Skýin

Skýin voru

svo krúttleg í dag

að ég málaði þau.

-

(Magga systir sagði

Þegar hún kom

frá því að viðra Dalí

þetta er eins og

Luisa!)

-

Ég tróð skýjunum

milli fjallanna

og dreifði þeim

um himininn.

-

Prakkaraleg skýin

píndu mig

til sagna.

 

               Vilborg Traustadóttir

PS.  Bætti myndinni við á því stigi sem hún var þegar ljóðið var ort.  Þetta eru Súlur séðar með mínum augum og skýin sömuleiðis.  Af svölunum hjá Möggu systir....

Athugasemdir

[Magga systir (IP-tala skráð) 25.7.2007 kl. 16:58]

Já Vilborg, skýin þín höfðu svo sannarlega "karakter". Bíð eftir að sjá myndirnar, er rosalega montin af þér - gekk svo sannarlega vel hjá þér í olíulitunum....þetta er bara gaman og lofar góðu eins og Örn Ingi sagði...

Meira síðar, vona að allar myndirnar komist heilu og höldnu heim...bara takk fyrir ánægjulega daga sem liðu alltof fljótt.

Svo bíðum við bara spenntar eftir útkomu um Ketilás og svo bara áfram með SMJÖRIÐ !!

Magga systir

[Sveinbjörn Kristinn Þorkelsson, 25.7.2007 kl. 19:22]

Takk fyrir ljóðið, mér líkar sérstaklega við: ''Prakkaraleg skýin/pýndu mig/til sagna''

Þú ert ágæt í mótsögnum, eða andstæðum t.d. að troða skýjum og svo dreifa þeim.

takk.  sþ. 

[Brattur, 25.7.2007 kl. 20:44]

...þetta er æðislegt ljóð... fer á Sigló á morgun og kem við á Ketilási... læt vita hvernig það gengur... ætlar þú svo að sýna okkur myndir???

[Vilborg Traustadóttir, 25.7.2007 kl. 23:32]

Þakka ykkur fyrir.  Magga þetta VAR gaman.  Sveinbjörn takk og aftur takk.  Brattur bið að heilsa á Sigló.  Myndirnar eiga að vera komnar en er í böggi með að hafa þetta eins og ég vil.....svosem ekkert nýtt fyrir mér svona yfir höfuð..........