Myndlistanámskeið

Það var mikið gaman á myndlistanámskeiði hjá Erni Inga norður á Akureyri um helgina.  Við skelltum okkur nokkur saman úr fjölskyldunni.  Við vorum fimm og svo voru fjórir aðrir bæði sprenglærðir og byrjendur eins og ég.  Samheldnin var mikil í þessum blandaða hóp og mér leið eins og ég væri í fótboltaleik á túninu heima á Sauðanesi þar sem  allir voru í sama liði en Örn Ingi í markinu.  Hann var meira svona að verja “vitleysurnar” frá okkur og leiðrétta þær en að “þjálfa” með látum.  Leyfði okkur að skapa óhikað en greip fast í taumana ef við vorum komin á “fallbraut”.   Hreint ótrúlega gaman og þroskandi og reyndi á ýmsa þætti í fari mínu m.a. skapgerðarþættina þar sem ég fann vanmátt minn í ýmsu þó ég “léti vaða” í öðru. Á myndinni erum við Guðrún tengdadóttir mín.  Myndirnar á trönunum unnum við á námskeiðinu.

Athugasemdir

[Marta B Helgadóttir, 24.9.2007 kl. 17:56]

Sniðug voruð þið að fara þetta saman.

[Vilborg Traustadóttir, 24.9.2007 kl. 19:39]

Bæði sundur og saman. Ég lánaði undan mér bílinn og flaug norður, fórum svo samferða suður en aðrir komu á sínum bíl.  Svo hittust allir á námskeiðinu og þá varð þessi líka rífandi stemmning.  M.a.s. gerði ég eina mynd með sonarsyni mínum sem kom í heimsókn á námskeiðið.

[Herdís Sigurjónsdóttir, 24.9.2007 kl. 21:07]

Æðislegt greinilega, langar mikið að fara á myndlistarnámskeið á allt í skúrnum...striga í ramma, fullt af málningu, pensla og trönur  sem bíður bara við hliðina á golfsettinu, eftir því að frúin hafi tíma 

[Hulda Margrét Traustadóttir, 25.9.2007 kl. 08:02]

Takk fyrir síðast, þetta var afar gaman...en leið of fljótt. Góð mynd af ykkur Guðrúnu við verkin. Magga systir (við gleymdum að taka systkinamynd)....en munum eftir því næst !

[Vilborg Traustadóttir, 25.9.2007 kl. 12:54]

Það er nú eitt verk þarna sem er ekki beint okkar Guðrúnar en það er allt í lagi þetta var svo gaman að hvurs er hvurs skiptir ekki alveg öllu.  Samheldnin var slík í hópnum.