Er það furða? Burt með spillingarliðið.

Það eina furðulega við þessa ályktun er hve seint hún kemur.

Við viljum sjá réttlæti og það er ljóst að óhlutdræg rannsókn á þessu máli verður að fara fram.  

Ég er sammála Boga Nilssyni fyrrverandi ríkissaksóknara í því.

Ég skil ekki hvað stjórn Seðlabankans og forsætisráðherra eru að draga það að gera óumflýjanlegar breytingar á stjórn bankans!

Takið nú Boga Nilsson ykkur til fyrirmyndar.  Hann gerði sér grein fyrir vantrausti og brást við með viðeigandi hætti.

Þið kallið bara út meira lögreglulið og sigið dómsmálaráðherra eins og hundi á saklaust fólk.

Hvern á að verja?  Okkur? 

Hvað er í gangi???? 

Það er eins gott að stéttarfélögin í landinu vakni nú af værum blundi og láti í sér heyra "a la Guðmundur Jaki"!  

 

ASÍ lýsir furðu og hneykslan

Þetta vildi ég sagt hafa!

 

„FJÖLMENNT LIÐ TIL AÐ BERJA FÁVITA TIL HLÝÐNI.“

Miðvikudagur 5. nóvember 2008 kl 10:49

Höfundur: Ritstjórn DV ([e-mail])

„Brýnt er að hafa fjölmennt lið til að berja fávita til hlýðni. Kannski vakna kvarnir þeirra til lífsins við höggin. Nákvæmlega það, sem ríkið þarf til að spara fé í kreppunni,“ segir Jónas Kristjánsson ritstjóri og bloggari. Á eyjunni í dag kemur fram að samkvæmt nýrri reglugerð er lögreglustjórum nú heimilt að ráða samtals hátt í 250 héraðslögreglumenn til starfa í lögregluumdæmum landsins.

„Björn Bjarnason stríðsráðherra er eini framsýni maðurinn í ríkisstjórninni. Hann sá urginn í samfélaginu. Með einu pennastriki í reglugerð útvegaði hann 250 manna varalið. Til að halda pakkinu í skefjum, þegar atvinnuleysi hefst fyrir alvöru um áramótin. Þá verður gott að hafa eins margar löggur og þeir eru, sem nú mæta á andófsfundi. Brýnt er að hafa fjölmennt lið til að berja fávita til hlýðni. Kanski vakna kvarnir þeirra til lífsins við höggin. Nákvæmlega það, sem ríkið þarf til að spara fé í kreppunni. Kylfur í stað kjaftavaðals. Heil aksjónmaður, Björn Bjarnason stríðsráðherra,“ segir Jónas um breytingarnar.

Samkvæmt nýgerðri breytingu á reglugerð um héraðslögreglumenn er lögreglustjóranum á höfuðborgarsvæðinu heimilt að ráða allt að 80 héraðslögreglumenn að fengnu samþykki ríkislögreglustjóra. Fyrir breytingu mátti lögreglustjórinn á höfuðborgarsvæðinu, líkt og aðrir lögreglustjórar í öðrum embættum landsins, aðeins ráða átta manns. Reglugerðin heimilar lögreglustjóranum á Suðurnesjum að ráða allt að 40 menn og lögreglustjórunum á Akureyri, Akranesi og Selfossi að ráða allt að 16 manns.

Af DV.is 

--

Ég tók einmitt eftir frétt um þetta í Mogganum í dag.  Nú á að fara að "þétta raðirnar" fyrir hugsanlega uppreisn!

Eða?   

Okkur kemur þetta við það á ekki að leyna okkur því ef Ríkisstjórnin er ekki samstíga í mikilvægum málum.

 DAUÐALEIT AÐ RÁÐHERRA

Þriðjudagur 4. nóvember 2008 kl 11:19

Höfundur: [e-mail]

 

Dauðaleit stendur nú yfir að þeim ráðherra sem lak því í Fréttablaðið að bókuð hafi verið á ríkisstjórnarfundi andstaða við Davíð Oddsson seðlabankastjóra. Víst þykir að einhver af ráðherrum Samfylkingar standi að lekanum.

Rifjast þá upp að Fréttablaðið skúbbaði því einnig að Davíð lagði til þjóðstjórn á ríkisstjórnarfundi á sínum tíma. Talið var að á þeim tíma hafi seðlabankastjórinn verið á því að hann yrði kallaður inn á völlinn til að stjórna. En það er í dag útilokað vegna almennrar andstöðu þjóðarinnar við gamla leiðtogann.

Stóri bróðir....

Ber er hver að baki nema sér bróður eigi.  Norðmenn ætla að lána okkur fjóra norska milljarða.

Norðmenn taka einnig að sér að miðla málum við breta......ef vill. 

Ekki ónýtt það.  Við höfum alveg nóg að gera þó við séum ekki að rífast við breta líka.  Látum bara norðmenn um það. 

Norðmenn lána Íslendingum

Upp úr skuldasúpu-þetta er ekki hlustað á af stjórnmálamönnum! WHY?

Aftur til 1262?

Norðmenn vilja ólmir fá okkur íslendinga í myntbandalag með sér.  Þetta mun styrkja þá í að standa utan við Evrópusambandið.

Vinstri Grænir með Steingrím J. Sigfússon í broddi fylkingar hefur reifað þessa hugmynd.

Vissulega yrðum við að eftirláta hluta af fullveldinu til Norðmanna sagði hann ennfremur í Silfri Egils.

