Vinstri eða hægri?

Nú er morgunljóst að skýr valkostur blasir við á kjördag.  Samfylkingin og Vinstri Grænir hafa stillt sama strengi og tekið af öll tvímæli.  Þessir flokkar ætla sér samstarf eftir kosningar.  Það er auðvitað mjög jákvætt að vita þetta fyrirfram.  Kjósendur geta þá gert upp við sig hvort þeir vilja vinstri stjórn eða hægri stjórn.  Það er ekkert óljóst í spilunum.  Ég held að allir hugsandi menn reyni eftir föngum að sjá til þess að sá árangur sem við höfum náð í efnahagsmálum haldist.  Þegar efnahagur þjóðarinnar er góður skapast möguleikar fyrir velferðarkerfið að gera vel og þá meina ég vel við þá sem þurfa á því að halda.  Það eru allt of margar gloppur í almannatryggingakerfinu sem koma hart niður á þeim verst settu.  Við höfum ákveðinn hluta af heildarkökunni sem skiptist (eða ætti að skiptast) niður á þá.  Það er óþolandi að fólk sem vinnur fulla vinnu (svart) er að plokka af þeim sem ekkert geta unnið með því að þiggja örorkustyrk.  Því miður er það þannig í dag í mörgum tilfellum.  Þessu vill Sjálfstæðisflokkurinn breyta til batnaðar.  T.d. með því að breyta leikreglunum þannig að öryrkjum gefist kostur á að afla sér tekna án þess að skerða bætur.  Þannig myndast ráðrúm til að aðlaga kerfið og sveigja það að nýjum reglum í örorkumati.  Ég er öryrki og ég styð það.  Því er val mitt til hægri.

X-D

Athugasemdir

[Herdís Sigurjónsdóttir, 11.5.2007 kl. 09:20]

Já mjög jákvætt að styrkja öryrkja til að komast út á vinnumarkaðinn aftur. Við verðum að laga kerfið þannig að það verði hvetjandi en ekki letjandi og eins þarf að leyfa ellilífeyrisþegum að vinna lengur án skerðinga, þau eru okkur líka mikilvæg. 

Við viljum ekki að góðum árangri undanfarinna ára verið sólundað með óráðsíu líkt, sjáðu bara greinina frá  Guðmundi oddvita Sjálfstæðismanna á Álaftanesi í mogganum í dag...bæjarsjóður á kúpunni eftir eitt ár en fjárhagsáætlun gerði ráð fyrir verulegum rekstrarafgangi.

Áfram XD

[Örn Arnarson, 11.5.2007 kl. 18:05]

Hvað segja hinir flokkarnir um öryrkja?  Vilja þeir ekkert fyrir þá gera?  Hverjir hafa talað máli öryrkja síðustu 16 ár á meðan ríkisstjórn Sjálfstæðisflokks hefur ekki viljað gera neitt.  NÚNA allt í einu er hægt að gera eitthvað......  Maður á ekki að hlusta á hjalið í þessu liði rétt fyrir kosningar, maður á að fylgjast með þeim vinna og dæma þá af verkunum.  En væntanlega er ÞETTA ekki ástæðan fyrir því að þú kýst þennan spillta flokk.

[Vilborg Traustadóttir, 11.5.2007 kl. 22:15]

Það vill þannig til að ég var formaður MS-félagsins í fimm ár.  Ég þekki því vel aðferðir Öryrkjabandalagsins á þeim tíma og mér hugnast þær ekki. Með Garðar Sverrisson sem formann fór Öryrkjabandalagið í mál vegna m.a.tekjutengingar örorkugreiðslna við laun maka.  Því er ég að kvarta?  Ég sem gat keypt mér leðursófasett og bíl fyrir endurgreiðsluna meðan einhleypir eða "illa" giftir og verr settir fengu þar af leiðandi minni von um leiðréttingu sinna lágu bóta.  Baráttuaðferðir Garðars Sverrissonar snerust um að koma Ríkisstjórninni frá ekki um að bæta hag verst settu öryrkjanna.  Þetta veit ég og ligg ekkert á því.  Það er alltaf til nóg af fólki sem líður illa og sumir stjórnmálaflokkar spila á það.  Því miður.Það er ekki mikil reisn yfir þannig flokkum!!!

[Vilborg Traustadóttir, 11.5.2007 kl. 23:22]

Undirstaða góðs velferðarkerfis er traust efnahagsstjórnun.  Sjálfstæðisflokkurinn hefur lagt grunninn að því s.l. 16 ár.  Nú er bara að vinda sér í Heilbrigðisráðuneytið og velferðarmálin með Sjálfstæðisflokkinn áfram í forystu.  Þá er framtíðinni borgið svo frekast sem kostur er.  Skil ekki þetta hjá þér með nöfnin?  Þau eru öll falleg og örugglega margir að skíra þessum nöfnum í dag???M.a. átt þú fósturföður að nafni Geir, við Geir eigum son sem heitir Geir, barnabarn sem heitir Geir, tengdaföður sem heitir Geir (afi þinn) o.s.frv..... o.s.frv.....