Flokksskýrteinin-Burt með spillingarliðið

Þarf maður nú flokksskírteinin til að fá lán í bönkunum?

Þó að þetta sé eflaust allt saman prýðisfólk þá verður að breyta því formi að vera eingöngu með ríkisrekna banka sem allra fyrst.

Ljóti kaflinn í ferlinu verður að hætta nú þegar og það gengur ekki að láta menn eins og Jón Ásgeir valsa milli bankastofnana og notfæra sér aðstöðu sína.  Hann er búinn að mergsjúga Glitni þá er það Landsbankinn næst!

Eins og fram hefur komið var það Tryggvi Jónsson fyrrum samstarfsmaður Jóns Ásgeirs í Baugi sem "fattaði upp á  barbabrellunni" að Landbankinn "fiffaði" málið varðandi einkareknu fjölmiðlana þegar hann skapaði Rauðsól til að ná þeim undir Jón Ásgeir. 

Tryggvi Jónsson á að víkja nú þegar úr Landsbankanum - þetta eru gróf misnotkun á aðstæðum!

 

 

Ný bankaráð skipuð

Gott mál

Þá er búið að upplýsa Geir um málið.

Fyrir þetta ber að þakka og ég hugsa hlýtt til Pólverja nú sem endranær.  Pólverjar eru einstaklega gott og kurteist fólk heim að sækja.  Þjónustulipurt og viljugt að greiða götu þeirra sem heimsækja landið.

Pólverjar hafa átt erfitt og þurft að selja mikið af sínum auðlindum og fyrirtækjum til að bjarga sér.  Þeir skilja hvernig það er að lifa við kröpp kjör.  Þannig eiga Bretar mollin í Póllandi, Þjóðverjar ferðamannaiðnaðinn, hótelin o.s.frv, Hollendingar landbúnaðinn svo eittvað sé nefnt.

M.a. þess vegna hafa Pólverjar af mikilli elju unnið í öðrum löndum og eru þeir vel kynntir hér á Íslandi fyrir dugnað sinn. 

Talsvert er um að Úkraínumenn og menn frá nágrannalöndunum vinni í Póllandi.  Það eru einnig menn sem þekkja harðræði. 

Pólverja er gott heim að sækja eins og ég sagði hér áðan og þó sumir þeirra tali litla ensku er alltaf hægt að bjarga sér með þýsku eða bara með bendingum.

Það þurfti hins vegar bendingar núna á okkur Íslendinga til að skilja þetta vinarbragð Pólverja. 

Geir staðfestir pólska aðstoð

Húrra nú ætti að vera ball!

Mikið er ég ánægð með efnahags og skattanefnd að kalla til og hlusta á þessa spekinga.

Þetta eru róttækar hugmyndir sem svo sannarlega er þörf fyrir á þessum síðustu og verstu tímum. 

Til að komast aftur á koppinn þurfum við á þeirri þekkingu að halda sem við eigum í okkar vel menntaða og virta fólki.

Þær hugmyndir sem þeir Gylfi Zoega og Jón Daníelsson hagfræðiprófessorar leggja fram eru grunnurinn að samstöðu meðal þjóðarinnar.  

Á meðan fyrirtækin og heimilin halda velli er ennþá von.

Ríkið það er ég. 

 

Allar hliðar séu skoðaðar

Pólverjar lána?

Geir H. Haarde kannast ekkert við málið en Magdalena Kobos talsmaður pólska fjármálaráðuneytisins staðfesti þetta við Bloomberg?

Ég vona að við höfum hjálpað þeim Pólverjum sem hér hafa unnið undanfarin ár við að ganga frá sínum málum, greitt þeim laun sín o.s.frv.

Það er líka nauðsynlegt að hugsa um nýbúana okkar þannig að þeir skilji hvað er um að vera.  Mörgum þeirra hefur vafalaust liðið illa í þessum hremmingum, geta ekki sent peninga til heimalandsins,  fá ekki upplýsingar, o.s.frv.

Þetta áststand er nógu slæmt með þær takmörkuðu upplýsingar sem við sem þó skiljum málið alveg  fáum þó ekki bætist ofan á að geta ekki fullkomlega fylgst með.

Jafnvel þó stjórnvöld virðist hafa það að markmiði að láta okkur í té sem allra minnstar upplýsingar og á stundum mjög misvísandi. 

Kannast ekki við pólskt lán

Batnandi mönnum er best að lifa

Nú verðum við að gera að því skóna að ekki allir séu alslæmir.

Það er þó furðulegt að þessi frétt hafi ekki komið fram samhliða eða áður en  það fréttist af ákvörðun stjórnarinnar um niðurfellingu ábyrgða á lánum til "lykilstarfsmanna" bankans.

Það er ekki traustvekjandi fyrir starfsmenn bankanna að sitja með þessa ákvörðun fyrrverandi stjórnar á herðunum og um hvað á að semja?