Ég spyr fengum við ekki nóg 1262 að fara undir Noregskonung?

Ekki það að ég hafi á móti Norðmönnum en ég tel að Evrópusambandið væri betri kostur. 

Almenningi sagt að gera slátur og spara þvottefni meðan...

......pólitíkusar raða sér og sínum á garðann.

Hversu langt eigum við að ganga í vitleysunni?  Smjörklípuaðferðinni er miskunnarlaust beitt á okkur og við bara látum það yfir okkur ganga.

Í Silfri Egils komu þeir viðkunnanlegu hagfræðingar Gylfi Zoega og Jón Daníelsson fram með "to do list" fyrir stjórnvöld.  Mjög skynsamlegar tillögur en stjórnmálamenn eru bara of uppteknir við að  bjarga því sem bjargað verður, til handa sér og sínum.  

Gylfi og Jón eru með skynsamlegar tillögur til að leysa brýnasta vanda einstaklinga og fyrirtækja á þeim erfiðu tímum sem í hönd fara.  Þær felast m.a. í því að bankarnir eignist hlut í fyrirtækjum sem eiga í vandræðum (skuldirnar) og menn geti síðar eignast aftur hlut sinn þegar fyrirtækin hafa rétt úr kútnum. Sama má segja um eignir einstaklinga.  Í stað þess að kikna undir skuldabyrði myndi þannig skapast svigrúm til uppbyggingar.  Þetta mætti gera gegn um lífeyrissjóðina eða íbúðalánasjóð.

Ógeðslegur kafli í íslensku þjóðlífi (þetta snertir alla) er þegar hafinn.  Fyrirtæki og einstaklingar erum nú að berjast fyrir tilveru sinni.  Það er nú í höndum pólitískt skipaðra bankastjóra að segja til um hverjir hafa það af.

Við viljum ekki hafa þess konar vinnubrögð eða eigum við að segja klækjabrögð, þetta á að vera löngu liðin tíð. 

Allir tapa ef fyrirtæki og einstaklingar fara í þrot.   

Hlustið á hagfræðingana! 

 

Dómínó

Það mun tíðindum sæta ef Breski forsætisráðherrann og fyrrverandi fjármálaráðherra Gordon Brown neyðist til að segja af sér vegna Íslensku bankakreppunnar.

Enn frekar verða þau tíðindiu merkileg vegna þess að Íslenski forsætisráðherrann og fyrrverandi fjármálaráðherrann (og utanríkisráðherra) Geir H. Haarde mun sitja sem fastast. 

Aðvörunin verði rannsökuð

Því miður er þetta satt

Það er erfitt að stíga þetta skref og segja það sem segja þarf.  Ingibjörg Sólrún á þakkir skildar fyrir það.

Það verður bara að hafa það þó stjórnin falli.  Það er þá ekki í fyrsta skipti sem brýtur á persónu Davíðs Oddssonar.

Sem borgarstjóri varð Davíð Oddsson mjög valdamikill en þegar hann yfirgaf þann vettvang skildi hann flokkinn sinn Sjálfstæðisflokkinn eftir í mikilli leiðtogakrísu. Sú krísa kostaði flokkinn borgina í mörg ár.

Krísu sem flokkurinn  á reyndar ennþá í á þeim slóðum.

Á landsvísu bundu margir vonir við að Geir H. Haarde yrði sterkur leiðtogi eftir að Davíð "plantaði sér" í Seðlabankann.  Sú er ekki raunin þökk sé enn og aftur umræddum Davíð Oddssyni sem hreinlega getur ekki sleppt stjórnartaumunum.

Þegar Seðlabankastjóri er farin að gefa út harðorðar pólitískar yfirlýsingar varðandi viðkvæm milliríkjamál á tímum þar sem ekki þarf nema einn lítinn neista til að sprengja dúndrið, þá er mál að linni.

-- 

Mér sýnist að Þorgerður Katrín Gunnarsdóttir sé að koma sterk inn í formannsembættið hjá Sjálfstæðisflokknum.  

Hún þorir alla vega að skipta um skoðun! 

Ingibjörg segir Davíð skaða orðsporið

Gagnrýni, að rýna til gagns

Stundum viljum við líta á gagnrýni sem niðurrif eða í besta falli nöldur.  Ég lít á gagnrýni sem nauðsynlegan þátt í því að vera til, að vinna og umfram allt að þau okkar sem eru í opinberum störfum ættu að taka henni fagnandi.

Stundum verður þessi gagnrýni, eðli málsins samkvæmt bæði óvægin og harkaleg.  Ég hef sjálf valið að vera mjög beinskeytt í minni gagnrýni á atburði liðinna vikna.  Á þá menn sem hafa leitt þá atburði.  Mér finnst full ástæða til þess.

Ég dreg ekki dul á skoðanir mínar og því fer víðs fjarri að það sé mér eitthvað ánægjuefni að láta þær í ljós með þessum hætti.  Ég hef treyst og traust mitt hefur verið brotið.  Ég hef verið svikin.

Illilega.

Ég á erfitt með að skilja menn sem taka gagnrýni sem árás eða líta á mótmæli sem nornabrennu.  Fólki er hreinlega nóg boðið!

Mér er meira en nóg boðið.  

Það að svara fólki út úr og með hroka er hreinlega þess eðlis að það kallar á harða gagnrýni.

Ef menn þola hana svo ekki eiga þeir að snúa sér að einhverju öðru.  

Þótt fyrr hefði verið!