Næstu árin sársaukafull almenningi...

Hversu heimskir geta menn verið?

Davíð Oddsson sér ekki ástæðu til að funda með ríkisstjórn heldur hrigir (að eigin sögn) í forsætisráðherra og gefur honum jafn alvarlegar upplýsingar símleiðis!

Geir H. Haarde telur ekki ástæðu til að bregðast við samtalinu (ef það átti sér stað).

Maður gæti ýmindað sér að mennirnir hafi bara verið blindfullir í vinnunni!

Ástandið gæti ekki orðið verra.

Geir H. Haarde á að segja af sér.

Umsvifalaust.

Seðlabankinn varaður við í júní

The Savior

Jón Gerald Sullenberger er flottur og kemur sterkur inn.  Mér finnst gott mál ef hann stofnar hér lágvöruverslun sem samkeppnisaðila við Bónus.  

Þó Krónan sé ágæt væri ekki verra að fá annan valkost.

Hvað svo sem Jón Gerald tekur sér fyrir hendur veit ég að honum verður vel tekið. 

Við höfum þörf fyrir uppbyggingu og yfirlýsing hans um að hann ætli að taka þátt í og vera leiðandi í þeim efnum blæs hugrekki í marga.

Alla vega fann ég ættjarðarstoltið sem var að fara veg allrar veraldar lifna við þegar hann sagðist myndi koma með vasaljósið.......

 

Jón Gerald mótmælir í Landsbanka

Það skiptir litlu hvað var sagt

Það er enn meiri ástæða fyrir Davíð Oddsson að segja af sér hafi ekki verið hlustað á hann.

Hefði hann verið svona viss í sinni sök eins og hann heldur fram átti hann auðvitað að standa og falla með þessum upplýsingum sem honum tókst berlega ekki að koma til skila.

Nú eru uppi áhöld um hvað var sagt og hvað ekki.

Er ekki rannsókn í gangi? 

Við höfum enga þörf fyrir réttlætingar Davíðs Oddssonar núna, hann á bara að víkja.

Punktur. 

Ingibjörg: Aldrei talað um 0% líkur

Er til of mikils mælst að sýna auðmýkt og smá iðrun?

Ég skil ekki hve gersamlega þversum menn geta verið í því að sýna auðmýkt.

Það er enginn fullkominn og mönnum verður á.  

Það myndi strax laga ástandið ef  einhver segði af sér vegna þeirra gífurlegu glappaskota sem gerð hafa verið.

T.d. yfirmenn Fjármálaeftirlits og Seðlabanka. 

Er það ekki? 

Útifundur á Austurvelli

Héldum að tími hafta væri allur!

Og við sem héldum að tími gjaldeyrishaftanna væri liðinn og við sem héldum að við myndum ekki aftur upplifa hann.

Þetta er sagt tímabundið í tvö ár og er alveg réttlætanlegt þegar almannahagur á Íslandi er í húfi.

Þetta er þó ekki freistandi eða aðlaðandi fyrir einn eða neinn.

Kannski er það meiningin! 

Geta stöðvað gjaldeyrisflutninga

Jákvætt

Við verðum að vera jákvæð á eitthvað.  Ég vona að það sé hægt í þessu tilfelli.  Ég get ekki enn verið jákvæð á Fjármálaeftirlitið eða Seðlabankann né heldur einstaklinga í ríkisstjórn eða á þingi.  Reyndar er öll ríkisstjórnin búin að fá falleinkun hjá mér þó svo að ég sjái ekki hvað ætti að koma í staðin nema þá utanþingsstjórn.

Þarna er Björgólfur yngri á ferðinni og þegar það er haft í huga að hann fjárfestiu aðallega erlendis tel ég að það megi hrósa honum fyrir að stíga nú þetta skref.

Hvað sem verður þá er þetta viðleitni sem vekur von meðal þeirra fyrirtækja sem sjóðurinn beinir kröftum sínum að.

