Hvíld....ef þú hefur ekki tíma fyrir heilsuna í dag þá hefur þú ekki heilsu fyrir tímann á morgun.

Mér var ráðlagt af læknum að taka mér hvíld næstu dagana.  Ég ætla a gera gott betur og taka mér þriggja mánaða hvíld frá stússi sem stressar.

Ég ætla að forgangsraða algerlega á mínum forsendum og gera einungis það sem er gefandi fyrir mig.

Ég hef rætt málin við þá sem næst mér standa og þá sem ég er í samstarfi við og þetta er niðurstaða mín.

Þess vegna mun ég setja öll verkefni á "hold" í þrjá mánuði en vinna þau sem eru brýnust og landa því sem ég hef tekið að mér eins vel og samviskusamlega og ég get.

Þetta lyf sem ég er a byrja að fá gegn MS virðist ætla að hafa þær aukaverkanir að ég má til að fara inn á við og hugsa um heilsuna nr eitt, tvö og þrjú eins og maður reyndar á alltaf að gera.

Á vegg hjá góðum lækni norður á Siglufirði hékk veggspjald sem á stóð.  

"Ef þú hefur ekki tíma fyrir heilsuna í dag þá hefur þú ekki heilsu fyrir tímann á morgun".  

 

Athugasemdir

[Hulda Margrét Traustadóttir, 2.4.2009 kl. 16:12]

Flott hjá þér, svo stjana ég við þig í Polska !

[Vilborg Traustadóttir, 2.4.2009 kl. 20:27]

Já ég hlakka ekkert smá til enda verða þá komið á þriðja mánuð á lyfinu og vonandi eitthvað farið að rjátlast af mér ringlið!

[Sigurveig Eysteins, 3.4.2009 kl. 05:02]

Gott hjá þér.... gæti ekki verið gott fyrir þig að fara í Bláa Lónið og fara í gott nudd þar, ég hef að vísu ekki prófað það en veit að þeir sem hafa farið einu sinni fara aftur og aftur, gangi þér vel 

[Sóldís Fjóla Karlsdóttir, 3.4.2009 kl. 08:04]

Gott hjá þér, ég vona að allt gangi þér í haginn.