Bjartur dagur

Bjartur dagur hér syðra.  Sól og vor í lofti.  Hef verið upptekin í barnapössun í dag.  Góðir strákar og ótrúlega gaman að hafa þá hjá sér.  Kristján Andri ristarbrotnaði um páskana og er því ekki farin að vera á leikskólanum eftir slysið.  Ég var að hugsa það hve ótrúleg aðlögunarhæfni okkar er.  Hann skríður bara þangað sem hann vill fara því hann stígur ekki enn í fótinn sem er í gifsi.  Einstaka sinnum bað hann mig um aðstoð við að komast upp í stól eða sófa.  Slysið vildi þannig til að hann fékk eldavélina heima hjá sér yfir sig þar sem hann var að príla upp á ofnhurðina.  Slysagildrurnar leynast víða og hlutirnir ekki lengi að gerast.  "Varlega amma" sagði hann við mig í dag þegar við kvöddumst. 

Þessi elska.

Athugasemdir

[Herdís Sigurjónsdóttir, 11.4.2007 kl. 22:31]

Ohhh þessir gormar.. hugsa sér og Raggi og Siggi litlu strákarnir 17 í dag, sjáðu myndirnar af þeim hér

[Vilborg Traustadóttir, 11.4.2007 kl. 22:46]

Þú ert enn að blogga þarna!