Bráðum kemur betri tíð

Með blóm í haga.  Nú styttist í vorið.  Veðrið í mars er búið að vera rysjótt.  Það er varla köttur á kreiki úti þegar vindgarrinn espast upp hér við blokkirnar.  Í dag virðis ætla að verða éljagangur.  Ég ætla ekki að kvarta, alin upp norður í landi þar sem það var "happa og glappa" að komast ferða sinna yfir höfuð.  Það verður samt gott að fá vorið og sumarið og fara vestur.  Liggja í leti, lesa, fara á sjó og ganga í fjörunni í Kjós.  Heimsækja vini og vandamenn og jafnvel rífast dálítið við Ása frænda.   Fara svo í berjamó með ömmu-ungana og njóta barnakvaksins.  Svo verður ættarmót hjá Sauðanesveldinu (eins og Maggi Þór frændi segir).  Sameiginlegt ættarmót m.a.s.  Er ekki lífið fullkomið?

Athugasemdir

[Hulda Margrét Traustadóttir, 21.3.2007 kl. 13:35]

Það besta við Ísland er að við eigum okkur VOR - miskalt að vísu en vísirinn að vorinu er alltaf "bara góður" .....og byrtan, þá er lífið fullkomið Vilborg. Svo er svo gott að fá norðan golu á kinn líka, ekki tilbreytingarleysi í því. Eftir að hafa upplifað heilt sumar í suðurlöndum þar sem veður var svo má segja alltaf eins, beið ég þess eins að fá létta norðan golu í fangið. Magga systir

[Hulda Margrét Traustadóttir, 21.3.2007 kl. 13:51]

...og ekki síður gaman að mæta á nesið í sumar..Magga

[Herdís Sigurjónsdóttir, 21.3.2007 kl. 15:51]

Já vinkona ég get ekki sagt að ég sakni þess að fara út ... ligg bara inni og læt mig dreyma um vorið ... fannst reyndar vera komið vorhljóð í fuglana um daginn og held kannski að þeir hafi orðið súrari en við... En þetta er Ísland í dag... ég vona að ég verið á Sigló þegar Sauðanesveldið hittist í sumar..