Það ber að virða. 

 

Straumur stofnar fjárfestingarsjóð

Gróf misnotkun á almannafé

Auðvitað vitum við þetta.  Þeir fóru í lífeyrissparnaðinn líka.  Líufeyrissjóði bankanna.

Ég skil ekki hvernig menn sem bera höfuðábyrgð á málinu telja sér sætt?

Nýskipuð nefnd um rannsókn á hruni bankanna þarf að taka hressilega til hendinni og ekkert múður!

 

Notuðu peningamarkaðssjóði

Frumvarpi um rannsóknina dreift

Bankaleyndin er felld burt þegar kemur að þessari rannsókn og er það vel.

Það væri gersamlega ólíðandi að menn gætu skákað í skjóli bankaleyndar í þessu máli eins og búið er að hafa þjóðina að fífli.

Takk fyrir góðan fund í Háskólabíó.

Hlutirnir eru að gerast á stjarnfræðilegum hraða eftir fundinn! 

Nú er bara að lesa sig í gegn um frumvarpið, svona á að vinna.  

Upplýsingar takk! 

Rannsóknarfrumvarpi dreift

Jón Ásgeir verst máttleysislega, sínu máli tölurnar tala

Jón Ásgeir Jóhannesson varðist mjög máttleysislega í sjónvarpinu nýlega þegar hann sór af sér að hafa stofnað hlutafélag sem í dag kallast Stím en var FS37!

Nú er það svo að hægt er að kaupa hlutafélög af KPMG fyrir hundrað þúsund kall sem þegar hafa verið stofnuð og því laug hann ekki í þeim efnum.

Það hafa þeir gert og fengið menn til að gera.

Trillukarl á vestfjörðum var gerður út til verksins.  Fékk lán hjá Glitni upp á 20 milljarða 

Hlutafélagið sem þá hét FS37 keypti síðan það litla magn af bréfum í FL Group sem var í umferð og að auki hlut í Glitni í þeim sama tilgangi sem var að halda uppi gengi á fallandi bréfum í Glitni.

Tölurnar segja sitt en í 7. sæti meðal stærstu hluthafar í FL Group 15.11. 2007  var Glitnir banki með 3,6% en skyndilega þann 22.11.2007 var í stað Glitnis banka komið FS37 ehf með 4,1% í 7. sætinu.

Lánið fékk trillukarlinn Jakob Valgeir Flosason  án þess að leggja nokkur veð á móti. 

Hvað veldur?

Svo er enginn ábyrgur en menn vaða áfram í peningunum okkar!

Trillukarlinn veiðir bara áfram eins og ekkert sé.  Gengur laus!

Nánar um þetta í sunnudagsblaði mbl. 

Glitnir semur nýjar lánareglur

Sætt er sameiginlegt skipbrot....eða er það?

Nei sennilega er það ekkert sætt þó Bresku bankarnir fari til fjandans eins og þeir Íslensku.

Maður skilur bara betur viðbrögð Browns sem maður vissi reyndar starx að voru til þess m.a. að reyna að kaupa sér tíma og dreifa athygli Breta frá þessu messi hjá honum.

Bretar geta þá hugsanlega hætt að dizza Íslendinga sem eru í Bretlandi. 

Ég mun ekki hlæja að Bretum ef þeir lenda í sömu sporum og við.

Það eru ekki góð spor!

Við munum þó leggjast á árar og vinna okkur áfram, við erum dugleg.

Vandinn verður að sætta þjóðina og ég er hrædd um að það gerist ekki með öðru en afsögnum manna sem BERA ÁBYRGÐ á ástandinu.

Krafa okkar er ekki stór.

Axlið þá ábyrgð sem ykkur var treyst fyrir og sem þið fenguð borgað fyrir!

Farið svo það verði vinnufriður.

Taki þau til sín sem eiga! 

Bretland sömu leið og Ísland?