Gera göng

Það þýðir ekkert annað en að gera göng til Eyja.  Vestmannaeyingar og allir íslendingar eiga að setja það í forgang.  Það er órtúlegt að það sé ekki komið á kortið!  Árni Johnsen á að bretta upp ermar og fara að vinna að þessu!  Ásamt öðrum.

Slitnar upp úr viðræðum um aukaferðir Herjólfs

Athugasemdir

[Eirikur (IP-tala skráð) 6.7.2007 kl. 19:35]

Fyrirgefðu að ég ókunnugur maðurinn skipti mér af, en það er leitun að óarðbærari framkvæmd. Fyrir ekki stærra pláss en Vestmannaeyjar eru eru göng lélegur brandari. Það myndi í besta falli flýta fyrir því að fólk flytti úr Eyjum í bæinn. Er það jákvætt?

Eiríkur Sturla Ólafsson

[ÍBV Frjálsar, 6.7.2007 kl. 20:24]

Annar ókunnugur hér...Eiríkur veit lítið hvað hann talar um og Reykjavíkurhrokinn skín í gegnum orð hans hér. Svei þér

[Hulda (IP-tala skráð) 6.7.2007 kl. 21:48]

Ég er landsbyggðarpakk sjálf en ég er svo hjartanlega sammála honum Eiríki.  Fólk kýs að búa þarna, það voru örugglega ekki fleiri ferðir á milli þegar fólkið ákvað að flytja til Eyja og það eru bara því miður ekki til endalausir peningar í göng og siglingar á milli allra krummaskuða á landinu.

Þetta hlýtur þá að vera krummaskuðahroki í mér.

[G Antonia, 6.7.2007 kl. 22:01]

Svei ykkur!!!
Ég hef eytt 32 árum af mínum 48 árum í Eyjum... og sé ekki eftir því. Ég er reyndar flutt þaðan núna, en eyjamenn borga nákvæmlega jafn háa skatta og þið hin, vegaskatt og fl...
Þetta er gott og fallegt samfélag, eins og aðrir staðir hér á landi, og reyndar með fallegri stöðum á Islandinu (ef þetta telst til Islands)
Hvernig væri það ef allir KYSU að búa í höfuðborginni?????? Hvernig væri Island þá???*
Fólki langar að búa þarna og það er skiljanlegt, og það KÝS að komast á milli lands og Eyja, með fleiri ferðum, eða stærra og hraðskreiðara skipi og/eða göngum á milli lands og Eyja!
Hroki eður ei!   Eins og Vilborg orðar það; ótrúlegt að það sé ekki komið á kortið ; göng á milli...
 

[Vilborg Traustadóttir, 6.7.2007 kl. 22:06]

Héðinsfjarðargöng eru óarðbærari-pottþétt!  Hvalfjarðargöng eru arðbær.  Það mætti auka þannig framkvæmdir.  Þ.e.a.s. þar sem fólk hefur val hvort það stinguir sér í gegn um göng eða ekur aðra færa leið.

[Hörður M. (IP-tala skráð) 7.7.2007 kl. 02:20]

Svo ég vitni í Guðbjörgu ..

----

Ég hef eytt 32 árum af mínum 48 árum í Eyjum... og sé ekki eftir því. Ég er reyndar flutt þaðan núna, en eyjamenn borga nákvæmlega jafn háa skatta og þið hin, vegaskatt og fl...

----

Flott.  Tökum þann pening sem eftir er af framlagi eyjamanna þegar búið er að borga í hina sannanlegu samneyslu og notum þá til að byggja göng til Eyja, lyftu upp í gegnum Stórhöfðann og alla þá vitleysu sem þeim dettur í hug. 

[Vilborg Traustadóttir, 7.7.2007 kl. 10:14]

Sammála Gunnlaugi.  Nema hvað mér finnst spurning hvort Vestmannaeyingar ættu að borga í göngin.  Þetta yrði jú þeirra þjóðvegur.  Hins vegar borga þeir nú þegar í Herjólf og flug þannig að þeir víla það kannski ekkert fyrir sér.Göngin myndu sennilega borga sig upp fljótlega.  Líkt og Hvalfjarðargöngin.

[Drífa Þöll (IP-tala skráð) 7.7.2007 kl. 11:09]

ég á ekki til krónu! ættu siglfirðingar og ólafsfirðingar að borga héðinsfjarðargöngin??? áttu vestfirðingar að borga fyrir að vegirnir þeirra voru malbikaðir löngu á eftir öllum öðrum? ættu strandamenn sem búa á ströndum að greiða fyrir bætingu veganna? það held ég ekki, eins og gunni segir það er gott fyrir alla sem ferðast um landið að vegir og vegtengingar séu góðar. vestmannaeyjingar borga nú þegar alla sína skatta og skyldur eins og aðrir, auk þess sem þeir borga "veggjald" í herjólf. fyrir þá sem ekki vita kostar það 2 fullorðnar manneskjur um 10.000 ísl. kr. að fara fram og til baka með herjólfi ef bíll er með í för, og það er á afslætti. ég held að eitthvað yrði pípað ef að fólk þyrfti að borga 5000 kr. aðra leiðina yfir lagarfljótsbrúna!

ég held samt að vilborg hafi rétt fyrir sér að hluta. það endar með því að vestmanneyjingar borgi brúsann sjálfir, eins og gerðist með rafmagnið, vatnið og símann. það var lúxus sem að fólkinu á fastalandinu fannst óþarfi í eyjum!

[Vilborg Traustadóttir, 7.7.2007 kl. 11:35]

Ég meinti að allir aðrir en Vestmannaeyingar ættu að borga í göngin. Kemur í framhaldi af því að Gunni talar um veggjald í göngin.   Það borgar enginn í nein göng ennþá nema jú Hvalfjarðargöngin en þar hefur fólk líka val um að keyra fyrir Hvalfjörðinn í stað þess að borga.  Auðvitað á þetta að vera hluti af þjóðvegi 1.  Ekki spurning.  En það gæti orðið dýrt spaug fyrir þessa 50 Árneshreppsbúa á Ströndum að greiða vegtollinn sinn. Þess vegna er ég að hugsa um að flytja til Djúpuvíkur.  Leggja mitt af mörkum!!!

[Eiríkur (IP-tala skráð) 7.7.2007 kl. 19:08]

Þetta hljómar hér hjá flestum eins og að valkostirnir séu göng eða dauði. Hafiði virkilega ekki meiri trú á eigin byggðalagi en svo, að þið teljið göng nauðsynleg til að tryggja þar byggð? Hafa Eyjar ekki verið traust byggðarlag í langan tíma gangnalaus? Færeyingar fengu gangnaæði fyrir allnokkrum árum og í kjölfarið fylgdi flótti úr byggðunum. Lærum af mistökum þeirra og eyðum peningunum í annað. Mig langar að taka það fram að ég er ekki Reykvíkingur. Kveðja, Eiríkur Sturla

[Vilborg Traustadóttir, 7.7.2007 kl. 20:57]

Það er ekki hægt að jafna þessu saman.  Vestmannaeyingar ættu að mínu mati að vera löngu búnir að lýsa yfir sjálfstæði eyjanna.  Þeir eru ekki að fá brot af þeirri þjónustu sem "íslendingar" hafa.  Árni Johnsen væri kjörinn Eyja-jarl! Ég styð sjálfstæði Vestmannaeyja annars vegar eða göng til Eyja hins vegar!  Um annað er ekki að ræða í stöðunni.