Samfélag á Ströndum

  

Ég er svo heppin að eiga rætur mínar að rekja norður á Strandir.  Það er blómstrandi sveitamenning eins og hún gerist best.  Þar sem “maður er manns gaman” þar er gaman að vera.  Við förum á hverju sumri og dveljum í húsinu okkar á Djúpuvík í lengri eða skemmri tíma.  Það er gaman að sjá hvað yngstu meðlimir fjölskyldunnar “fíla” veruna þar í botn. 

Í Árneshreppi eru menn skilgreindir eftir búsetu þar og lengd viðveru.  Við fjölskyldan lögðum leið okkar norður í Ófeigsfjörð eitt sumarið.  

Þar var okkur tekið sem höfðingjum og farið með okkur í skoðunarferð um landareignina.  Jafnframt fengum við glögga lýsingu Péturs bónda í Ófeigsfirði á því hvernig heimamenn skilgreina hvern annan.  “Hrifsarar” eru menn eins og Pétur í Ófeigsfirði, Drangamenn o.fl. sem koma á Strandir norður árla vors og “hrifsa” til sín landsins gæði eins og rekavið, æðardún, seli o.fl og halda síðan til vetursetu annars staðar og hafa með sér fenginn.  “Búi” er framsóknarmaður sem jafnframt stundar kvikfjárrækt.  “Búar” hafa vetursetu í Árneshreppi og búa þar búi sínu.  

Okkur fannst þessi útlistun góð hjá Pétri og vildum nú vita hvað við flokkuðumst undir sem kæmum bara til að vera og njóta.  “Þið” sagði Pétur “eruð umrenningar!”

Athugasemdir

[Hulda Margrét Traustadóttir, 20.3.2007 kl. 14:47]

Aha, við "umrenningarnir" Góðir með sig á Ströndum norður. Magga systir

[Herdís Sigurjónsdóttir, 20.3.2007 kl. 18:10]

he he ..... kalla þeir vegagerðarmenn á heflum þá skafrenninga?

Ég hef alltaf sagt að við systkinin séum eins og við erum því við erum komin af Krossa og Kjarna í Eyjafirði...vondu fólki af Snæfellsnesi ...... og galdramönnum á Ströndum.

[Vilborg Traustadóttir, 20.3.2007 kl. 19:01]

óskilasauð!!

[Ragnar Bjarnason, 20.3.2007 kl. 19:58]

He he. Ég hef komist í kynni við strandafólk sem hefur verið hér í skóla og er allt saman snilldarlið. Góð saga.