Á þá ekki að "semja" við alla hina hluthafana um greiðslur?  Varla vill Nýr Kaupþing frekar gera þá gjaldþrota? 

Ríkið það er ég. 

 

Vildu fella ákvörðun stjórnar niður

Drífa í þessu maður....

Þetta hefur tekið allt of langa tíma og einmitt þess vegna er urgur í fólki.

Ja öllu heldur fólk er reitt!

Ef rannsókninni verður hraðað er minni hætta á það þurfi að grípa til vígahers gegn eigin borgurum.

Nóg er nú samt þó  þið sitjið ekki í veginum fyrir réttlæti.

Hvað er að óttast í sambandi við þessa rannsókn?

Hún þarf að fara fram og þarf að vera óhlutdræg og fagmannleg.

Hröð og fumlaus! 

 

Valtýr rannsakar ekki starfsemi bankanna

Björn-harður-Bond

VÍGBÝR LÖGREGLU FYRIR ÓEIRÐIR

Fimmtudagur 6. nóvember 2008 kl 08:00

Höfundur: Ritstjórn DV ([e-mail])

Nánar um málið í DV í dag.

Björn Bjarnason dómsmálaráðherra undirbýr nú sérsveit Ríkislögreglustjóra og lögregluembætti landsins undir óeirðir. Björn hefur þegar breytt reglugerð sem heimilar ráðningu á allt að 250 lögreglumönnum. Þá er búið að breyta sex bifreiðum sem nota á í óeirðastjórnun og eru sumar þeirra hlaðnar aukabúnaði upp á margar milljónir króna. Til viðbótar er verið að breyta strætisvagni sem á að nota við fjöldamótmæli eða óeirðir en hann mun gegna hlutverki fjarskiptamiðstöðvar. Mikil leynd hvílir yfir breytingunum en einn þeirra sem vann við breytingarnar segir þær trúnaðarmál.

Reiði almennings gagnvart ríkistjórninni og bankamönnum er slík að nú þykir mikilvægt að undirbúa lögreglu fyrir óeirðir og fjöldamótmæli. Hingað til hefur ekki verið talin ástæða til að vígbúast en nú er öldin önnur. Samkvæmt áreiðanlegum heimildum DV vinna menn nú dag og nótt við að breyta bifreiðum sem nota á við óeirðastjórnun en þeirri vinnu hefur nú verið flýtt til muna vegna ástandsins á Íslandi.

Eitt af þeim fyrirtækjum sem vinna við að breyta þessum bifreiðum fyrir Ríkislögreglustjóra er RadíóRaf en þar unnu menn langt fram á nótt og voru á fullri ferð þegar ljósmyndara DV bar að garði rétt fyrir miðnætti í gær. Starfsmenn vildu þó lítið segja. Þeir könnuðust við að hafa breytt bifreiðum fyrir lögregluna en þar við sat.

--

Af DV.is 

Geir-harður

Svo má brína deigt járn að bíti.  

Geir er bara farinn að taka upp í sig!

Dálítill "Davíðsblær" á þessu viðtali.

Á hvaða leið erum við nú?

Þetta er að verða ansi skrautleg rússíbanareið. 

Við hættum frekar við lánið

Skotar láta í sér heyra

Skoskur maður  á vegum Alþjóðagjaldeyrissjóðsins sem var hér á landi svaraði þegar hann var spurðir hvort hann væri breskur? "Nei ég er skoskur"!

Skýrt og skorinort.

Þetta klúður breta á eftir að hitta þá í hnakkann.  Verst að kúlan fer í gegn um hausinn á okkur áður! 

 

Forsætisráðherra Skotlands gagnrýnir Breta vegna Icesave

Ný bankaráð - Burt með spillingarliðið

Nú verður valið í ný bankará ríkisbankanna fyrir vikulok.  Það er snúið verkefni og erfitt á þessum tímum tortryggni og upplausnar.

Það fólk sem velst í bankaráðin er svo sem ekkert öfundsvert.

Miklar hræringar eru framunda, svo virðist sem ekki sé á hreinu að við fáum stuðning Alþjóðagjaldeyrissjóðsins og því afar erfitt að segja til um framtíð okkar næstu vikur, mánuði og ár.  

Það getur allt eins farið að bankarnir verði galtómir áfram.

Sameining liggur því í loftinu trúlega hjá Landsbanka og Glitni og ég myndi segja að einkavæða ætti einn eða annan bankann eftir sameiningu tveggja, sem fyrst á þann hátt að ríkið ætti á móti þeim fjárfestum sem þar væru á ferðinni.

Jafnvel að fá erlenda fjárfesta með í það dæmi til að styrkja stöðu okkar á þeim vettvangi.

Ríkið það er ég! 

 

 

 

Ný bankaráð fyrir vikulok