Veggjakrot og veðurfar

Logn og blíða, sumarsól.  Eftir "páskahretið" kemur logn og blíða.  Það verður ekki amalegt fyrir fólk í fríi að spóka sig í sólinni, hvort sem er á skíðasvæðum eða öðrum útivistarsvæðum.  Ganga um í hverfinu sínu eða arka niður Laugaveginn okkar hér í Reykjavík.  

Laugaveginn sem er orðinn ansi skrautlegur.  Veggjakrot skipar þar höfuðsess þessa dagana og blasir við hvert sem litið er í miðbænum.

Maður fer að velta fyrir sér hvers vegna þetta krot?  Er þetta spennufíkn, sköpunargleði eða skemmdarfísn?

Ég ætla að reyna að kveða upp úr með það hér enda spekúlerar maður ýmislegt á ferðum sínum um borgina. Sumir vilja finna og afmarka staði fyrir veggjakrotara og kannski er það góð hugmynd?  

Hætt er þó við að þó að veggir eða staðir þar sem mætti krota á, yrðu skilgreindir nákvæmlega yrði alltaf eitthvað um svona krot.  Það er í raun furðulegt að það skuli viðgangast að skemma eignir annarra á þennan hátt.

Beitum útilokunaraðferðinni! 

Það yrði sennilega uppi fótur og fit ef ég mætti í páskaboð, hefði með mér spraybrúsa og tæki til við að "skreyta" heimili viðkomandi utan sem innan?

Sem sagt þetta er ekki  sköpunargleði.

skemmdarfísn?  Nei varla svona afgerandi og mikil.  Miklu frekar einhvers konar athyglissýki eða  að láta fólk vita af sér?

Allir eru einhverjir spennufíklar í sér svo hugsanlega er ekki unnt að útiloka þann möguleika.  

Annars er alltaf fróðlegt að velta fyrir sér atferli og hegðun.  Það getur bara verið svo fjári dýrt að taka afleiðingunum!

Nú er algerlega eftir að velta fyrir sér hvort samband er milli veggjakrots og veðurfars?

Ég læt lesundum eftir að gera það og skelli mér út í sólina.

Á Föstudaginn langa. 

 

 

 

 

 

 

Athugasemdir

[Svanhildur Karlsdóttir, 21.3.2008 kl. 14:08]

Veggjakrot skemmir mörg hús,  en samt finnst mér sumt veggjakrot fallegt

[Vilborg Traustadóttir, 21.3.2008 kl. 16:11]

Sammála þér, það ættu að vera sérstakir staðir þar sem það mætti krota. Svo mætti þá mála yfir þegar það fer að veðrast og leyfa krot á ný. Knús á þig og þína.

[Herdís Sigurjónsdóttir, 22.3.2008 kl. 22:16]

Það var reynt í Mofellsbæ og á fleiri stöðum að leyfa veggjakrot á afmörkuðum stöðum en krakkaormarnir gátu ekki hamið sig .... en kannski er þetta fullorðið fólk eins og þessi í Kringlunni sem náðist á myndbandið, hún var víst á mínum aldri . Bestu kveðjur frá okkur hérna á Siglufirði .

[Vilborg Traustadóttir, 22.3.2008 kl. 23:17]

Já það er hætt við að það verði þannig að erfitt reynist að stoppa við.

Knús norður og knús í allar áttir!!!!