Þvottur, tiltekt, ömmustrákar í heimsókn og á sama tíma að ári

Höfum átt skemmtilegan dag í dag.  Fengum tvo ömmustráka í heimsókn. Nutum lífsins á leikvellinum, þvoðum þvotta í þvottahúsinu sem er á 12. hæð og tókum til í íbúðinni sem þurfti sannarlega þar sem síðasta helgi fór í djamm norður í landi.  Nánar tiltekið á Ketilási í Fljótum þar sem við systur og Gugga frænka héldum ball.  Stormar spiluðu og þetta var come-back fyrir hippakynslóðina.  Aldurstakmark 45 ár. Ekkert lambakjöt takk heldur vel kryddað, bragðmikið og safaríkt eða þá "í fylgd með fullorðnum". 

Hér má sjá okkur hjónin komin i handbremsu hippanna!

Frábært hve vel tókst til í heildina og hve stemningin var sérstök.  Nánast áþreifanleg ÁST OG HAMINGJA.  

Á sama tíma að ári sagði fólkið og erum við búnar að bóka húsið aftur. 

Hvað um það dagurinn í dag er það sem skiptir máli og hann var hamingjuríkur og við enduðum á að horfa saman á Ice-age áður en afinn fór með drengina að taka á móti mömmu á flugvellinum.

Flugvellinum sem er sem betur fer í Vatnsmýrinni og því ekki óyfirstíganlega langt að fara. 

 

 

 

 

 

Athugasemdir

[Ásdís Sigurðardóttir, 2.8.2008 kl. 22:14]

Yndisleg mynd af ykkur hjónum og frábært framtak að halda þetta stuðball í Ketilási.  Þetta er semsagt komið til að vera.  Kær kveðja

[G Antonia, 2.8.2008 kl. 22:18]

myndarleg hippa hjón á myndinni að ofan ...
kvitt og knús til þín Vilborg *

[Ásdís Sigurðardóttir, 2.8.2008 kl. 22:21]

Ibba, hvað kosta myndir eins og Ný dögun,  Náttey og Haust??

[Hulda Margrét Traustadóttir, 3.8.2008 kl. 11:33]

Já þetta var gaman. Gott að blanda þessu svona ball eina helgina og svo að passa ömmukrúttin þá næstu. Knús til ykkar. Magga systir

[Vilborg Traustadóttir, 3.8.2008 kl. 11:45]

Ásdís. Haust er olíuálverk nokkuð stórt ( 1.20x 1.00 a.m.k. mæli það þegr ég næ í það en það er á Djúpuvík ennþá eftir sýninguna) það kostar 110 þúsund , ný dögun og Náttey eru vatnslitir og kosta mun minna kannski kring um 8-10 þúsund kallinn.

Ég var að prufa mig áfram með vatnslitina og hef því ekki sett verð á þær myndir. Góð hugmynd að setja upp albúm með myndunum og verð.

Skelli mér í það þegar fer að hausta. :-)

[Herdís Sigurjónsdóttir, 3.8.2008 kl. 12:50]

Já Ketilásinn hu hu hu... kem bara þarnæst eða verð ég þá kannski enn of ung ...  þið eruð æði, með eða án hippabanda

[Ásdís Sigurðardóttir, 3.8.2008 kl. 13:03]

Vilborg, ef þú verður með sýningu í Rek. eða nærsveitum þá læturðu vita, mig langar að sjá myndirnar þinar.  Kær kveðja

[Ketilás, 3.8.2008 kl. 16:39]

Herdís, glugginn var opinn! Og þú komst ekki! Skamm ;-), Ásdís. Sennilega verð eg með sýningu í september í Salthúsinu í Grindavík! Bara fara Krýuvíkurleiðina ;-). Læt vita nánar.

[Ásdís Sigurðardóttir, 3.8.2008 kl. 16:44]

Ég ætti að vera orðin ferðafær í september og kíki þá en ekki vel ég Krýsuvík, hrikalegur verkur, mundi eyðileggja bakið mitt á ný. 

[Herdís Sigurjónsdóttir, 3.8.2008 kl. 23:54]

Ég mæti Vilborg... og þá meina ég MÆTI !

Ásdís mín þér til upplýsingar þá er það stóra systir mín sem á Salthúsið...heilsaðu upp á hana þegar þú ferð á sýninguna.... kannski hittumst við

[Ketilás, 4.8.2008 kl. 01:06]

Ketilásinn er enn í sárum eftir að þú skreiðst EKKI inn um gluggann Herdís! Svo það er eins gott fyrir Salthúsið að þú mætir, já MÆTIR.... ;-) Ippa