Norðurport

 

Það er furðulegt hve fjölmiðlar eru fastir í neikvæðni.  Ég er búin að senda ósk um umfjöllun á alla fjölmiðla vegna opnunar markaðarins Norðurport á Akureyri.  Enginn þeirra hefur svarað eða sýnt áhuga á málefninu.

Tildrög þess að markaðurinn, sem er hugsaður sem eins konar Kolaport norðursins, varð til eru þau að bankastarfsmanni var sagt upp hjá Landsbankanum á Akureyri eftir 27 ára starf fyrir bankann.

Í stað þess að leggja árar í bát ákvað þessi kona sem er systir mín og heitir Margrét Traustadóttir, að opna markaðinn.  Mikil ásókn er í sölubása og því augljóst að þörf á þessari starfsemi er mikil.

Sannarlega umhverfisvænt uppátæki þar sem endurnýting er meðal þess sem starfsemin gengur út á þó auðvitað sé þarna boðið upp á ýmislegt nýtt af nálinni eins og heimaunnið handverk og margt fleira. 

Akureyrarbær leigir Norðurporti húsnæðið sem er að Dalsbraut 1. á Akureyri ( rétt við Glerártorg).

Hér er slóðin á Norðurport... 

http://nordurport.is/

  

Athugasemdir

[Hulda Margrét Traustadóttir, 4.12.2008 kl. 13:12]

Takk !

[Drífa Þöll (IP-tala skráð) 4.12.2008 kl. 15:55]

Alveg magnað! Fólkinu í landinu veitir ekki af svona fréttum á þessum síðustu og verstu. Það er alveg óþolandi hvað fjölmiðlar velta sér upp úr hrakfarasögum! Ég vona samt innilega að þetta rati inn á einhverja miðla.