Bara flott

Þó mitt uppáhaldslag væri The world of you með Jógvan þá er ég þokkalega sátt.

Lagið Is it true er fallegt og afar vel flutt af Jóhönnu Guðrúnu. 

Sonarsynir mínir horfðu með okkur og gátu fengið ömmu "gömlu" til að kjósa lagið I got no love með Hara systrum (eða Elektra eins og flytjendur kölluðu sig) fyrir sig þrisvar!   Það dugði ekki til og sofnuðu þeir út af í fanginu á afa sínum undir laginu Is it true.

Það er þá alla vega gott vöggulag sagði ég huggandi um leið og þeir liðu inn í draumalandið. 

Einn kostur enn við lagið Is it true er að það endurspeglar okkur Íslendinga að vakna óttaslegin upp við vondan draum með allt í klessu í kring um okkur spyrjandi "Is it true"?????? 

Lagið Is it true til Moskvu

Athugasemdir

[Magnús H Traustason, 15.2.2009 kl. 00:07]

Aftengdur vegna kvartanna.

Ritskoðun á mbl.

Neðangeind umsögn mín Dapurleg endalok var aftengt fréttinni um að Davíð segi ekki af sér. Þar varpa ég fram spurningu um andlegt heilbrigði Seðlabankastjóra. Ekki er lengur hægt að sjá þessa umsögn mina tengda  fréttinni.. Þessi aftenging segir allt sem segja þarf. Ég mun halda áfram að spyrja þessarar spurningar.

Davíð segir ekki af sér

Innlent | mbl.is | 8.2.2009 | 17:17

Davíð Oddsson, seðlabankastjóri, hefur svarað bréfi Jóhönnu Sigurðardóttur, forsætisráðherra, að hann hafi aldrei hlaupið frá verki sem hann hafi tekið að sér og það muni hann ekki gera nú. Það er því ljóst að hvorki Davíð né Eiríkur Guðnason verða við beiðni Jóhönnu um afsögn úr starfi.

Dapurleg endalok

Sorgleg að verða vitni að svo niðurlægjandi endalokum á starfsferli Davíðs Oddssonar.  Er maðurinn andlega heill?????? Nú maður spyr sig. Fordæmalaust að flækjast fyrir nýrri ríkistjórn á þennan hátt og senda fólkinu í landinu þau skilaboð að hann sé þjóðinni mikilvægari.

Davíð segir ekki af sér

[Vilborg Traustadóttir, 15.2.2009 kl. 11:17]

Já það er margt sem gerist í heiminum og það styttist sífellt í öfgahópa og valdboð eftir því sem kreppir meira að.

Þagar "hvolpur" er króaður af úti í horni bítur hann frá sér.....

Það er satt hjá þér að það er ægilega sorglegt að horfa upp á slík endalok á ferli manns sem maður hefur stutt og hefur gert margt gott fyrir land og þjóð og horfa auk þess upp á það í beinni útsendingu.

Þú varpar bara fram spurningu í færslu þinni sem flestir eru að hugsa þessa dagana.

Mjög, mjög sorglegt.