnisröddum og mati á stöðunni sem þar komu fram.

Góður þáttur. 

http://dagskra.ruv.is/streaming/sjonvarpid/?file=4440908 

Hverra er ábyrgðin?

Ef þetta er rétt þá er þetta enn ein "cover my ass" brellan sem hefur virkað.

Auðvitað á yfirmaður Fjármálaeftirlitsins að segja af sér við þó ekki sé nema grun um að hafa sofið á verðinum.

Fyrir hvað greiddum við honum laun? 

 

FME tilkynnt um eignarhlut Glitnis í Stími