Kókplöntuuppskera minni

Gott ef það verður framhald á því að stemma stigu við framleiðslu á þessu skaðræði fyrir mannkynið.  Það þarf að taka upp aðferðir sem duga.  Kannski er þetta ein af þeim aðferðum.

Minni uppskera af kókaplöntum

Athugasemdir

[Guðmundur Þórarinsson (IP-tala skráð) 9.5.2007 kl. 00:30]

Það er reyndar ekki getið um það í Mbl fréttinni hvað er undir flugvélunum sem að eru að dreifa eitrinu á kóka plönturnar. Það skal upplýst hér að það eru burtséð frá bændunum sem að rækta plönturnar, saklaus börn og vatnsból svo eitthvað sé nefnt.

Eitrið sem að bandaríkjamenn hafa svo af gæsku sinni verið að láta Kólumbíumönnum í té til þess að eyðileggja plönturnar er hið margfræga Agent Orange og í seinni tíð einhverskonar náskyldur kemískur ættingi þess.

Þá er vert að geta þess að ein af stærri ástæðum þess að kólumbískur bóndi fer út í það að rækta kóka er sú að hann er beðinn um það af skæruliðaflokkunum sem að þarna eru á sveimi. Fyrir eiturlyfin fá skæruliðarnir vænar fúlgur sem að þeir nota síðan til vopnakaupa og til þess að fjármagna baráttu sína almennt.

Það er afar vandséð að kóka bóndinn sé í aðstöðu til þess að segja nei við vopnaða skæruliðahópa þegar kemur að því að ræða siðferðið á bak við ræktunina.

Á endanum er það þannig að það er bannið sem að gerir kókaínið verðmætum varningi, sbr áfengisbannið í Bandaríkjunum.

Að lokum langar mig til þess að benda á www.leap.cc

Kv.

G.Þ.

[Vilborg Traustadóttir, 9.5.2007 kl. 00:41]

Var einmitt að hugsa þetta sama þegar ég setti linkinn inn.  Það er þessi umræða sem sett er til hliðar þegar eitri er stráð yfir byggð ból.  Takk fyrir þetta.

[Geiri (IP-tala skráð) 9.5.2007 kl. 02:12]

Fíkniefnastríðið er orðið raunverulegt STRÍÐ og ekkert annað, sorglegt að við Íslendingar tökum þátt af því með stolti. Þetta er ekkert annað en menningarlegir árekstrar, áfengi og tóbak eru ekkert skárri en önnur fíkniefni. Hvernig myndu Bandaríkjamenn taka því ef erlendar þjóðir reyndu að koma í veg fyrir tóbaks- eða áfengisframleiðslu á þeirra eigin landi? Að leyfa sum fíkniefni og berjast gegn öðrum á sama tíma mun ég aldrei sjá sem neitt annað en óendanlega hræsni og óréttlætanleg lífsstílastjórnun.

[Jens Guð, 11.5.2007 kl. 00:50]

  Eitt af vandamálunum varðandi kókaínframleiðsluna í sunnanverðri Ameríku er að bandaríska leyniþjónustan CIA er eða í það minnsta var þátttakandi í smygli á vörunni til Bandaríkjanna og fjármagnaði þannig hluta af "neðanjarðar" starfsemi sinni í Bandaríkjunum.  Liður í baráttu CIA gegn Svörtu hlébörðunum í Bandaríkjunum á sínum tíma var að dæla kókinu inn á þeirra yfirráðasvæði.

  Núna er ennþá stærra dæmi að dópframleiðsla hefur sprottið upp sem aldrei fyrr í Afganistan.  Mér skilst að yfir 80% af heróíni sem er í umferð í heiminum í dag komi frá Afganistan.