Seinni vélin kom á undan

Gestur Fanndal sem Siglfirðingar þekkja sem verslunarmann og flugvallarstjóra á Siglufirði um árabil var frægur fyrir skjót tilsvör. Þegar hann var flugvallarstjóri gerðist það að ófært hafði verið með flugi til og frá Siglufirði í einhverja daga. Safnast hafði upp nokkur hópur sem þurfti að komast í flug.  Loks þegar útlit var fyrir flug dag einn var von á tveimur flugvélum.  Kom maður að máli við Gest og linnti ekki látum fyrr en Gestu hafði lofað honum fari með fyrri vélinni.  Maðurinn heyrði svo í flugvél og skildi ekkert í að Gestur var ekki búinn að hringja.  Hann stökk út í bílinn og brunaði fram á flugvöll.  Stóð það á endum að þegar maðurinn kom á flugvöllinn horfði hann á eftir flugvélinni í loftið.  Maðurinn hellti sér yfir Gest og sagði þú lofaðir mér fari með fyrri vélinni!

Gestur brá ekki svip og svaraði ofur rólega "ummmm seinni vélin kom á undan".

Sagan á það til að endurtaka sig.  Nokkur úr hópnum okkar (umboðsmenn Ísaga um allt land) sem var á Ísafirði um helgina átti pantað með flugvél kl. 13.20 þar á meðal við.  Aðrir átti pantað með vél upp úr kl. 15.00.  Þegar svo fyrri hópurinn var komin út í vélina sem lenti á Ísafirði tilkynnti flugmaðurinn töf vegna breyttra veðurskilyrða.  Leið og beið og svo kom seinni hópurinn við á flugvellinum á leið sinni til Þingeyrar þangað sem þeirra vél var beint vegna þessa.  Loks eftir fjögurra tíma bið, kók, prins póló og hamborgara á Ísafirði, komumst við svo í loftið.  Þegar við lentum í Reykjavík tók hluti "Þingeyrarhópsins" á móti okkur þar sem þau biðu eftir flugi til Egilsstaða.

 

Segja má með sanni að orð Gests heitins eigi vel við í dag því "seinni vélin kom á undan".

Athugasemdir

[G Antonia, 21.5.2007 kl. 01:22]

Velkomin í höfuðborgina á ný! 
Sjáumst 9 júní amk
bestu kveðjur

[G Antonia, 21.5.2007 kl. 17:20]

 bara fyrir "fullorðna" ekki börn, stjúpbörn eða fósturbörn

[Magnús Þór Jónsson, 21.5.2007 kl. 20:32]

Stur var símsvörunin ógleymanlega, aldrei heyrði maður Gestur, bara Stur.

[Vilborg Traustadóttir, 21.5.2007 kl. 21:05]

Emil þú þarft að vinna þér inn prik ef þú vilt fitta í hópinn.  Já Stur var heimsfrægur á Siglufirði.  Hann stóð m.a. upp á opnum fundi bæjarstjórnar þar sem vandamál varðandi fækkun Siglfirðinga var rædd.  Hann sagði, "það er mikill misskilningur að Sigfirðingum fari fækkandi, þeir búa bara annars staðar"!!!!!

[Herdís Sigurjónsdóttir, 21.5.2007 kl. 21:22]

ég ætlaði einmitt að segja ........ stur bandarann . Frábær Siglfirðingamessa í gær og var þetta með fráfluttu Siglfirðingana einmitt mikið rætt. Ég hitti alla nema ykkur þar.

[Vilborg Traustadóttir, 22.5.2007 kl. 13:32]

Einmitt Herdís.  Maður getur ekki verið alls staðar.  Gott að messan var góð.  Mæti bara næst.