Stormar á Ásnum

Boltinn er farinn að rúlla. Ræddi við Theodór Júlíusson  (Dadda Júll)  í dag og hann er áhugasamur um Ketilásball 2008.  Hann er forkólfur hljómsveitarinnar Stormar frá Siglufirði.  Þannig að nú er allt að fara af stað.  Hann mælti með laugardagskvöldinu um helgina sem við ákváðum.  Þ.e. helgina fyrir Verslunnamannahelgina og Síldarævintýrið.  Við vorum sammála um að það væri gott fyrir Síldarævintýrið og ferðamennskuna fyrir norðan að fá smá vítamínsprautu tengda svona nostalgíu-atburði inn á þetta tímabil.  Nú er bara að vinda sér í að ræða við staðarhaldarann á Ketilási við fyrsta tækifæri og bóka húsið.  Einnig væri gott fyrir okkur að setjast niður yfir kaffi eða te og taka stöðuna kring um 20. september.  Formaður sér um að boða fundinn á sinni síðu.  Svo er spurning hvort við ættum ekki,  eins og við töluðum um, að opna sérstaka síðu tengda þessu verkefni þannig að sem flestir geti nálgast upplýsingar á einfaldann hátt. 

---

Ketilásinn rokkar feitt!!!!

Athugasemdir

[Hulda Margrét Traustadóttir, 1.9.2007 kl. 17:21]

Já, athafnir eru til alls fyrstar. Boltinn komin af stað og stefnum áfram í þessa átt, gott að fá Storma til liðs og svo kemur allt hitt á eftir. Nú er bara að fá samþykki fyrir húsinu og síðan koma sviðakjammar, harðfiskur, flatkökur og hangikjöt í kjölfarið....væri nefnilega svolítið sniðugt að vera með langborð af þessum kræsingum á Ketilásnum, sem flest okkkar voru með í nesti í útilegur í "den"......

'I kring um svona uppákomur fæðast yfirleitt fullt af uppákomum og mér líst vel á að opna síðu fyrir Ketilásball...en höfum í huga að ábyrgðin verður að vera á nefndinni en svo eru skemmtilegar hugmyndir vel þegnar...

Hittumst sem fyrst og höldum áfram á þessari braut....Magga "systir"