Vilborg Traustadóttir

fös. 9.3.2007

Bloggvinkona Herdís.

Herdís er eitt lítið STÓRVELDI. Hún er litla systir “elstu og bestu” vinkonu minnar Kristínar. Herdís fylgdist náið með ýmsum “djammtilburðum” okkar Kristínar og þeim á stundum yfirgengilegum (kalt mat í dag). Ekki hefði ég viljað vera mamma okkar Kristínar þá! Hvað um það, úr Herdísi rættist ótrúlega vel miðað við óæskileg áhrif okkar á hana í bernsku norður á Sigló. Herdís er lærður meinatæknir, starfar hjá Rauða Krossinum og er í masters námi í auðlindanýtingu ef ég man rétt. Hún er bæjarfulltrúi fyrir Sjálfstæðisflokkinn í Mosfellsbæ. Herdís er umfram allt góð og skemmtileg stelpa og góð vinkona. Ég er mjög ánægða að eiga hana að bloggvinkonu í dag auk þess að hitta hana hressa í fjölskylduboðum tengdum Kristínu stóru systir hennar.

Flokkur: Bloggar | Facebook

Athugasemdir

Love you toooooooo

Veistu það er eins gott að ég er gömul sál... þess vegna lifði ég þetta af með ykkur Stóru um árið , en ég naut hverrar mínútu og ekki síst á Sauðanesi.. Hvað á maður annars að gera þegar maður er kominn á elló og hefur ekkert annað að gera en að rifja upp gamla góða tímann, drekka sherry og reykja smávindla.

kveðja, Herdís

Herdís Sigurjónsdóttir, 10.3.2007 kl. 20:16

Já Sauðanes...... man þegar við Kristín réttum þér blysið og það sprakk í höndunum á þér. Þegar við lásum leiðbeiningarnar stóð"stingið í jörð og víkið frá". Þetta kostaði ferð á spítalann og þú fékkst reifaða hendi. Ertu ekki örugglega með alla puttana??? Skömmu síðar var keyrt á hurðina í Strákagöngunum svo þeim varð að loka i nokkrar klukkustundir. Fjallkonan þar að verki samkvæmt Sigmund í Mogganum!!!

Vilborg Traustadóttir, 11.3.2007 kl. 12:26

einmitt þarna ákvað ég að vinna á sjúkrahúsi ótrúlega spennandi og ekki aftur snúið eftir það...Já ég er búin að fara með hluta tvö af mínum krökkum á slysó vegna flugeldaslysa og það var ekki vegna þess að ég læsi ekki á blysið,,,þau eru bara svo lík pabba sínum sem fór vikulega á slysó . En ég vildi óska þess að ég ætti Sigmund myndina....reddum hennir fyrir fimmtugsafmælið og verum með stand-up í afmæli Fjallkonunnar ...